WHO-p imminut toquttarnermik pitsaaliuinermut septembarip qulinganni ullorititaanik malunnartitsinermut aningaasartuutinik matussusiinissamut tapiissutinik qinnuteqarit.
Piviusoq
WHO-p nunani tamalaani imminut toqunnissamik pinaveersaartitsiniarluni ullortitaanik 10. septembarimik malunnartitseqataanissamut kommunit aningaasartuutinut matussutissanik qinnuteqanissaminnut periarfissaqarput.
Illoqarfiit amerlanerpaanik 2.000 koruuninik nunaqarfiillu amerlanerpaanik 1.000 koruuninik qinnuteqarsinnaapput.
Sammisaq
International association for suicide prevention-ip (IASP) nittartagaani ullormut tassunga tunngasut
uani atuarneqarsinnaapput.
Nunarsuarmi sumiiffinni assigiinngitsuni aaqqissuussinerni sammisat atuarneqarsinnaapput aamma namminerisamik aaqqissuussat ilanngunneqarsinnaallutik.
Paarisa aamma Tusaannga oqariartaatsimik suliaqarsimapput ”Imminut toquttarneq eqqartortigu – inuunermik annaassisinnaavoq” taannalu 2023-mut atuuppoq.
Isumassarsiffiusinnaasut
IASP-ip nittartagaani sammisassatut siunnersuutit takuneqarsinnaapput, qupperneq uani takuuk.
Qinnuteqartumut piumasaqaat
Tapiiffigineqarusukkaanni qinnuteqaammut ullormi pisussatut pilersaarutit ilanngunneqassapput.
Tamatuma saniatigut makku paasissutissiissutigineqassapput:
• Tapiissutit sumut atorneqassanersut, tassunga aningaasartuutissatut missingersuutit ilanngunneqassallutik.
• Ullormi aaqqissuussinermut kikkut akisussaasuunersut.
• Kontop normua, tapiissutit ikinissaannut atugassaq.
Qinnuteqaatit
Imminut toqunnissamik pinaveersaartitsinermut aningaasaliissutit ukiumut ataasiarluni agguaanneqartarput.
Qinnuteqarfissaq kingulleq tassaavoq ukioq manna
aggustip 25-at.
Elektroniskimik qinnuteqarnissamut immersuiffissaq una immersoruk: Qinnuteqarfissaq.
Qinnuteqarnissamut piffissarititaasoq qaangiunniariarpat qinnuteqaatit misissorneqassapput akissutissallu nassiussuunneqarlutik.
Nalunaarusiorneq
Siunissami imminut toqunissamik pinaveersaartitsinermut aningaasaliissutinik pissarsiniaraanni siusinnerusukkut aaqqissuussinernut aningaasaliissutaasimasut pillugit nalunaarutit naatsorsuutillu nassiunneqarsimassapput.
Ilissinnik oqaloqatiginninnissarput pingaaruteqarmat naluaarusiarsi ilanngullugu nassiutissavarsi.
Ulloq ataatsimoorluta sapinngisarput tamaat nuannersunngortinniassagatsigu ullormit tassannga misilittakkasi misigisasilu tusarusuppagut.
Nalunaarusiornissamut immersuiffissaq uani immersoruk: Immersuiffissaq.
Oktobarip aallaqqaataa nallertinnagu nalunaarusiorit.
Apeqqutissaqarpit?
Arlaanik apeqqutissaqaruit paarisa@nanoq.gl-imut mailerit imaluuniit 34 50 00-imut attaveqarit.