Sapaatip akunneranut 18-imut aningaasaliissutit

Piviusoq 

Innuttaasut, peqatigiiffiit, atuarfiit, pitsaaliuinermi ataatsimiititaliat kommunillu tamarmik kaammattorneqarput Sapaatip akunnerani 18-imi najukkaminni aaqqissueqqullugit, soorlu pisoqartitsinikkut imaluunniit unnuit ilaanni oqallitsitsinikkut.

Sapaatip akunnerani 18-imi sammisassaqartitsinissannut aningaasanik Paarisamut qinnuteqarsinnaanngorputit nunaqarfinnut 1000 kr. illoqarfinnullu 5000 kr. qinnutigineqarsinnaapput. 

Sammisaq 

Ataatsimoorfiit peqqinnartut akuutitsisullu

Ataatsimoorfiit peqqinnartut akuutitsisullu siuarsarlugit ataatsimoorluta imigassartortarneq imertariaaserlu peqqinnarnerusunngortissinnaavagut.

Meeqqat ilaqutariillu najukkaminni ataatsimoorfinnut sammisaqarfiusartunut isumaqarluartunullu akuunerat isummakkut peqqinnerulernissaannut iluaqutaasarpoq. Ataatsimoorfiit sammisassallu, kulturimik naleqartitanillu tunngaveqartut amerlasuut, inuunermi nuannaarnermut atassuteqarluinnartitsisarput. Taakku tassaasinnaapput pinngortitami ataatsimoorluni sammisaqarneq, piniaqatigiinneq, aalisaqatigiinneq, qimatulineq, pinngortitami nerisassiorneq aamma illoqarfigisaq nunaqarfigisarluunniit qimallugit illuaqqami tupermiluunniit unnuinerit.

Atortussat 

Paarisa innuttaasunut unnussiuaartitsinissamut atortussanik katersinikuuvoq illoqarfinni nunaqarfinniluunniit peqqissuseq ataatsimoorfiillu siuarsarniarlugit. 

Uani atuaruk.

Makkununnga tapiissuteqartoqartanngilaq: 

• Aningaasartuutaareersimasunut
• Angalanermut aningaasartuutinut
• Aningaasannanniutigalugu aaqqissuussinernut
• Nutaanik pisianut
• Peqatigiiffinnut il.il. Aningaasanut inatsisikkut tapiiffigineqartartunut

QINNUTEQAATIT 

Sapaatip akunneranut 18-imut Aningaasaateqarfik ukiumut ataasiarluni agguaassisarpoq.

Ukiut tamaasa qinnuteqarfissap killingaa 8.marts.

Ukioq manna qinnuteqarfissap killinga 8. martsimut inissinneqarpoq qinnuteqartut qinnuteqarnissamut piffissaqarnerunissaat anguniarlugu. 

Nalunaarusiorneq 

Siunissami sap. ak. 18-imut tapiissutinik pissarsissangaanni, ingerlatamut nalunaarut aamma aningaasartuutinut nalunaarusiaq tunniunneqarsimasussaapput.

Qinnuteqartup nalunaarusiani siunissami sap. ak. 18-mut tapiiffigineqarsinnaasut akornanniikkusukkuni nassiuttariaqarpaa.

Attaveqatigiinneq taamatut uagutsinnut pingaaruteqarpoq, susoqarneranik misilittakkanillu tusarfiginissassinnik periarfissiimmat, kingornalu pitsaanerusunik aaqqissuussisinnaanermik aqqutissiuisinnaammat.

Nalunaarusiaq Sap. ak. 18

Nalunaarusiut 1. juni nallertinnagu immersorneqassaaq.

Apeqqut? 

Apeqqutissaqarussi Paarisa attavigisinnaavarsi uunnga paarisa@nanoq.gl imaluunniit sianerlusi uunnga 34 50 00.