airplanebooksbriefcase business cogs cross election entertainment fish house law lockmedicalpeopleselfservices socialtax

Ujaruk

Angajoqqaa­juneq

Meeqqat toqqissisimanartunik avatangiiseqarnissartik aamma pisariaqartumik isumassuisunik asannittunillu angajoqqaaqarnissartik pisariaqartippaat.

MANU

Tassaavoq ataatsimoortumik isiginneriaaseqarluni najoqqutassiaq, angajoqqaanik malinnaaffiusoq, naartunermik misissuilluni atortumi titarnernit siullernit marlunniit 3-4-nik ukiulimmik meeraqarluni ulluinnarisaq ilanngullugu.

manu@nanoq.gl

https://www.manu.gl

MANU-p illit namminerpiaq angajoqqaatut pissusilersuu­tissavit nas­saarinissaanut ikiussavaatit 

Angajoqqaajoriaatsimik toqqaanissamut MANU-mit ikiorneqarsinnaavusi.

MANU angajoqqaanngortussanut piareersaatitut neqeroorutaavoq meeqqassi pitsaanerpaamik inuunerminik aallartitsinissaanut tapersiisinnaallunilu angajoqqaajoriaatsimik toqqaanissamut iluaqutigisinnaasarsi. MANU pillugu uani atuarnerusinnaavutit.



Angajoqqaatut iliuuserisartakkat naammaginarnersut nalornissutigissallugit nalinginnaavoq. Matumani angajoqqaajoriaatsit assigiinngitsut arlallit eqqortuunerat eqqaamassallugu pingaaruteqarpoq.

MANU

Piviusoq 

Angajoqqaajoriaatsit pitsaasut amerlapput, taakkualu ilaat allanit eqqornerunngillat.

Angajoqqaatut inuuneq pillugu assigiinngitsorpassuarni siunnersorneqarsinnaavutit. Ilaannikkut siunnersuutit assigiinngitsorpassuit assigiinngitsunik sammiveqarsinnaasarmata tamanna paatsiveerunnarsinnaavoq.

Angajoqqaanngulerussi pingaaruteqarpoq nammineq angajoqqaajoriaatsissinnik nassaarnissarsi, tamatumanilu MANU-mit ikiorneqarsinnaavusi.


MANU 

MANU ilinnut ataatanngungajalersumut anaananngungajalersumulluunniit angajoqqaanngornissamut piareersarfiuvoq. Aamma sisamat tikillugit ukiulimmik meeraqaruit MANU ilinnut tulluarpoq.

MANU iluaqutigalugu angajoqqaajoriaaseq nuannarinerusarsi toqqarsinnaavarsi.

Ilaqutariit assigiinngillat  

Ilaqutariit assigiinngitsorpassuupput. Ilaqutariit ilaat ataatsimik arlalinnilluunniit meeraqarput, allat qatanngutissiaqartarput ilaallu ataatsimik arlalinnilluunniit meerarsiaqartarlutik. Aamma arnaannaat imaluunniit angutaannaat meeraqartarput imaluunniit kisimiittunik meeraqartoqartarluni.

Ilaqutariit ilaat allanit eqqornerusannginnerat eqqaamassallugu pingaaruteqarpoq.


MANU

MANU sisamanik ukiullit tikillugit meeralinnut, meeravissiaqartunut meerarsiaqartunullu tamanut neqeroorutaavoq. MANU-mi kikkut tamarmik inissaqartinneqarput.

Uani atuaruk