airplanebooksbriefcase business cogs cross election entertainment fish house law lockmedicalpeopleselfservices socialtax

Ujaruk

Naalungiarsuit meeqqallu mikisut timiminnik aalatitsisarne­rat

Naalungiarsuit meeqqallu mikisut ulluinnarni sapinngisamik annerpaamik timiminnik aalatitsinissamut periarfissaqassapput. Sammisaqaqatigiinneq illit meeqqavillu akornanni qanilaarnermik attaveqaqatigiinnermillu nakussatsitsisarpoq.

Paarisa malinnaaf­figiuk

... peqqissuunissamillu qinersineq ajornanngitsu­mik qinersininngortiguk.

Meeqqat sapinngisamik annerpaamik timimik aalatitsinissa­mut periarfis­sittaruk! 

Meeqqat timiminik aalatitsigaangat isumannaallisaaneq eqqumaffigisassavat. Meeqqavit qaqugukkut unikkallarnissaminik pisariaqartitsineranut takussutissat aamma eqqumaffigisakkit.

Meeqqat 0-1 ukiullit:

  • Meeqqat eqqumanerani sapinngisamik sivisunerpaamik pallorsimatittaruk
  • Ullup ingerlanerani meeqqat assigiinngitsutigut timiminik aalatitsisarnissaa isumagisaruk
  • Meeqqat sapinngisamik piumasaminik timiminik aalatitsisinnaanissaa isumagisaruk

Meeqqat 1-4 ukiullit:

  • Meeqqat ullup ingerlanerani assigiinngitsutigut timiminik aalatitsisarnissaa isumagisaruk
  • Meeqqat sapinngisamik piumasaminik timiminik aalatitsisinnaanissaa isumagisaruk
  • iPad-inik, mobilinik assigisaannillu atuisarnera killilersoruk

Timimik aalatitsineq meeqqanut peqqinnarpoq. Tamanna qularinngilarput. Meeqqat timiminik aalatitsillunilu atuigaangami, ass. pinnguaraangami, imminut naleqartinnini, malinnaasinnaanini, nukini, qasujaassutsini timiminillu isumannaatsumik atuisinnaanini ineriartortittarpai.

MANU

Piviusoq 

Naalungiarsuit meeqqallu mikisut tassanngaannaq nikeriartarput, timimillu aalatitsineq meeqqap nukiminik aqutsisinnaanerminik ineriartortitsineranut pingaaruteqarluinnarpoq. Meeraq timini atorlugu malugisaqarniartarlunilu avatangiisiminik misissuisarlunilu allanut attaveqartarpoq. Timimik aalatitsinikkut pinnguarnikkullu meeqqap aamma timini ilinniartarpaa. Taamaattumik meeqqavit sapinngisamik annerpaamik timiminik aalatitsinissaanut periarfissiinissat pingaaruteqarpoq. 

Timimik aalatitsinikkut pinnguarnikkullu meeqqap avatangiisimi maluginissaa ilinniartarpaa. Meeqqap timiminik aalatitsisarnera peqqissusianut nukiminillu aqutsisinnaanerminik ineriartortitsineranut pingaaruteqarpoq.

Naalungissanik pinnguaqate­qartarneq 

Meeqqavit 0-1 ukiullip timaanik aalatitsinissamut pinnguaqatiginissaanullu assersuutit:

  • Meeqqat kissumiarlugu qitillutillu erinarsorsinnaavutit
  • Meeqqavit timini assatillu kissalaartut maluginiassammagit tagiartorsinnaavat
  • Timimik aalatitseriaatsinik nutaanik ilinniarniassammat siniffimmi ulikattartissinnaavat
  • Ullut tamaasa meeqqat pallorsimatittarsinnaavat, taava immaqa niaqquni malartissavaa. Taamaalilluni pukutsumigut, tuimigut qitimigullu nukkassaaq
  • ’Timmisartortuusaarsinnaavusi.’ Taamaaliortalinnginninni meeqqavit niaqquni qummoorsimatissinnaassavaa. Meeqqat assaatigut paffiatigullu paarissavat. Maanna nissutit isikkatillu mianersortumik qummoortarlugillu ammoortassavatit. Meeqqat timmivoq.

Meeqqanik mikisunik pinnguaqate­qartarneq  

Meeqqavit 1-4 ukiullip timaanik aalatitsinissamut pinnguaqatiginissaanullu assersuutit:

  • Nipilersuut tusarnaajutigalugu qitillusilu erinarsorsinnaavusi
  • Ulikattarlusi pinnguarsinnaavusi, meeraq kiveriarlugu kaavisinneqarsinnaavoq, assakaatinneqarsinnaavoq il.il.
  • Arsat ballonillu pinnguarisinnaavasi. Taamaalilluni meeqqap isimmissineq, miloriussineq akorsinerlu ilinniarniassammagit.
  • Qamuteeqqanik sisuukalaarutinillu sisorarsinnaavusi
  • Arpallusi sukkaniussinnaavusi, attortaallusi, pinngortitami pisuttuarsinnaavusi imaluunniit akileriillusi imminut ilaartarlusi

Timimik aalatitsineq

Timit aalanissamut pinngortitaavoq, timimillu aalatitsisarnerit timikkut tarnikkullu ilorrisimaarninnut peqqissutsinnullu pingaaruteqarpoq. Timimik aalatitsineq tassaasinnaavoq pisuttuarneq, eqqiaaneq, meeqqannik pinnguaqateqarneq, timersorneq kiisalu piniarneq aalisarnerlu.

Uani atuaruk

Naartusut timersornissaat

Timimik aalatitsisarneq – aamma naartunermi – pitsaasuuvoq. Naartunerit tamaat timikkut nukittunissat ilinnut naartunnullu iluaqutaassaaq.

Uani atuaruk

65-it sinnerlugit ukiullit timiminnik aalatitsinis­saat

Timinnik aalatitsisarnerit – aamma utoqqaligaluarlutit – ilinnut timinnullu iluaqutaassaaq. Peqqissuunissap ulluinnarnilu suliassat isumagisinnaanissaannut piginnaaneqarnissap qulakkeernissaannut timimik aalatitsisarneq pingaaruteqarpoq.

Uani atuaruk