airplanebooksbriefcase business cogs cross election entertainment fish house law lockmedicalpeopleselfservices socialtax

Ujaruk

Killiliisa filmi piviusulersaarut

Filmi piviusulersaarut ”Pilluarneq Ersigiunnaarpara” Killiliisap periusissiaanut Naalakkersuisut kinguaassiuutitigut atornerluisarnermut periusissiaasumi ilaavoq. Periusissiami siunertarineqartoq tassaavoq allannguinernik iluaqutaasunik pilersitsinissaq kinguaassiutitigullu atornerluinerit ikilisinnissaat.

TUSAANNGA

Ajornartorsiutit nammineq aaqqissinnaanngitsutut misigisatit pillugit oqaloqateqarnissamik pisariaqartitsiguit Tusaannga attavigiuaannarsinnaavat.
Attaveqarneq akeqanngilaq kinaassutsimillu isertuussisuulluni.

Ammarsarfiit:
ataas. - sisa. 9:00 – 22:00
tall. 09:00 - 04:00
arf. 16:00 – 04:00
sap. 16:00 – 22:00

SMS

1899

Oqarasuaat

80 11 80

80 11 80

Filmi piviusulersaarut maana takuuk.

 

Filmi piviusulersaarut pillugu 

Filmi piviusulersaarut ''Pilluarneq Ersigiunnaarpara'' Isumaginninnermut Aqutsisoqarfimmi Paarisa sinnerlugu Nivaara Filmsimit suliarineqarpoq

Piviusulersaarut inunnut marlunnut tunngavoq, marluullutik meeraanerminni kinguaassiutitigut atornerlugaanikuupput. Gukki Nuka (53-inik ukiulik) eqqumiitsuliortuuvoq, massakkullu meeraanermini atornerlugaaffimminut illoqarfigisaminut Uummannamut utilerluni. Kornelia (24-nik ukiulik) ullumikkut annilaanganeq atorpaa, kisiannili ajornartorsiutit utikajaartut qaangersimallugit aamma meeraanermini inuunererusutani, tassa kiffaanngissuseqarneq inuunerilerniarsaralugu.

Namminersorlutik Oqartussanit angalaqatigiinnit tarnip pissusaanik ilisimasallit apersuineranit Gukki Nukap Korneliallu oqaluttuaat suliatigut isiginnittariaaseq atorlugu saqqummiunneqarput. Taamaaliornikkut kinguaassiutitigut atornerlugaaneq pillugu sammisaq paasinarnerulersinneqarpoq tigussaasunngorlunilu.

Filmi piviusulersaarut Nuummi november 2019-imi saqqummersinneqarpoq tamatumalu kingorna Ilulissani, Aasianni, Maniitsumi, Narsami Tasiilamilu takutinneqarluni.

Filmi aamma nuna tamakkerlugu TV-kkut KNR aqqutigalugu februar 2020-mi takutinneqarpoq.

Maleruagassat 

Filmi piviusulersaarut ”Pilluarneq Ersigiunnaarpara”
taamaallaat nammineq atugassaavoq. Assilineqaqqusaanngilaq, tuniniaqqeqqusaanngilaq agguaateqqinneqaqqusaananilu. Ilinniartitsinermullu atatillugu atorneqarsinnaavoq.

Filmiliaq sakkortuunik imaqarmat, 15-it ataallugit ukiulinnut innersuunneqanngilaq. 15-iniit 18-init akornanni ukiulinnut innersuussaavoq, filmi takuniarunikku inersimasumik inimeeqateqartariaqarpoq.

Kinguaassiuu­titigut innarliinerit

Kinguaassiuutitigut innarliinerit tassaapput iliuutsit kinguaassiuutinut tunngasut inuup killissaanik qaangiisut.

Uani atuaruk

Killiliisa

Paarisa.gl-imi Killiliisap silarsuaanut tikilluarit

Uani atuaruk

Killiliisa podcast

Meeraanermi kinguaassiuutitigut atornerlunneqarsimasut pillugit qulinik immikkoortulimmik Podcastimik nangeqattaartuliaq.

Uani atuaruk