airplanebooksbriefcase business cogs cross election entertainment fish house law lockmedicalpeopleselfservices socialtax

Ujaruk

Killiliisa podcast

Meeraanermi kinguaassiuutitigut atornerlunneqarsimasut pillugit qulinik immikkoortulimmik Podcastimik nangeqattaartuliaq.

TUSAANNGA

Ajornartorsiutit nammineq aaqqissinnaanngitsutut misigisatit pillugit oqaloqateqarnissamik pisariaqartitsiguit Tusaannga attavigiuaannarsinnaavat.
Attaveqarneq akeqanngilaq kinaassutsimillu isertuussisuulluni.

Ammarsarfiit:
ataas. - sisa. 9:00 – 22:00
tall. 09:00 - 04:00
arf. 16:00 – 04:00
sap. 16:00 – 22:00

SMS

1899

Oqarasuaat

80 11 80

80 11 80

Killiliisa podcast tusarnaakkit aammalu kinguaassiuutitigut atornerluinerit pillugit paasisaqarlutit allallu kinguaassiuutitigut atornerlunneqarsimasut paasinissaannut aalajangersimasunik sakkussaqalerlutit. Una tooruk.
Podcastimik nangeqattaartuliaq ilinnuuvoq kinguaassiuutitigut atornerlunneqarsimasut pillugit paasisaqarnerorusuttumut. Imaassinnaasoq inuttut atukkatit pissutigalugit ikinngutivit ilaquttavilluunniit paasinissaanut aalajangersimasumik paasisaqarusuttutit sakkussanilluunniit ujarlertutit. Aamma imaassinnaavoq suliffinnut atatillugu paasisaqarnerorusuttutit. Imaluunniit alapernaaginnartutit. Sunaluunniit pissutigigaluarukku uani paasisaqarnerusinnaavutit.

Aallakaatitsinermik ingerlatsisoq aaqqissuisorlu Nivi Pedersen podcastimik nangeqattaartuliami Namminersorlutik Oqartussanit angalaqatigiinnit tarnip pissusaanik ilisimasallit arfinillit oqaloqatigai, taakkulu 2019-imi upernaakkut piviusulersaarummi “Pilluarneq ersigiunnaarpara”-mi apersorneqarput. Nangeqattaartuliaq namminersuullugu suliaallunilu filmimut piviusulersaarummut sammisanut assigiinngitsunut itinerusumik paasisimasaqarnerulernissamut tapertaavoq.
  1. Immikkoortoq: Kinguaassiuutitigut atornerluineq suua?
  2. Immikkoortoq: Kingunerluutit suuppat?
  3. Immikkoortoq: Meeqqap ilisarnaatai aamma nalunaartussaatitaaneq.
  4. Immikkoortoq: Kinguaassiuutitigut atornerluinermik pissusilersortartut immikkoortoq siulleq
  5. Immikkoortoq: Kinguaassiuutitigut atornerluinermik pissusilersortartut immikkoortup aappaa
  6. Immikkoortoq: Ataatsimut Isertugaateqarneq
  7. Immikkoortoq: Tapersersuutaasumik oqaloqatigiinneq
  8. Immikkoortoq: Nipangersimaannassanerluni nalornineq
  9. Immikkoortoq: Imaarsaaneq
  10. Immikkoortoq: Angalasartut aamma qanoq katsorsartittoqarsinnaanersoq

Killiliisa

Paarisa.gl-imi Killiliisap silarsuaanut tikilluarit

Uani atuaruk

Kinguaassiuu­titigut innarliinerit

Kinguaassiuutitigut innarliinerit tassaapput iliuutsit kinguaassiuutinut tunngasut inuup killissaanik qaangiisut.

Uani atuaruk

Killiliisa filmi piviusulersaarut

Filmi piviusulersaarut ”Pilluarneq Ersigiunnaarpara” Killiliisap periusissiaanut Naalakkersuisut kinguaassiuutitigut atornerluisarnermut periusissiaasumi ilaavoq. Periusissiami siunertarineqartoq tassaavoq allannguinernik iluaqutaasunik pilersitsinissaq kinguaassiutitigullu atornerluinerit ikilisinnissaat.

Uani atuaruk