airplanebooksbriefcase business cogs cross election entertainment fish house law lockmedicalpeopleselfservices socialtax

Ujaruk

IGASA 2023

Nuna tamakkerlugu atuarfinni nunatsinni IGASA-p ullua, ulloq 10. maj 2023-mi ingerlanneqassaaq. IGASA tassaavoq meeqqat akullerni atuartut iganermik, ataatsimoornermik, peqqissusermik aamma meeqqat pisinnaatitaaffiinik sammisaqarneranni nuannersumik, isumassarsinartumik pissarsiaqarnartumillu ulloqartitsineq.

Paarisa malinnaaf­figiuk

... peqqissuunissamillu qinersineq ajornanngitsu­mik qinersininngortiguk.

Nuna tamakkerlugu IGASA-p ulloq 10.maj 2023-imi ulloqartitsinermi peqataagit 

Akullerni atuartuni ilinniartitsisuuvit aamma atuartitatit ullormi ataatsimi nuannersumik isumassarsinartumillu iganermik, ataatsimoornermik meeqqallu pisinnaatitaaffiinik sammisaqartinneranni peqataarusullutit?

Meeqqat isumassarsiorfiulluartussamut nuannersunik sammisassarpassualimmut kiisalu meeqqat pisinnaatitaaffiinut ataatsimoornissamullu qilanaarutissaqarluarput

IGASA

Kikkut aallartitsisuuppat? 

IGASA Paarisamit aamma Kalaallit Nunaanni UNICEF-imit inerisarneqarnikuuvoq. 

IGASA Royal Greenland, Pisiffik, Brugseni aamma Pilersuisoq, IGASA 2023-mut nioqqutissanik suliarineqanngitsunik tamanik aningaasaliisuusut suleqatigalugit pissaaq. 

IGASA tassaavoq Naalakkersuisut pitsaasumik meeraaneq pillugu 2020-2030-imi suleqatigiinnissamik periusissiaata, Inuuneritta II-p ataani Kattulluta inuunerittap, suliniaqatigiiffimmik suleqateqarluni sammineqartitsisarnera.
 

IGASA-mut peqataagussi, suut pissarsiarissavisigit? 

IGASA-mut peqataaniarluni nalunaarussi, tigussavasi tulliuttut:

Atuagassiaq ilitsersuut ilnniartitsisup atugassaa, atuartunut IGASA-mik pikkorissartitsineqarnissaanut alloriarnikkaartumik ilitsersuutinik ilaqartoq 
Atortussat IGASA-mik ingerlatsinermi atugassat, matumani iganermut ilitsersuutit atuakkat AALISA-IGASA-NERISA aamma nerisassanut qulinut siunnersuutit pillugit atortussat
IGASA-p pikkorissartitsinissaanut nioqqutissanik suliarineqanngitsunik pisiniarnissamut pisissutissaq, Royal Greenlandimit, Brugsenimit, Pilersuisumit aamma Pisiffimmit aningaasalersorneqartoq

Atuaqatigiit ilinniartitsisuata IGASA-p ulluata piviusunngortinneqarnissaa akisussaaffigaa. Atuarfiup init aamma igaffik kiisalu igaffimmi atortut atorneqarnissaat isumagissavai.


IGASA-p siunertaa 

IGASA 2023-p siunertaa tassaavoq, meeqqat akullerni atuartut nuannersumik ilikkagaqarfiusumillu ulloqartinnissaat. Ullormi tassani nerisassiornermik, nerisassanik aamma nerisarnerit peqqissutsimut, inuttut atukkanut ataatsimooqatigiinnerullu sunniutigisartagaannik ilinniartissapput.

Meeqqat IGASA-mut peqaanikuusut, misigisaqassapput makkuninnga:

Ataatsimooqatigiinnut peqqissunut akuutitsisunullu ilaasimallutik
Nerisassiorneq, nerisassat aamma nerisarnerit inuttut atukkanut, ataatsimooqatigiinnermut peqqissutsimullu sunniuteqartartut
Nerisassiornermi aallussisumik peqataanissamut kajumissuseqalerneq
Aalisakkanik naatitanillu nerisassiorsinnaallutik tamannalu nuannersuusoq illigusutsitsisartorlu
Meeqqat tamarmik suugaluartumik iliuuseqarsinnaasut aamma meeqqat tamarmik pisinnaatitaaffeqartut

 

Atuarsinnaasatit allat

Nerisaqarneq

Nerisassat peqqinnartut assigiinngissitaartuupput sivisuumillu qaarsilaartitsisarlutik. Peqqinnartunik nerisaqaruit timivit sapinngisamik pitsaanerpaamik ingerlalluarnissaa ilimanarnerussaaq, taamaalillutillu ulloq naallugu nukissaqarluassallutillu peqqissuussaatit.

Uani atuaruk

Peqqinnartumik nereriaaseqarneq

Peqqinnartumik nereriaaseqarneq tassaavoq timip kalerrisaarutaanut tusarnaarnermik ilinniarneq. Qaqugu nerissanersugut qanorlu neritigissanersugut timip oqaluttuuttarpaatigut.

Uani atuaruk