airplanebooksbriefcase business cogs cross election entertainment fish house law lockmedicalpeopleselfservices socialtax
Inuunerinneq pujortarfiunngitsoq

Ujaruk

"World No Tobacco Day"

WHO tupa akiorniarlugu ullorisitaa tassaavoq majip 31-iat, World No Tobacco Day – imillu taaguserneqarsimavoq.

Paarisa malinnaaf­figiuk

... peqqissuunissamillu qinersineq ajornanngitsu­mik qinersininngortiguk.

Influencerinik pissarsiorpugut! 

Paarisa WHO-p tupanik suliffissuaqarneq akiorniarlugu suliniuteqarneranik tapersersuivoq influencerinillu suleqatissarsiorluni. Taakkua tassaasinnaapput nipilersornerup kulturillu iluanni influencerit inuusuttunut attaveqartut suleqatigiinnissamillu kissaateqartut. Uunga allagit: paarisa@nanoq.gl qulequtsiullugu "NTD influencer".

Piviusoq 

Tupaliorfissuit meeqqat inuusuttunullu, kiffaanngissuseq namminerlu oqartussaassuseq pilerisaarutitut atornerlullugit, akissarsiutiginiaannarlugu – akerliganillu inuit miliuunilikkaat inuunerannik ukiut tamaasa akiligaannik - kinguaariit tullii putusaarteqqinnissaat nunarsuarput akissaqartinngilaa.

Nipilersortartut, kulturimik suliallit, nittartakkatigut, angerlarsimaffimmi meeqqalluunniit atuarfiini klassikkuutaani – inuusuttunut sunniuteqartartunut, WHO influencerit kimigiiserfigaai tupaliorfissuit nutaanik atornerluisoqaqqulerlugu pilerisaarusiortarneri saqqummiunnissaanut ikiueqqullugit. Inuusuttortagut tupaliorfissuarnut akiuusinnaassuseqartilertariaqar­pagut – atuinngisaannartun­ngornissaat anguniarlugu.

Ukiut tamaasa tupa akiorniarlugu ullorisitaq World No Tobacco Day maajip 31.iat, malunnartinniarlugu sammisamik WHO toqqaasarpoq.

Ukioq manna sammisatut toqqarneqarsimapput uku:

Tupaliorfissuit inuusuttunut sunniiniartarnerat kiisalu tupa nikotiinilu inuusuttut akornanni atugaaneri pinaveersaartinnissaat.

Tupaliorfissuit qanoq inuusutunut sunniiniartar­pat? 

  • Mamarsaatit assigiinngitsut inuusuttunut kajungernarsinnaasut, soorlu tupa nikotiinilu paarnarsunnittut tungusunnittullu atorlugit, peqqissutsimut kingunerluutit qasagarlugit atuisunngornissarlu pilerinarnersarlugu
  • Saattunik pilerinartunillu iluseqartillugit, tigumminarsakkat isikkumikkullu allanarsakkat (ass. USB-stickitut mamakujuttutulluunniit isikkullit)
  • Ilisimatuunik upernarsarneqarnikuunngit­sunik pilerisaarinerit ”ulorianassuseq annikillisaq” ”mingutsinnginnerusoq” cigaretsit naliginnarnit allaniik piukkunnarsaanerit
  • Tusaamasat/influencerit meqqillu assigiinngitsut anigaasaliiffigalugit tupa nikotiinilu pilerinarsarniarlugit (ass. Instagrammimi influencerit)
  • Meeqqat pisinartarfigisaannut inissiinerit, soorlu mamakujuttut, sodavndit chipsillu eqqaannut, pisiniarfiutillillu neqeroorfigisarlugit tupaatitik meeqqat inuusuttullu ornigarnerusaannut nuisatinnissaat (uani aamma ilaapput tupat pujortaatillu inissaannik –pilerinarsakkanik – ilanngussillutik pisiniarfiutilinnut nassiussisarnerit)
  • Cigaretsit pujortagassallu allat ataasiakkaatut tunisassianngortillugit, meeqqat atuarfiini atuartunut pujortagassanik akikittunik pilerisaarutitut
  • Isiginnaagassiani ersinngitsunik pilerisaarutinik ikkussinerit, filmini, tv-kut streameneqarsinnaasunillu isiginnaagassiani
  • Cigaretsinik tuniniaavik pilerinarsagaq aningaasanik nakkartitsivigiinariaq inuusuttut akulikitsunik ornigartagaanni, ukiukitsunut tuniniaaqqusinnginneq qasagarlugu
  • Eqqartuusisutigut suliassanngortitsisarnerit tupanut inatsisinik maleruaqqusunerit sanngiillisaariniarluni, soorlu poortani mianersoqqussutinik ikkussuisarneq ajoqusersorlugu, pilerisaarutinik atoqqusaannginneq ukiukitsunullu tuniniaaqqusinnginnerit unammilleqattaarnerisigut (ingammik meeqqat atuarfiisa eqqaanni)

Naqitaq: WHO.int

Tupaliorfissuit 

Aperisoqarsinnaavoq ilumut tupaliorfissuit nunatta inuusuttuarartaannut sunniuteqartarnersut? Avinngarusimavallaanngilagut? Tikikkuminaappallaanngilagut? Taamak ungasitsigaluta sunnerneqarsinnaagatta? Inuusuttuarartagut pujortartalernissartik nammineq aaliagertannginnamikku?

2014-mi 12-nik ukiullit apersorneqarneranni paasinarsivoq 2%-it ullut tamaasa pujortartalersimasut . Ukiullu sisamat qaangiunnerani, 2018-imi 16-inillu ukioqalermata, paasinarsivoq ullut tamaasa pujortartut 52%-ngorsimasut .

Misissueqqissaarnerit malillugit ilisimalernikuuvarput pujortartut akornanni alliartorneq pujortartalernissamut aninnerulersitsisartoq. Tassa angajoqqaajuppata, peqatiuppatalu pujortartalernissamut sunniisinnaanerat annertuvoq.

Taamaakkaluartoq immaqa ilisimaneqarpallaanngilaq tupaliorfissuit qanoq piginnaaneqartiginersut. Tupaliorfissuit siunissartik isumakkeerniarlugu siunissami pisisartussat tassaapput ullumikkut meerartagut inuusuttuarartagullu. Oqaatigineqarsinnaavoq sakkut tamaasa, allaallumi sakkut takorloorsinnaanngisagut atorlugit sunniiniartartut. Ajoraluartumillu tupaliorfissuit sunniisarnerat iluatsittarpoq suli.

 

Qarasaasianni paasissutissat ilaat atoqqissinnaajumallugit quppernermi matumani cookie't atorneqartarput.Akueriuk annertunerusumilluunniit uani paasisaqarit.