airplanebooksbriefcase business cogs cross election entertainment fish house law lockmedicalpeopleselfservices socialtax
AANNGAJAARNIUTINIK ATUISANNGINNEQ

Ujaruk

Imigassaq pillugu siunnersuutit

Imigassaq aanngajaarniutaavoq, Paarisa-millu kaammattuutigineqarpoq kaammattuutit pisortatigoortut maleruassagitit. Imigassamik atuisarnerup annikillisinnera unitsinneraluunniit peqqissutsikkut iluaqutissartaqarpoq.

Paarisa malinnaaf­figiuk

... peqqissuunissamillu qinersineq ajornanngitsu­mik qinersininngortiguk.

Imigassaq Ikiaroornar­tullu pillugit Siunnersuiso­qatigiit kaam­mattuutaat maleruakkit 

  • Inuusuttut 18-it inorlugit ukiullit imigassartunngilluinnartariaqarput
  • Pisumi ataatsimi najoqqagassat amerlanerpaamik sisamat
  • Naartunerup siornagut kingornagullu kiisalu milutsitsinermi imigassartoqinak

Imigassaq Ikiaroornartullu pillugit Siunnersuisoqatigiit najoqqagassanut killissarititaasut uku kaammattuutigaat:

  • Sapaatip-akunneranut najoqqagassat arfineq-marluk arnanut
  • Sapaatip-akunneranut najoqqagassat 14-it angutinut
  • Pisumi ataatsimi najoqqagassat amerlanerpaamik sisamat

Najoqqagassap ataatsip assigaa immiaaraq ataaseq viinnisorfimmiluunniit viinni ataaseq.

Imigassartornerit tamarmik peqqissutsimut aarlerinaateqarput, kisianni kaammattuutit maleruarukkit imigassaq pissutigalugu napparsimalernissat aarlerinannginnerussaaq.

Imigassaq Ikiaroornartorlu pillugit Siunnersuisoqatigiit

PAASISSUTISSAT 

Imigassamik atuinerup annikillisinnera unitsinneraluunniit peqqissutsikkut iluaqutissartaqarpoq.

Katsorsarneqarsinnaanngitsumik nappaateqaruit isumatsaqqarujussuaruilluunniit imigassamillu atuisarninnik annikillisitsiguit unitsitsiguilluunniit peqqinnerulipallannissat ilimanarnerussaaq.


Imigassaq pillugu siunnersuutit­sialaat amerlanerusut 

  • Imerpallaannginniassagavit unnummi ataatsimi qanoq imertiginiarnerlutit siumut aalajangereeruk
  • Meeqqatit eqqanniikkaangata amerlalaartunik iminngisaannarit
  • Naartulernissat pilersaarutigigukku, naartuguit milutsitsiguilluunniit imigassartunngilluinnarit
  • Meeqqat imigassaq pillugu oqaloqatigalugulu killiliigit – inuusuttut 18-it inorlugit ukiullit imigassartunngilluinnartariaqarput
  • Imeruarsaatinik imigassartaqanngitsunik mamartunik akoorisarit

Imerpallaartarpunga? Imerpallaartarnerlutit nalornissutigigukku uani ikiorneqarlutillu ilitsersorneqarsinnaavutit.


Atuarsinnaasatit allat

AANNGAJAARN­IUTINIK ATUISANNGINNEQ

Aanngajaarniutit tassaapput akuutissat suulluunniit tarnikkut qanoq issutsimut sunniuteqartartut. Aanngajaarniutit nuannaarniutaasut inerteqqutaanngitsut tassaasinnaapput imigassaq nikotinilu, nakorsaatit soorlu morfini, inerteqqutaasullu tassaasinnaallutik hashi. Aanngajaarniutit pinngitsoorneqarsinnaajunnaarsinnaapput.

Uani atuaruk

Imigassamik ajornartor­siuteqarneq

Imigassamik atuinerit qanigisavilluunniit atuinerat annertuallaalersimanersoq ernumassutigigukku ikiorneqarsinnaavutit.

Uani atuaruk

Hashimik ikiaroornar­tunillu allanik ajornartorsiu­teqarneq

Hashimik ikiaroornartunilluunniit allanik ajornartorsiuteqaruit ikiorneqarsinnaavutit.

Uani atuaruk

Imigassamik ajornartorsiuteqarpit?

Imigassamik ajornartorsiuteqarnerlutit nalornigukku uku apeqqutit qulit akillugit misiliisinnaavutit, pisariaqartissagukkulu ikiorneqarsinnaallutillu ilitsersuunneqarsinnaavutit.

Uani atuaruk

Ikiaroornartumik ajornartorsiuteqarpit?

Aangajaarniutinik ajornartorsiuteqarnerlutit nalornigukku uku apeqqutit aqqanillit akillugit misiliisinnaavutit, pisariaqartissagukkulu ikiorneqarsinnaallutillu ilitsersorneqarsinnaavutit.

Uani atuaruk
Qarasaasianni paasissutissat ilaat atoqqissinnaajumallugit quppernermi matumani cookie't atorneqartarput.Akueriuk annertunerusumilluunniit uani paasisaqarit.