airplanebooksbriefcase business cogs cross election entertainment fish house law lockmedicalpeopleselfservices socialtax

Ujaruk

65-it sinnerlugit ukiullit timiminnik aalatitsinis­saat

Timinnik aalatitsisarnerit – aamma utoqqaligaluarlutit – ilinnut timinnullu iluaqutaassaaq. Peqqissuunissap ulluinnarnilu suliassat isumagisinnaanissaannut piginnaaneqarnissap qulakkeernissaannut timimik aalatitsisarneq pingaaruteqarpoq.

Paarisa malinnaaf­figiuk

... peqqissuunissamillu qinersineq ajornanngitsu­mik qinersininngortiguk.

Ullormut sivikinnerpaa­mik 1 tiimi timit aalatittaruk 

Timip aalatittalernissaanut kingusinaartoqarsinnaanngilaq – aamma inuuninni timinnik aalatitsisarsimanngikkaluaruilluun­niit.

Timimik aalatitsineq ilaatigut tassaasinnaavoq sikkilerluni/pisulluni pisiniarneq, piniarneq, eqqiaaneq, timersorneq, arsarneq ernuttanillu pinnguaqateqarneq.

Timikkut tarnikkullu peqqissutsinnut pitsaasuuvoq:

  • Allat peqatigalugit timinnik aalatitsinerit.
  • Asimi timinnik aalatitsinerit.

Piviusoq 

Timimik aalatitsisarnerit peqqissutsinnik inuuninnillu pitsaanerulersitsisarpoq.

Timinnik aalatitsigaangavit timivit eqaassusaa, orlunaveersaallaqqissusaa, saarngivit nukivillu nukittussusaat aserfallatsaaliorlugilluunniit pitsaanerulersittarpatit. Taamaalillutit ulluinnarni isumagisassat, soorlu pisiniarneq, majuartarfikkoorneq ikiorneqarnallu issiavimmiit nikuissinnaaneq, iliuuseriuarsinnaassavatit.

Timimik aalatitsineq aamma inuunermi nuannaarnerulersitsinikkut, inooqataanermi ilorrisimaarnermut tarnikkullu peqqissutsimik pitsaanerulersitsisarpoq.


Timimik aalatitsinerit tamarmik pingaaruteqar­put 

Timimik aalatitseriaaseq timersoriaaserluunniit ilinnut naleqquttoq toqqaruk. Timimik aalatitsinerit tamarmik pingaaruteqarput, aamma immannguaq timimik aalatitsineq aalatitsinngilluinnarnermit pitsaaneruvoq.

Qasusuissutsit, nukitit orlunaveersaarsinnaanerillu pitsanngorsarniarlugit sapaatip-akunnerata ingerlanerani assigiinngitsutigut timit aalatittaruk.

Qasusuissuseq
Anertikkalernissavit uummativillu tillernerulernissaata tungaanut timit aalatittaruk. Taamaaliorsinnaavutit soorlu sukkalaartumik pisunnikkut, sikkilernikkut, ernuttatillu attortaannikkut imaluunniit majuartarfikkut qummukarnikkut.

Nukkassarneq
Nukkassaataasumik timinnik aalatitsisarit. Taamaaliorsinnaavutit soorlu qaqqamut pisuttuarnikkut, pisianik pisulluni angerlaassinikkut aamma tasisartut oqimaalutalluunniit atorlugit timersornikkut. Nukeqarluarnikkut ulluinnarni isumagisassat isumagiuarsinnaassavatit.

Orlunaveersaarsinnaaneq
Uppillutit ajutuunnginniassagavit orlunaveersaarnermik sungiusarneq pitsaasinnaavoq. Ujakkaarneq aamma yoga timersoriaasiupput orlunaveersaarnermik pitsannguisartut. Aamma ulluinnarni isumagisartakkavit isumagineranni, soorlu pujoralaajaaninni nikorfaamisaarnikkut imaluunniit qarlitit alersitilluunniit atileraangakkit nikorfasarnikkut, orlunaveersaarsinnaanerit sungiusarsinnaavat.

Allat peqatigalugit timit aalatittaruk 

Amerlasuut allat ilagalugit timimik aalatitsisarneq nuannarisarpaat. Allat ilagalugit asimiinneq pisuttuartillunilu oqaloqateqarujoorneq allanut attaveqarsinnaaninnut isumakkullu peqqissutsinnut aamma pitsaasumik inuuneqarninnut iluaqutaapput. Taamaattumik aappat, meeqqatit, ikinngutit sanililluunniit ilagalugu pisuttuartarit timilluunniit aalatittarlugu.


Atuarsinnaasatit allat

Naalungiarsuit meeqqallu mikisut timiminnik aalatitsisarne­rat

Naalungiarsuit meeqqallu mikisut ulluinnarni sapinngisamik annerpaamik timiminnik aalatitsinissamut periarfissaqassapput. Sammisaqaqatigiinneq illit meeqqavillu akornanni qanilaarnermik attaveqaqatigiinnermillu nakussatsitsisarpoq.

Uani atuaruk

Naartusut timersornissaat

Timimik aalatitsisarneq – aamma naartunermi – pitsaasuuvoq. Naartunerit tamaat timikkut nukittunissat ilinnut naartunnullu iluaqutaassaaq.

Uani atuaruk

Timimik aalatitsineq

Timit aalanissamut pinngortitaavoq, timinnillu aalatitsisarnerit timikkut tarnikkullu ilorrisimaarninnut peqqissutsinnullu pingaaruteqarpoq. Timimik aalatitsineq tassaasinnaavoq pisuttuarneq, eqqiaaneq, meeqqannik pinnguaqateqarneq, timersorneq kiisalu piniarneq aalisarnerlu.

Uani atuaruk

Unammisitsineq: Ukioq manna Eqeersimaartoq

Paarisa ukiut tamaasa ukiumut ataatsimoorfimmi eqeersimaartitsisumik suliniutinik pitsaanerpaanik toqqaasarpoq.

Uani atuaruk

2022-mi Eqeersimaartuni ajugaasut

Paarisa ukiumut ataatsimoorfimmi eqeersimaartitsisut. Ukiumi ataatsimoorfimmi eqeersimaartitsisut eqeersimaartut oktobarip 22-ani 2022-mi Maligassiuisut Show-imi nersorneqarlutillu nersornaaserneqarput.

Uani atuaruk

2021-mi Eqeersimaartuni ajugaasut

Paarisa ukiut tamaasa atuarfimmi, suliffeqarfimmi inuiaqatigiinnilu timimik aalatitsinerunissamik suliniutinik pitsaanerpaanik toqqaasarpoq. Ukiumi atuarfik, suliffeqarfik inuiaqatigiinnilu eqeersimaartut novembarip 5-ani 2021-mi Maligassiuisut Show-imi nersorneqarlutillu nersornaaserneqarput.

Uani atuaruk