Nunat tamalaat akornanni Imminnut Toquttarneq pillugu ullorititaq 2021
Nunarsuaq tamakkerlugu Imminut Toquttarneq Pinaveersaartinniarlugu nunat tamalaat akornanni ulloq 10. September ukiut tamaasa malunnartinneqartarpoq. Ullup malunnartinneqarnera the International Association for Suicide Prevention (IASP) nunat tamalaat akornanni suleqatigiiffik World Health Organization (WHO) suleqatigalugu aallarnerpaa.
Ukioq 2021-mi illoqarfiit 11 nunaqarfiillu 13 sumiiffimminni sammisaqartitsinissaminut aningaasanik tapiiffigineqarput.
Nunatsinni ulloq taanna illoqarfinni nunaqarfinnilu arlanni sammisaqartitsinikkut malunnartinneqartarpoq. Sammineqartartut assersuutigalugu illoqarfimmi ingerlaaqatigiinneq naneruuserlu pisarnikuuvoq.
Innuttaasut Peqqissusianik Ilisimatusarfiup 2021-mi saqqummersitaani “Kalaallit Nunaanni 15-iniit 34-nik ukiullit akornanni eqqarsartaatsikkut peqqissuseq aamma peqqissuseq” atuarneqarsinnaavoq pissutsit pingasut meeraanermi atugarisimagaanni, tassaasut 1) peroriartornermi angerlarsimaffimmi meeraaffigisami imigassamik ajornartorsiuteqarneq, 2) nakuuserneq aamma 3) meeraanermi kinguaassiuutitigut kannguttaatsuliorfigineqarneq imminut toqunnissamik eqqarsaateqarneq aamma toqoriaraluarneq imminnut ataqatigiittut (SIF q. 64, 2021).
Ukioq manna, soorlu ukiut siulii assigalugit, najugaqarfigisami ullormi malunartitsiniarnermi sammisasaqartitsinissamut aningaasanik qinnuteqartoqarsinnaavoq.
Ukioq 2021-mi illoqarfiit 11 nunaqarfiillu 13 sumiiffimminni sammisaqartitsinissaminut aningaasanik tapiiffigineqarput.
Imminnut toqunnissamik eqqarsaateqaraanni imaluunniit kisimiittutut misigisimagaani Tusaannga oqarasuaat 801180 imaluuniit sms 1899 kinaassutsimik nalunaaruteqaqqaarani oqaloqateqarnissamik pisariaqartitsigaanni attavigineqarsinnaavoq.
Tusaanngap ammasarfii ukuupput:
Ataasinngorneq-sisamanngorneq nal 9.00-22.00
Tallimanngorneq nal 9.00-04.00
Arfininngorneq nal. 16.00-04.00
Sapaat nal. 16.00-22.00
Attaveqarfissaq
Annertunerusumik paasisaqarniaraanni Paarisami Immikkoortortaqarfimmi pisortaq Tina Evaldsen attaveqarfigineqarsinnaavoq. Mail: tiev@nanoq.gl imaluunniit oqarasuaat 34 23 94