airplanebooksbriefcase business cogs cross election entertainment fish house law lockmedicalpeopleselfservices socialtax

Ujaruk

3. maj 2022

Sapaatip akunnera 18-imi ataatsimoorfiit peqqinnartut akuutitsisullu

Sapaatip akunnera 18-imi Nunatsinni imigassartortarnermi ileqqut imigassartoriaaserlu ukkatarineqartarlutillu eqqartorneqartarput. Sapaatip akunnera 18-ni siunertaraa aalakoornartulimmik imernermi ileqqut imeriaatsillu isiginiarneqarnissat oqallisigineqarnissaalu tamannalu anguneqarsinnaalluni illersuutai eqqumaarfigalugit.

Inuuneritta

Inuppassuit ataatsimoorfiit sammisassaqartitsinerillu kulturimik naleqartitanillu tunngavillit inuunermi nuannaarnerulissutigisarpaat, meeqqat ilaqutaallu suliniutit ataatsimoortitsisunut isumaqarluartunut akuugaangamik atugarissaarnerat isumakkullu peqqissuuneranut siuarsaaqataasarpoq.

Paarisa

Illersuutai tassaasinnaapput avatangiisit nuannersunik sunnertinneqarnerinik peqqinnerulernermik kinguneqartitsisut. Taakkulu tassaasinnaallutik:

• Suliniutinik iliuuseqarneq
• Ataatsimut suliniuteqarneq
• Isumaqarluartunik iliuuseqarneq

Ukioq manna Sapaatip akunnera 18-mut ataatsimoorfiit peqqinnartut akuutitsisullu sammisaavoq, illersuutaali pingaarnertut isigineqassallutik.
Illersuutai ataatsimoorfiit peqqinnartut akuutitsisullu pinngortitami aalanermi piorsarsimassuserlu aallullugu ilaquttat ilagalugit katerisimaarluni nereqatigiinnerlu ilanngunneqarsinnaapput.

Ukioq manna sammisami ”Ataatsimoorfiit peqqinnartut akuutitsisullu”-mi meeqqat ilaqutaasalu atugarissaarnerat isumakkullu peqqissuunerat ukkatarineqarpoq.


Inuppassuit ataatsimoorfiit sammisassaqartitsinerillu kulturimik naleqartitanillu tunngavillit inuunermi nuannaarnerulissutigisarpaat, meeqqat ilaqutaallu suliniutit ataatsimoortitsisunut isumaqarluartunut akuugaangamik atugarissaarnerat isumakkullu peqqissuuneranut siuarsaaqataasarpoq

Sapaatip akunnerani 18-imi sammisassaqartitsinernut qinnuteqaatsit 33-it isumagineqarlutillu tapiissutisinissamik illoqarfinnit arfineq pingasut nunaqarfinnillu 25-t qinnuteqaatit Isumaginninnermut Aqutsisoqarfimmit akuersissutigineqarput.

Sapaatip akunnera 18 pillugu uani paasisaqarnerugit: www.paarisa.gl

Attavissaq

Paasisaqarnerujumallutit Paarisami immikkoortortami pisortaqTina Evaldsen attavigiuk oqarasuaatikkut +299 34 23 94 imaluunniit e-mailikkut:tiev@nanoq.gl