Ukiumut ataatsimoorfimmi eqeersimaartitsisut pilluaritsi!
Paarisa ukiumut ataatsimoorfimmi eqeersimaartitsillutik maligassiuisimasunik - Maligassiuisut Show 2023-mi arfininngormat 21. oktobari pisumi nersornaaseeqqippoq.
Nersornaasigaasut tamaasa Paarisamit pilluaqquagut. Ukioq manna eqeersimaartut pillugit immiussat naatsut Paarisa.gl-ikkut takusinnaavatit – imaluunniit takoqqissinnaavatit.
Maligassiuisut Show-imi Paarisa, Nunatsinni Timersoqatigiit Kattuffiat Elite Sport Greenlandilu timersornermut peqqissutsimullu tunngatillugu maligassiuisunik aallussilluartunillu, tamatsinnut isumassarsititseqataasinnaasunik nersornaasiipput.
Maligassiuisut Show KNR TV-kkut toqqaannartumik aallakaatinneqarpoq.
Ukiumut ataatsimoorfimmi eqeersimaartitsisunut nersornaat
Ukiumut ataatsimoorfimmi suliniummut eqeersimaartumik, peqqinnartumik, ataatsimoornermik nukittuumik, avatangiisinik eqeersimaarfiusunik ukkataqarfiusumut, tamallu tusaaneqarlutillu peqataatinneqartutut misigisaqarfigisaannut nersornaasiisoqartarpoq.
Suliniutit inunnik ataatsimoortitsisut, inunnut isumalimmik eqeersimaarnartumillu sammisaqaqatigiiffiusut, peqqinnerulersitsisut inuunerissaarnerulersitsisullu nersornaasiinermi immikkut isiginiarneqartarput.
Ukiumut ataatsimoorfimmi eqeersimaartitsisutut nersornaasigaasut tassaapput:
Sisimiuni Minngortuunnguup Atuarfiani 3.b-mi atuaqatigiit.
Immikkut ittumik nersornaat
Paarisa ukioq manna Ukiumut ataatsimoorfimmi eqeersimaartitsiviusumi nersornaaserneqartussatut piukkullugit innersuussanik arlalinnik tigusaqarsimavoq.
Taamaattumik Paarisa immikkut ittumik nersornaasiivoq, nersornaasigaasullu tassaapput aappariit illoqarfigisaminni ataatsimoornermik timimillu aalatitsinermik ineriartortitsisimasut, tassaasut:
Charlotte og Vilhelm Rasmussen, Qaqortoq.
Aalasamik nersornaasiineq
Paarisap, Timersoqatigiit Kattuffiata Elite Sport Greenlandillu ataatsimoorlutik nersornaasiuttagaat Aalasamik nersornaat ukioq manna Maligassiuisut Show-imi siullerpaamik tunniunneqarpoq.
Aalasamik nersornaat Nunatta Nunarsuarmi nunanit tamanit aalanerpaaffiulernissaanik takorluukkamut - immikkut ittumik tapersersuisimasunut tunniunneqarpoq, ukununnga:
Aasianni Maajimi Peqqissuusa