Vlog-it inuunerissaarnermut-isumassarsivissaqqissut
Paarisa isiginnaagassianik Vlog-inik nutaanik saqqummiussivoq suliniutip Kattulluta Inuuneritta-p oqariartuutaanik - peqqinnarnerusumik inooriaaseqalernissamik imalinnik.
Paarisap, Pisiffiup, Pilersuisup Brugsenillu suliniutertik Kattullutta Inuuneritta - Sammen om det gode liv aqqutigalugu, atuisut peqataatillugit peqqinnerulernissamik inuulluarnerulernissamillu ineriartortitsineq tapersersorpaat.
Paarisa suleqataanerminut atatillugu Maria Motzfeldt Maria Grødemilu inuttaralugit isiginnaagassianik Vlog-inik nutaanik arfineq marlunnik saqqummiivoq, taakkunanilu Maria Motzfeldtip Maria Grødemillu peqqissutsimut tunngasunik assigiinngitsunik misissuinerat isiginnaagassiarineqarpoq. Isiginnaagassiani ilaatigut immikkut ilisimasalinnik oqaloqateqarput, peqqinnarnerusumillu inooriaaseqalernissamut nukissaqarnerulernissamullu iliuuserineqarsinnaasunik assigiinngitsunik aamma siunnersuuteqartarlutik.
Vlog-ini makkua isiginnaarsinnaavatit:
• Inuussutissat peqqinnartut
• Nerisarneq ataatsimoornerlu
• Nerisassanik piareersaateqartarneq
• Timersorneq
• Inuit internetimi oqallittarfiisa/naapittarfiisa sunniisarnerat
• Peqqinnerulernissap qanoq eqqortumik anguniarneqarsinnaanera
• Sinittarneq
Vlog-it suliniutip Kattulluta Inuuneritta-p siunertarisaanut, tassalu nerisassanut peqqinnartunut, assigiinngiiaartunut pisariunngitsumillu nerisassiarineqarsinnaasunut ilitsersuutinik aamma ilaqarput.
Vlog-ini inuttaasut pillugit:
Maria Grødem
• Timersornermi peqqissutsimilu BA-tut ilinniagalik.
• Nerisaqarnermut siunnertitut ilinniagalik.
• 2011-miit qaffasissumik Crossfit-ertartoq, Crossfitimi functional crosfitimilu nunarsuarmi arlaleriarluni pissartanngorniuteqataasarnermini angusarissaartartoq.
Maria Motzfeldt
• Aallarnisaasartoq
• Tusarnaagiassiani isiginnaagassianilu inuttaasartoq
Peqqissutsimik inuunerissaarnermillu soqutigisaqarlunilu tamakkuninnga assigiinngitsutigut suliaqartartoq.
Paarisamit isiginnaarluarnissassinnik kissaappatsigit.
Paasissutissat”Vlog” oqaatsit video aamma blog eqikkarlugit oqaasiliaavoq. Blog-ini allaaserinnittoqartarpoq, uanili allaaserinninnani videoliat takusassiarineqarput. Vlog ullorsiutitut atorneqarsinnaavoq imalt. assersuutigalugu peqqinnermik inuunerissaarnermillu sammisat tassuuna saqqummiunneqarsinnaallutik. Vlog-it Paarisap quppernerani
|