Sapaatit akunnerat Sex 2024
Sapaatit akunnerat Sex sapaatit akunnerisa arfernanni pisarpoq. Paarisami sapaatit akunneranni tassani peqqissumik atoqatigiinneq ”Akuersineq” qulequtaralugu sammissavarput.
Meerartatta tamarmik atugarissaarnissaannik Inuuneritta III aqqutigalugu anguniagaq sapaatit akunnerannut Seximut aallaaviuvoq. Sapaatit akunneranni tassani peqqinnartumik atoqatigiittarnissaq siunertaralugu Akuersineq sammineqassaaq.
Peqqinnartumik atoqatigiittarneq inuunerissaarnissatsinnut atugarissaarnissatsinnullu pingaaruteqarpoq.
Taamaammat pinaversaartitsilluni peqqinnerulernissarlu anguniarlugu sulineq pingaaruteqarpoq.
Paarisamit sinerissami sumiiffippassuit karsinik atortunik imalinnik sapaatit akunnerini kingullerni nassitsivigiortorpagut.
Karsit plakaatinik, usuup puuinik kortinillu Akuersineq qulequtaralugu oqaloqatigiinnerni atugassanik imaqarput. Karsit 55-it sinerissamut sumiiffinnut nassiunneqareerput.
Paarisami paasivarput Akuersineq pillugu inatsisip siorna juunimi atuutilernerata kingorna paasititsiniaaqqinnissaq pisariaqartoq.
Taamaammat nunatsinni influencerit (sunniiniarlutik saqqummiisartut) suleqatigalugit Akuersinermut tunngasunik inoqatinut attaveqaatitigut oqaloqatigiissitsissaagut.
Taamaaliornitsigut Akuersinerup inuiaqatigiinni pingaartumillu inuusuttut akornanni paasilluarneqalernissaa neriuutigaarput.
Paarisami neriuppugut sapaatit akunnerat Sex Akuersinerup pingaaruteqassusianik eqqumaffiginninnermut annertusaaqataajumaartoq.
Sapaatit akunnerat sex atorluassamaarisiuttoq!
Attavissaq
Paasisaqarnerorusukkuit emailerfigitigut uunga: paarisa@nanoq.gl
Oqarasuaat sianerfissaq: 34 50 00