Sapaatit Akunnerat 18-imi ataatsimoornerit peqqinnartut tamanillu akuutitsisut ukkatarineqassapput
Sapaatit akunnneranni 18-imi sammisaqartitsinissanut aningaasaliissutinik qinnuteqarsimasut katillugit 27-t Isumaginninnermut Aqutsisoqarfimmit aningaasaliiffigineqarput.
Nammineq piumassuseq aallaavigalugu suliaqartartut nunaqarfinneersut 16-it illoqarfinneersullu 12-it Sapaatit akunnerat 18-imi pissanganartunik Sapaatit akunnerat 18-illu siunertaa pillugu paasissutissiinertalinnik sammisaqartitsinissanut atugassanik aningaasaliissutinik qinnuteqarsimapput.
Sapaatit akunneranni 18-imi imigassanik aalakoornartortalinnik atuisariaaserput sammissavarput oqallisigalugulu ataatsimoortarnernik tamanik akuutitsisunik pilersitsinissarput siunertaralugu.
Isumalimmik ataatsimoortarnerit tarnikkut peqqinnerulersitseqataasarput
Ataatsimoortarnerit tamanik akuutitsisut aqqutigalugit imigassanik aalakoornartortalinnik peqqinnarnerusumik atueriaaseqarnermik pilersitsisinnaavugut.
Isulimmik ataatsimooraangatta suliaqartarnerigut eqqortumik ajunngitsumillu misigisarpagut, tamannalu nuannaalersitsillunilu nukissanik tunisisarpoq.
Soorlu nerisassioqatigiikkaangatta, nereqatigiikkaangatta, umiatsiaqatigiikkaangatta asiaqatigiikkaangattalu tamanna misigisarparput.
Meeqqat inersimasullu sumiifimminni aaqqissuussinernut ataatsimoorlutik peqataasarnerat tarnimut peqqinnartumik sunniuteqartarpoq.
Nunaqarfissinni illoqarfissinniluunniit Sapaatit akunnerat 18-imi tamassinnit akuuffigineqarsinnaasunik sammisaqartitsinissassinnut atatillugu nittartagarput isumassarsiorfigisiuk:
Paarisa - Sapaatit akunnerat 18
Sapaatit akunnerat 18 pillugu paasissutissat aamma uaniipput:
Sapaatit akunnerat 18-imut aningaasaliissutit