Imigassaq pillugu siunissami politikki
Ukiuni arlalinni ilisimatuussutsikkut paasisat tunngavigalugit imigassaq pillugu politikkimut innersuussutit Naalakkersuisunit kingusinnerpaamik upernaakkut 2025-mi saqqummiunneqarnissaat Inatsisartunit aalajangerneqarpoq. Innersuussutinut suliat pillugit paasissutissat quppernermi uani atuarsinnaavatit.
SULIAQ PILLUGU
Imigassaq pillugu siunissami politikkissap innersuussutaanut Paarisa suleqataavoq.
Imigassaq aalakoornartortalik pillugu innersuussutinik suliaqarneq Peqqissutsimut Naalakkersuisoqarfik, Innuttaasut Peqqissusiannik Ilisimatusarfik aamma WHO/Europe qanimut suleqatiginerisigut ingerlanneqarpoq. Innersuussutit naalakkersuisoqarfiit suliassaqarfiillu allat akornanni siammasissumik suleqatigiissutigineqarlutik ineriartortinneqarput, susassaqartullu tamarmik peqataatinneqarnissaat qulakkeerniarneqarluni.
INUUNERITTA III
Inuuneritta III-mi naleqqat sisamaanni Inuuneritta III – 2020-2030 meeqqat inuunerinnissaat pillugu suleqatigiinnissamut Naalakkersuisut periusissiaat suliniutitut atuutilersinneqarpoq. Meeqqat tamarmik nakuuserfigineqannginnissaat kannguttaatsuliorfigineqannginnissaanullu aamma aanngajaarniutinit tupanillu innarlerneqaratik pitsaasumik toqqissisimanartumillu peroriartornissaat naleqqat sisamaani siunertarineqarpoq.
Ilaqutariinni aanngajaarniutinik atornerluisoqarfiusuni inooriaasipalaanillu ingerlatitsiinnarfiusuni meeqqat peroriartunnginnissaanut qulakkeerinnittumik suliniuteqarfiusussat innersuussutini immikkut ukkatarineqassapput. WHO-mit ilisimatuussutsikkut paasisat taamatullu issittumi nunat immikkoortuinit misilittakkat uppernarsaatillu pisariaqartut tunngavigalugit imigassaq pillugu politikkimut innersuussutissat suliarineqassapput.
"Meeqqat imigassamit ajoquserneqannginnissaat ataatsimoorluta qulakkeerniarparput."
1. SULINISSAMUT TUNNGAVISSAQ
Isummernissamut tunngavissaq suliarineqarnikuuvoq.
Ukiuni arlalinni ilisimatuussutsikkut paasisat tunngavigalugit imigassaq pillugu politikkimut innersuussutinik suliniummi suliaqarneq.2. IMIGASSAQ PILLUGU ISUMASIOQATIGIINEQ
Imigassaq pillugu Nuummi ulluni 18. aamma 19. september 2024-mi isumasioqatigiissitsisoqarpoq.
Suliamut ilisimasallit 70-nit ikinnerunngitsut, politikerit ataasiakkaat, Naalakkersuisut, Inatsisartunut ilaasortat kommunillu annersaanni borgmesteri peqataaffigisaanik, imigassaq aalakoornartortalik pillugu siunissami politikkissamut eqqartuinertalimmik imigassallu oqaluttuassartaa pillugu immikkut ilisimasallit oqalugiarnertalimmik saqqummiinerannut tusarnaariarlutik Nuummi katersuupput. Imigassaq aalakoornartortalik pillugu suliassaqarfinni aaqqiissutissat pillugit oqallinnermi, aamma imigassaq aalakoornartortalik pillugu siunissami politikkissamut innersuussutinik suliaqarnermut, maanna ingerlasumut, ilassutaasinnaasunik eqqartuinermi peqataasoqangaatsiarpoq.
Peqqissutsimut naalakkersuisup, Agathe Fontainip, allallu oqaasiinik issuaanerit, filmilu matumani eqimattani suliaqartuniit ilanngussat eqqarsaatinillu saqqummiunneqartuni oqariartuutit pingaarnerit allattorpagut:
Siunissami imigassaq pillugu politikkissamut innersuussutit pillugit isumasioqatigiinneq
Isumasioqatigiissitsinermi saqqummiunneqartut uani takuneqarsinnaapput: https://www.youtube.com/@ipi_gl
Isumasioqatigiinnermit isiginnaagassiat uani takusinnaavatit:
Isumasioqatigiinnermi ulloq siulleq
Isumasioqatigiinnermi ullut aappaat
3. Tusarniaaneq
Soqutiginnittut tamarmik maanna Imigassaq aalakoornartortalik pillugu ukiunut arlalinnut politikkissamut, ilisimatusarnermit tunngavilimmut, inassuteqaatit-nut isummersuutiminnik apuussinissaminnik periarfissaqalerput. Inassuteqaatit 22. januaari 2025-p tungaanut tamanut tusarniaassutigineqarput.
Imigassaq aalakoornartortalik pillugu ukiunut arlalinnut politikkissamut, ilisimatusarnermit tunngavilimmut, inassuteqaatit Naalakkersuisut.gl-imi annertunerusumik paasisaqarfigikkit uani: Tusarniaanerit
4. Misissuineq - Isummersorit
Tusarniaanerup ingerlanerani imigassap aalakoornartortallip inuiaqatigiinni qanoq initutiginera innuttaasut qanoq misigisimaneraat, aamma imigassamit aalakoornartortalimmit ajoqusernerit annikillisinniarlugit suliniutinik eqqussinissaq qanoq isumaqarfigineraat misissussavarput.
Innuttaasut inersimasortaasa, aamma meeqqat inuusuttullu misissuiffigineqarnerannit inerniliussat inaarutaasumik inassuteqaatini ilaatinneqassapput.
Toorlugu isummersorit:
Meeqqanik inuusuttunillu misissuineq
Apeqqutit qarasaasiakkut akissuteqarfigisinnaanngikkukkit, mobilikkut akissuteqarsinnaavutit. Atuisoq ataaseq ataasiinnarmik akissuteqarsinnaavoq.
5. Meeqqanut titartaanermik unammisitsineq
Nuna tamakkerlugu meeqqat atuarfiini tamani klassit tamarmik maanna titartaanermik unammisitsinermut peqatiserineqarput, qulequtaralugu: Siunissaq, arlaannaalluuniit imigassamit aalakoornartortalimmit ajoquserneqanngitsoq. Unammisitsineq Peqqissutsimut Naalakkersuisoqarfimmit, Innuttaasut Peqqissusiannik Ilisimatusarfimmit, Paarisamit, WHO Europamit aamma UNICEF Kalaallit Nunaannit aaqqissuunneqarpoq.
Titartaanermik unammisitsinermut siunertarineqartoq tassaavoq, meeqqat aamma inuusuttuaqqat siunissamik, arlaannaannulluunniit imigassamit aalakoornartortalimmit ajoquserfiunngitsumik eqqarsaatersorlutillu takorluuisinnissaat. Imigassap aalakoornartortallip kingunerisartagai, aamma siunissamik toqqissisimanartumik pilersitsinissamut periarfissat pillugit meeqqat titartagaat aqqutigalugit oqaloqatigiittarnerit siuarsarneqarnissaat unammisitsinermut suleqatigiinnit kissaatigineqarpoq.
Imigassaq aalakoornartortalik pillugu ilisimatusarnermik tunngavilimmit ukiunut arlalinnut politikkimut innersuussutinut atatillugu titartakkat saqqummersinneqassapput.
Titartakkanik nassitsinissamut killiliussaq tassaavoq
ulloq 24. januaari 2025.
Quppernermi uani annertunerusumik paasisaqarit: Unammisitsineq
6. Annertunerusumik paasisaqarit
Imigassaq aalakoornartortalik pillugu ukiunut arlalinnut politikkissamut, ilisimatusarmit tunngavilimmut, inassuteqaatinnik suliaqarneq pillugu annertunerusumik paasisaqarit, uani: www.paarisa.gl
Imigassaq aalakoornartortalik pillugu saqqummiinerit aamma video-t YouTubemi takusinnaavatit
Takuuk: Innuttaasut Peqqissusiannik Ilisimatusarfik
Tassani video-t makkununnga tunngasut ilaatigut nassaarisinnaavatit: Imigassap aalakoornartortallip Kalaallit Nunaanni oqaluttuassartaa, Meeqqat oqariartuutaat, Imigassaq aalakoornartortalik pillugu kisitsisit, Imigassaq aalakoornartortalik aamma kingunerlutsitsinerit, Imigassaq aalakoornartortalik aamma imminut toqunneq, Imigassaq aalakoornartortalik aamma aningaasaqarneq, Best Buys - WHO-p inassuteqaatai ilisimatusarnermit tunngavillit, aamma Imigassaq aalakoornartortalik pillugu siunissami politikkissamut inassuteqaateqarnissamut tunngatillugu isumasioqatigiinneq.
SoMe aqqutigalugu nutaarsiassanik malinnaagit:
Instagram / YouTube: youtube.com/@ipi_gl
Facebook / LinkedIn: Innuttaasut Peqqissusiannik Ilisimatusarfik
7. Nutaarsiassat
Januari 2025
Internetikkut misissuineq immersoruk: Imigassaq aalakoornartortalik pillugu siunissami politikkissaq - Isummersorfigiuk
Titartaanermik unammisitsineq: Siunissaq, arlaannaalluunniit imigassamit aalakoornartortalimmit ajoquserneqarsimanngitsoq.
Decembari 2024
Imigassaq aalakoornartortalik pillugu siunissami politikkissamut inassuteqaatit pillugit tamanut tusarniaaneq
Oktoberi 2024
Imigassaq aalakoornartortalik pillugu siunissami politikkissaq inuunernik annaassissaaq
Septembari 2024
Juuli 2024
Strengthening health and well-being in Greenland: a landmark collaboration agreement with WHO/Europe
Juuni 2024
Maaji 2024
Imigassaq pillugu inassuteqaatit annertuumik suleqatigiissutigineqarnerinik aallarnisaaneq
Novembari 2023