airplanebooksbriefcase business cogs cross election entertainment fish house law lockmedicalpeopleselfservices socialtax

Ujaruk

26. maj 2021

Isumanginninnermut Aqutsisoqarfiup Killiliisa digitaliusoq saqqummersippaa

Isumaginninnermut Aqutsisoqarfiup Killiliisa digitaliusoq ugguuna www.paarisa.gl saqqummersippaa. Ilaatigut tassani kinguaassiuutitigut atornerlunneqarsimasut pillugit piviusulersaarut nersornaasigaq: ”Pilluarneq Ersigiunnaarpara” nassaarisinnaavat kiisalu podcastimik nangeqattaartuliaq nutaarluinnaq.


Digitaliusumik aaqqissuussaq ingerlaavartumik ineriartortinneqassaaq paasissutissatigut, ilisimasatigut qanorlu kinguaassiuutitigut atornerluisarneq pinngitsoortinnissaanut pinaveersaartinnissaanullu sakkussatigut atortulersuinikkut.

Paarisa

November 2019-imi piviusulersaarut ”Pilluarneq Ersigiunnaarpara” Nuummi takutinneqaqqaarpoq taassumalu kingorna Ilulissani, Aasianni, Maniitsumi Narsami Tasiilamilu takutinneqarluni.

Takutinneqaqattaareernerata kingorna piviusulersaarummi inuttaasut Gukki Nuka aamma Kornelia meeraanermit kinguaassiuutitigut atornerlunneqarsimaneq qaangerneqarsinnaanera pillugu neriuuteqalersitsimmata piviusulersaarummut soqutiginnittorpassuaqalerpoq. Taamaammallu Paarisap filmi tamanut pissarsiarineqarsinnaalernissaa toqqarsimavaa amerlanernut apuunniassammat pitsaasumillu sunniuteqarluni.

Piviusulersaarutip saniatigut podcastimik nangeqattaartuliaq ''Killiliisa Podcast'' tusarnaarneqarsinnaalissaaq, taannalu sammisaq pillugu paasisaqarnerorusuttunut imaluunniit qanoq kinguaassiuutitigut atornerlunneqarsimasut paasinissaannut aalajangersimasunik sakkussanik ujaasisunut naatsorsuussaavoq.

Filmi piviusulersaarut podcastillu Isumaginninnermut Aqutsisoqarfimmi Paarisap Nivaara Filmsimit suliarineqarput. Killiliisa periusissiaata ilagaat taannalu Naalakkersuisut kinguaassiuutitigut artornerlugaasimaneq pillugu periusissiaraat. Periusissiami siunertarineqartoq tassaavoq allannguinernik iluaqutaasunik pilersitsinissaq kinguaassiutitigullu atornerluinerit ikilisinnissaat. Filmi marlunnik nersornaaserneqarnikuuvoq International Film Festivalinilu nersornaasiinerni arlalinni innersuussaanikuulluni.

Digitaliusumik aaqqissuussaq ingerlaavartumik ineriartortinneqassaaq paasissutissatigut, ilisimasatigut qanorlu kinguaassiuutitigut atornerluisarneq pinngitsoortinnissaanut pinaveersaartinnissaanullu sakkussatigut atortulersuinikkut.

Atortussat tamarmik inersimasunut naleqqussagaapput. Piviusulersaarut sakkortuunik imaqarnera pissutaalluni 15-inik inorlugit ukiulinnut naleqqutinngilaq. 15-iniit 18-init akornanni ukiullit filmi takuniarpassuk inersimasumik inimeeqateqartariaqarnerat innersuussaavoq. Podcastit aamma inersimasunut innersuussaapput.

Eqqaamallugu oqaloqateqarnissamut pisariaqartitsiguit Tusaannga sianerfigiuaannarsinnaagakku imaluunniit SMS-erfigiuaannarsinnaagakku oqarasuaat: 801180-imut imaluunniit sms: 1899-imut.

Killiliisa digitaliusoq www.paarisa.gl-ikkut takuuk.

Attaveqarfissaq
Paasisaqarnerorusukkuit Karo Thomsen Fleischer Paarisami attavigiuk ugguuna e-mail, katf@nanoq.gl imaluunniit oqarasuaat: 346613