Siunissami kajumissutsimik suliaqarneq: Isumasioqatigiinnermi attaveqaatigisartakkanullu ulloqartitsineq

Qanoq ataatsimoorluta isumaginninnerup iluani meeqqanut suliaqarfimmi kajumissutsimik sulisarneq pillugu – suleqartigiit tamarmiulluta - sinaakkutit nukittorsarsinnaanerlugit ulluni taakkunani mississuinissarput siunertaavoq. Inuiaqatigiinni innuttaasut pingaarutilimmik inissisimareerput aamma suliniutit amerlineqassappata – aamma kajumissutsimik suliallit ilanngullugit – siunissami amerlisarneqassappata, inuiaqatigiinni kattuffiit tunngavilersuutaat pitsanngorsarneqartariaqarput. Siunissami kajumissutsimik suliaqarneq pillugu isumassarsinissamik aamma attaveqaatit periarfissat isumasioqatigiinnermi attaveqaatigisartakkanullu ulloqartinneqarnerini sammineqarput, inuiaqatigiinni kattuffiit taakkorpiaat ujartornikuummatigit.

Suliniut 4 tassaavoq ataqatigiissaarinermik suliaqarfik, tamannalu meeqqanik suliaqarfimmi kajumissutsimik suliniutinut sinaakkutinik nukittorsaanissamik siunertaqarpoq. Taamaattumik inuiaqatigiinni kikkut tamarmik kajumissutsiminnik suliaqartunut tunngaviusut pitsanngortinneqarniassammata inuiaqatigiinni kattuffiit, kommunit, inuussutissarsiortut, Namminersorlutik Oqartussat, Naalakkersuisut aningaasaateqarfiillu peqataatinneqarput. Nuna tamakkerlugu peqataasoqarpoq.

Ulluni taakkunani susoqarpa?

• Kajumissutsimik sulinerup suleqatigiinnerullu naleqassusaat pillugit saqqummiussineq: Kommuninit, inuussutissarsiortunit, Namminersorlutik Oqartussanit aamma inuiaqatigiinni kattuffinnit isiginnittariaatsit.
• Siunissaq pillugu eqimattakkaarluni sulineq: Kalaallit Nunaanni kajumissutsimik sulisarneq pillugu sumik angusaqarusuppugut aamma tamanna ataatsimoorluta qanoq angussavarput?
• Attaveqarfissanik pilersitsiniarluni naapipallanneq : Kajumissutsimik sulisarneq pillugu sinaakkusissat nukittorsarniarlugit qanoq uatsinnut atortarsinnaavugut?

Ulluni taakkunani suut anguneqarpat?

• Isumaginninnermik meeqqanut suliaqarfimmi kajungissutsimik suliallit sinaakkutaasa nukittorsarneqarneranik iluatitsissagutta suliaqartartunut assigiinngitsunut arlalinnik innersuussuteqarnerit pingaaruteqarluinnartut eqimattanngorluni sulinermi anguneqarput. Innersuutigineqartut ataqatigiissaarinermik suliaqarfiup (suliniut 4-p) aallaavigalugit suleqataasunik oqaloqateqarnermini sinaakkutit nukittorsarniarnerini taakkua sumi inissisimanerinik eqqartueqateqartassaaq. Innersuussutit peqataanngitsunut taamaalillutik aamma nassiunneqassapput.
• Peqataasut imminnut attaveqaqatigeeqataarput, taamalu iliorneq suliaqartut assigiinngitsut nutaamik suleqatigiilernerinik inerneqassagatinneqarpoq. Taamaalilluni inuiaqatigiinni allanngueqataanissamut kajungissutsiminnik suliallit tunngaviinik kikkut tamat pitsanngorsaqataapput.

Taavami massakkut?

• Nittartagaq: www.paarisa.gl/frivillighed pilersinneqaleruttorpoq aamma atorneqarlunilu siammarterneqassajunnarsivoq. Suli suliarineqarpoq, taamaattumik isumassarsitinniarluta ataveqarfigilluakutsoorsinnaavatsigut.
• Peqataasut nuna tamakkerlugu kajumissutsimik suliniutit pillugit attaveqaatitaatik nutaat atorlugit oqaloqateqartarnissaat aamma suleqateqartarnissaat ilimagineqarpoq.
• Tamatuma kingorna suliniutip 4-p kajummissutsiminnik suliallit amerlanerit oqaloqatigissavai, taamaalillutik taakkua peqataanissaminnut periarfissaqarsimanngitsut ingerlariaqqinnermi ilanngunneqassapput.
• Suliniutip 4 qaaqquneqarsimasut tamarmik malitseqartitsilluni ataatsimiinnermut aggersaqqinniarpai, taamaalilluni isumaginninnermi meeqqanut suliaqarfimmi kajumissutsimik suliallit sinaakkutaannik nukittorsaaneq nanginneqassaaq.