UKIUMUT ATAATSIMOORFIMMI EQEERSIMAARTITSISUT PILLUARITSI!
Paarisap ukiumut ataatsimoorfimmi eqeersimaartitsisunik unammisitsinerani Maligassiuisut Show 2022-mi nersornaaserneqaqqamipput.
Paarisap nersorneqartut tamaasa pilluaqquai. Paarisa.gl-ikkut ukioq manna eqeersimaartut pillugit immiussat naatsut takusinnaavatit – imaluunniit takoqqissinnaavatit.
Maligassiuisut Show-imi Paarisa, Kalaallit Nunaanni Timersoqatigiit Kattuffiat aamma Elite Sport Greenland timersornermut peqqissutsimullu tunngatillugu maligassiuisunik aallussilluartunillu, tamatsinnit isumassarsiorfigineqarsinnaasunik, nersornaasiipput. Nersornaasiinermi nipilersornermik, qitinnermik erinarsoqatigiinnermillu aliikkusersuisoqarpoq. Maligassiuisut Show KNR TV-kkut toqqaannartumik aallakaatinneqarpoq.
Ukiumut ataatsimoorfimmi eqeersimaartitsisut
Ukiumut ataatsimoorfimmi eqeersimaartitsisut suliniummik peqqinnaartumik massakkullu atuuttumik ataatsimoortitsinermik nukittorsaanissamik avatangiiseqarnissamillu suliniuteqartunut nersornaataavoq, taakkunannga suliniuteqartut inuit tamarmik takuneqarnissaanik, tusaaneqarnissaannik peqataatinneqarnissaannillu suliniuteqartarput.
Ataatsimoortut inunnik allanik peqateqarlutik timiminnik pingartitsillutik aalatitsisartut, peqqinnerulersitsisut, inuunerissaartitsisut inuunerullu pitsaassusaanik pitsanngoriartitsisut akissartitsinermi sammineqartarput.
Ukiumut ataatsimoorfimmi eqeersimaartitsisut tassapput Nuummi Atuarfik Hans Lyngemeersut.
Aalasamik nersornaasiineq
Ukioq manna Maligassiuisut Showimi Paarisamit, Timersoqatigiit Kattuffianit aamma Elite Sport Greenlandimit ataatsimoorullugu nersornaasiineq siullermeersumik tunniussuunneqassaaq, tassalu Aalasamik nersornaasiineq. Aalasamik nersornaasiineq suliniummut immikkut ittumik takorluukkamit uannga tapersersuisumut tunniunneqartarpoq: Nunarsuarmi nunanit tamanit nuna aalanerpaaffiusoq
Aalasamik nersornaasiineq 2022-mi tigusisussaq tassaavoq: Jan Erik Pedersen ‘Kræft akiorniarlugu pisutta’.