Inuunerittap aningaasaliissutai 15. januaarimiit qinnutigineqarsinnaalerput

Aningaasaliissuteqartarnermi pingaarnertut meeqqat atugarissaarnissaat ukkatarineqarpoq, meeqqanik, inuusuttunik ilaqutariinnillu peqataatitsinermik imaqarpoq.

Sammineqarsinnaasullu makkuusinnaapput:

Ataatsimuualaarnerit sammisaqartitsinerillu tamanit peqataaffigineqarsinnaasut

• Qanittumik avatangiiserisani peqqinneq aalanerlu
• Meeqqanut, inuusuttunut ilaqutariinnillu silami sammisaqartitsinerit
• Sumiiffinni meeqqat inuusuttullu atugarissaarnerulernissaat pillugu susassaqarfiit assigiinngitsut suleqatigiinneri
• Suliniutit ilaqutariinnut tunngatitat
• Peqqinnerulernissaq pillugu sammisani angajoqqaanik peqataatitsineq

Inuunerittap aningaasaliissutaanik 15. januaarimiit qinnuteqarsinnaaneq paasisaqarfiginerorusukkukku Paarisap nittartagaa iserfigiuk:

Inuunerittap aningaasaliissutai

Qinnuteqarnissamut ulloq kingulleq tassaavoq 1.april 2024.

Tamat peqqinnarnerusumik inuuneqalernissaannut sunneeqataalluarina