Nuna tamakkerlugu meeqqat peqqinnartunik novembarip aallaqqaataanni igaqatigiissapput

IGASA 2024-mut peqataaniarluni nalunaarfissaq ammareerpoq, ullorlu qinnuteqarfissaq kingulleq tassaavoq 1. maaji 2024.

Peqataaniarluni nalunaarnissaq pillugu allaaserisaq uani atuaruk:

IGASA 2024-mut peqataaniarluni nalunaarfissaq

Meeqqat atuarfiini akullerni atuartut IGASA-mi peqataanerminni iganeq, ataatsimoorneq, peqqinneq meeqqallu pisinnaatitaaffii sammissavaat.

“Meeqqat nuannersumik pitsaasumillu misigisaqartikkumallugit nerisassiassanik pitsaasunik, aalisakkanik naatitanillu igatissavagut. Igaqatigiittarnerit nereqatigiittarnerillu peqqissutsimut, atugarissaarnermut pitsaasumillu ataqatigiinnissamut nukittorsaallutillu iluaqutaasarput”.

Paarisap immikkoortortaani pisortaq Helena Lynge Møller nassuiaavoq.

Paarisa nunatsinnilu Unicef suleqatigiillutik IGASA pilersippaat meeqqat atuarfii suleqatigalugit, nunatsinnilu suliffeqarfiit IGASA 2024-mi igaassanik pilersuisuupput.

Atuagaq AALISA – IGASA – NERISA iganermut ilitsersuut kiisalu peqqinnartunik nerisaqarnissamut siunnersuutit qulit, t-shirtit diplomillu klassinut peqataasussanut agguaanneqassapput.

Quppersagaq Paarisap aamma "Unicef Kalaallit Nunaat" suliaat najoqqutaralugu ilinniartitsisut IGASA 2024 ingerlatsissavaat.

IGASA 2023 pillugu paasissutissat

• Paarisa UNICEF Kalaallit nunaallu suleqatigiillutik IGASA piviusunngortippaat.
• Paarisa, meeqqat immikkut ukkataralugit, nunatsinni peqqinnartumik inuuneqarnermik atugarissaarnerunissamillu siuarsaanermik suliaqarfiuvoq.
• Unicef Kalaallit nunaat meeqqat pisinnaatitaaffiisa qulakkeerneqarnissaannik suliaqartuulluni.
• IGASA-mut klassit peqataasut igaassaannik, aalisakkanik naatitanillu Brugseni, KNI, Pisiffik Royal Greenlandilu pilersuisuupput.
• IGASA Naalakkersuisut pitsaasumik meeraaneq pillugu 2020-2030-imi suleqatigiinnissamik periusissiaata, Inuuneritta III-p ataani suleqatigiissutaanni Kattulluta Inuuneritta-mi sammineqartitsineruvoq.

Attavissaq
Paasisaqarnerorusunnermi attavigineqassaaq: Immikkoortortami Paarisami pisortaq, Helena Lynge Møller, oqarasuaat 34 50 00, e-mail: helm@nanoq.gl