Inuunerittap aningaasaliissutai 15. januaarimiit qinnutigineqarsinnaalerput

Isumassarsiatsialannik peqaruit, peqqinnarnerusumik ineriartorfiusumillu inuuneqalernissamut illoorqarfigisanni nunaqarfigisanniluunniit kajumissaataasinnaasunik, Inuunerittap aningaasaliissuutaanik qinnuteqarsinnaanerit ammaqqippoq.

Aningaasaliissuteqartarnermi pingaarnertut meeqqat atugarissaarnissaat ukkatarineqarpoq, meeqqanik, inuusuttunik ilaqutariinnillu peqataatitsinermik imaqarpoq.

Sammineqarsinnaasullu makkuusinnaapput:

• Ataatsimuualaarnerit sammisaqartitsinerillu tamanit peqataaffigineqarsinnaasut
• Qanittumik avatangiiserisani peqqinneq aalanerlu
• Meeqqanut, inuusuttunut ilaqutariinnillu silami sammisaqartitsinerit
• Sumiiffinni meeqqat inuusuttullu atugarissaarnerulernissaat pillugu susassaqarfiit assigiinngitsut suleqatigiinneri
• Suliniutit ilaqutariinnut tunngatitat
• Peqqinnerulernissaq pillugu sammisani angajoqqaanik peqataatitsineq

Inuunerittap aningaasaliissutaanik 15. januaarimiit qinnuteqarsinnaaneq paasisaqarfiginerorusukkukku Paarisap nittartagaa iserfigiuk:

Inuunerittap aningaasaliissutai