Kattulluta inuuneritta: Ukiumoortumik nalunaarusiami suleqatigiinneq 2024-mi killiffissiorneqarpoq.
Suleqatigiissutigineqartoq Kattulluta inuuneritta - Sammen om det gode liv ukiumut nalunaarusiamik 2024-moortumik saqqummiussivoq, tassani suleqatigiinnermi inernerit saqqummiunneqarlutik. 2024-mi pisorpassuaqarsimavoq suliat suliniutillu pissanganartut amerlasimaqalutik. Kalaallit Nunaanni Brugsenip, Pisiffiup, KNI-p Paarisallu uppernarseqqippaat ataatsimoorluni anguniagaqarneq immikkut sulinermit angusinnaasanit annertunerujussuarmik angusaqartitsisartoq.
Suleqatigiit 2024-mi anguniarpaat:
• Paarnanik naatitanillu qerisunik tuniniaanerulernissaq
• Paarnanik naatitanillu nutaanik tuniniaanerulernissaq
• Nioqqutissanik matuersaaserfimmik ilisarnaasikkanik tuniniaanerulernissaq
• Imigassanik aalakoornartortaqanngitsunik tuniniaanerulernissaq
• Nioqqutissat tunineqarnerpaat 30-t allattorsimaffianni nioqqutissat peqqinnartut amerlinissaat
• Kattulluta inuunerittami suleqatigiinneq suleqatigiinnerullu ilisarnaataa pillugu ilisimasat annertusinissaat.. Ilisarnaat pillugu qanorlu isumaqarneranik ilisimannittut 75 %-inngornissaat siunertaavoq.
Anguniakkat taakku suli anguneqanngimmata 2025-mi nangittumik ingerlateqqinneqassapput suleqatigiit takusinnaagamikku suliniutit pitsanngorsarnissaannut ineriartortinnissaannullu suli periarfissaqarluarnera.
Suliniutini anguniarneqarlutik malinnaavigineqartuni paarnanik naatitanillu qerisunik nutaanillu ataatsimut tunisaqarneq 2023-mut sanilliullugu 8 pct.-imik 3 pct.-imillu qaffariaateqarsimaneranni angusaq pitsaalluinnartutut isigineqarpoq.
Tunisaanerpaani 30-ni nioqqutissani tunisaanerpaat allattorsimaffianni paarnat naatitallu 2023-mut sanilliullugu qaffariaateqarsimanerat immikkut aamma taasassaavoq. Kisianni sodavandit immiaaqqallu suli nr. 1-iullutillu nr. 2-jupput, soorlu aamma 2022-mi 2023-milu taamaattut.
Atuisunik misissuineq suleqatigiinnit oktobarimi 2024-mi tusarliunneqartoq 2202-nit peqataaffigineqarsimavoq ukiunilu pingasuni kingullerni apersuilluni immersuinernik ingerlataqartitsisarnerni aatsaat taamak amerlatigisut akissuteqarsimallutik. Akissutit Nunatsinni sumiiffinni tamaneersuupput innuttaasullu niuerniarnermi qanoq ileqqoqarnerannik toqqarusunnerusartagaannillu takutitsilluarlutik.
Akissutit suleqatigiinnut pingaarutilerujussuupput innuttaasunut ulluinnarni pisiniarfinni niuerniartartunut suliniuteqarnernut attaveqaqatigiinnerullu pitsaanerusumik angunissaanut siunnerfileeqatasinnaagamik.
Suli suliassaqaqaaq, suleqatigiilli peqqissusermik siuarsaaqataallutik sulinerminnik 2025-mi ingerlatitseqqinnissartik qilanaaraat.
Kattulluta inuuneritta pillugu suleqatigiinneq 2030-p tungaanut ingerlassaaq Naalagaaffiit Peqatigiinnilu Nunarsuarmut anguniagaanniittut uku aallaavigineqarlutik: Nunarsuarmut anguniagaq 3:
Peqqinneq atugarissaarnerlu aamma Nunarsuarmut anguniagaq 17: Iliuuseqarnikkut suleqatigiinneq
Kattulluta inuunerittap ukiumoortumik nalunaarutaa 2024 www.paarisa.gl-imi atuarneqarsinnaavoq.
Paasisaqarnerunissamut attavissat:
Paarisa:
Helena Lynge Møller
Immikkoortortami pisortaq
Oq.: +299345000
E-mail: paarisa@nanoq.gl
Kalaallit Nunaanni Brugseni:
Benny Reffeldt Otte
Nittarsaassinermut attaveqaqatigiinnermullu pisortaq
Oq. +299363507
E-mail: benny.otte@knbmarketing.gl
KNI:
Nukappiannguaq Olsen
Piujuartitsinissamut ataqatigiissaarisoq
Oq. +299862371
E-mail: nqx@kni.gl
Pisiffik:
Tina Albina Hansen
Nittarsaassinermut, Attaveqaqatigiinnermut CSR-imullu pisortaq
Oq.: +299 29 66 30
E-mail: tih@pisiffik.gl