23. maj 2025
Inuuneritta III-p Attaveqaatinut ulloqartitsinera
Nunarput tamakkerlugu suliniuteqartut Paarisap aamma Innuttaasunik Peqqissusianik Ilisimatusarfiup inuit 40-t missaanniittut suliaminnut tunniussimalluartut ataatsimoortissimavai
Nuna tamakkerlugu innuttaasut peqqissusaanik ataatsimoorfipput – Inuuneritta III – aallaavigalugu suliniutit assigiinngitsorpassuit pillugit ataatsimut suliat akimorlugit suleqatigiinnerit kiisalu sulianut taakkununnga ataatsimut isiginnittariaaseqarnissaq pillugu ulluni marlunni ataatsimoortitsisoqarpoq.
Attaveqatigiittoqarpoq, isummanik nutaanik paarlaasseqatigiittoqarpoq kiisalu suleqatigiissutissanik nutaanik pilersitsisoqarluni – taakku tamarmik meerartatta inuunerissaarnerulernissaat sulissutiginiarlugu ataatsimut sammiveqarnissamik qulakkeerinnittussaapput.
