airplanebooksbriefcase business cogs cross election entertainment fish house law lockmedicalpeopleselfservices socialtax

Ujaruk

Inuunerinneq pujortarfiun­ngitsoq

Pujortartarnak inuuneqarnissannik toqqaanerit illit pillutit, peqqinnissat pillugu pitsaasumillu inuuneqarnissat pillugu iliuuserisinnaasavit pitsaanersaraat. Pujortartarnak inuuneqarnissannik toqqaanikkut aamma meeqqat pujortarfiunngitsumik inuuneqarnissaanut tapersersussavat.

Paarisa malinnaaf­figiuk

... peqqissuunissamillu qinersineq ajornanngitsu­mik qinersininngortiguk.

Pujortartar­nani inuune­qarnerup iluaqutissartai 

Pujortartarnani inuuneqarneq peqqissutsinnut inuunivillu pitsaassusaanut iluaqutaavoq. Pujortartanngitsutut peqqissuunissannut periarfissagissaarnerussaatit, aamma inuuninni naleqartitannut nukissaqarnerussaatit. 

Pujortartarnani inuuneqarnissamut siunnersuutitsialaat

  • Tupa naaggaaruk
  • Angerlarsimaffiit pujortarfiunngitsuutiguk
  • Naartuneq sioqqullugu, naartunermi kiisalu milutsitsinermi tupa nikotinilu pinaveersaakkit
  • Pujortartarunnaarnissamut ikiorneqarusuppit? Una tooruk.

Qaqugukkulluunniit pujortartarunnaaruit peqqinnerulerlutillu inuunerit sivitsussavat.

Inuunerissaasut

Tupa aamma nikotini 

Sikaritsit, e-sikaritsit snusillu ilaatigut tupamik nikotinimillu akoqarput.

Tupa nikotinilu peqqissutsimut ajoqutaallutillu pinngitsuuisinnaajunnaarsitsisarput. 

Pujortartartut amerlanerpaat pujortartalersimanertik uggorisarpaat unitsikkusukkaluarlugulu. Pujortartalersimagaanni pujortartarunnaarnissaq sapernarsinnaavoq – taamaattumik pujortartalinnginnissaq pitsaanerpaavoq. 

Pujortartarnani inuuneq sivisunerusumik inuunermut pitsaasumillu inuuneqarnermut iluaqutaavoq. 

 

Nalliuttorsior­nerni pujor­tartarneq – ilaanneeriar­luni pujortartarneq ulorianarpa? 

Pujortartannginneq – aamma nalliuttorsiornerni – pitsaanerpaavoq. Ilaannikkuinnaq aamma nalliuttorsiornerni pujortartarneq timimut ajoqutaallunilu kræftimik aamma uummatip taqarsuisigut nappaateqalernissamik ilimanarnerulersitsisarpoq. Tamatuma saniatigut pinngitsuuisinnaajunnaarnissaq ilimanarnerulertarpoq, taamaalillunilu pujortartarunnaarnissaq sapernarnerulertarluni.

 

Snusit e-sikaritsillu 

Snusit e-sikaritsillu naaggaakkit, qujaannaraangavillu imminut tulluusimaarutigisarit.

Inuit ilaat isumaqarput snusit e-sikaritsillu pujortartarnermit peqqinnarnerusut, kisianni snusit e-sikaritsillu ilinnut peqqissutsinnullu ajoqutaapput. 

Snusit e-sikaritsillu ilaatigut nikotinimik akoqarput, tamannalu pinngitsuuisinnaajunnaarsitsisin­naammat uneqqinnissat sapernarnerulersinnaavoq. 

Tamatuma saniatigut nikotin qaratsamik tamatumalu ineriartorneranik innarliisinnaammat pingaartumik meeqqanut inuusuttunullu 20-t inorlugit ukiulinnut peqqissutsikkut ulorianarpoq.

Angerlarsimaf­fik pujortar­fiunngitsoq 

Angerlarsimaffiit pujortartarfiutinnginneratigut qulakkiissavat illup iluata silaannarinnissaa angerlarsimaffinnilu toqunartunik kræfteqalernartunillu tappiorannartoqannginnissaa. Aamma pujortarfiunngitsumik angerlarsimaffeqarnissigut meeqqatit peqqinnartunik avatangiiseqarlutik peroriartornissaannut pitsaanerpaamik periarfississavatit.

Aalaarsaatip ataani imaluunniit igalaap ammasup eqqaani pujortarneq putsup nippussuunnissaanut illersuutaanngilaq. Taamaallaat illup iluani pujortanngilluinnarnikkut ilaquttatillu angerlarsimaffimmi tupap mingutsitsineranut tappiorannartullu peqqissutsimut ajoqutaasunut imminut illersussaasi.

"World No Tobacco Day"

WHO tupa akiorniarlugu ullorisitaa tassaavoq majip 31-iat, World No Tobacco Day – imillu taaguserneqarsimavoq.

Uani atuaruk

Pujortartarun­naarnissamut iluaqutissaq

Pujortartarunnaarneq pujortartannginnerlu amerlasuutigut iluaqutissartaqarpoq. Timi peqqinnerulertarpoq sulilluarnerulerlunilu inuunermut nukissaqarnerulernermik misigititsisarluni.

Uani atuaruk