airplanebooksbriefcase business cogs cross election entertainment fish house law lockmedicalpeopleselfservices socialtax

Ujaruk

Imigassamik ajornartor­siuteqarneq

Imigassamik atuinerit qanigisavilluunniit atuinerat annertuallaalersimanersoq ernumassutigigukku ikiorneqarsinnaavutit.

ALLORFIK

Imigassamik, hashimik aningaasanoornermil­luunniit ajornartorsiuteqaruit Allorfimmi katsorsartissinnaavutit.

allorfik@allorfik.gl

52 53 43

52 53 43

Ulluinnarni

9.00 - 15.00

NAMMINEQ QANOQ ILIORSINNAA­VUNGA? 

Imminut misiligit
Imigassamik ajornartorsiuteqarnerlutit nalornissutigigukku imminut misilissinnaavutit.

Allorfimmut ikiortissarsiorit
Imigassamik ajornartorsiuteqaruit Allorfimmi ikiorneqarsinnaallutillu katsorsarneqarsinnaavutit. Aamma imigassamik ajornartorsiutilimmut ilaqutaasut Allorfimmi ikiorneqarsinnaapput.



Imigassartorneq tamatigut arlaatigut peqqissutsinnik innarliisinnaavoq, kisianni imigassamik atuinermik peqquteqartumik napparsimalernissat ilimanannginnerussaaq kaammattuutit uku najoqqutarisarukkit.

Imigassaq ikiaroornartullu pillugit Siunnersuisoqatigiit

Qaqugukkut ikiortissarsiussaanga? 

Imigassamik ajornartorsiuteqarnermut takussutaasinnaasut ilaat tassaapput:

  • Imigassamik atuinermik aqutsisinnaajunnaarneq
  • Imigassamik atuinerup ulluinnarni inuunermut suliassanullu sunniuteqarnera
  • Qanigisavit imigassamik atuisarnerit pillugu isumakuluuteqarnerat

Imerpallaartarnerlutit nalornissutigigukku imminut misiligit pisariaqartikkukkulu ikiorneqarlutillu ilitsersortigit.

Allorfik pillugu 

Allorfik, Pinngitsuuisinnaajunnaarnermik Paasisimasaqarfik, kommunini tamani illoqarfinni anginerpaani katsorsaaveqarpoq. Tassa pinngitsuuisinnaannginnerit pillugu Allorfiup Aasianni, Ilulissani, Nuummi, Qaqortumi Sisimiunilu katsorsaaviini katsorsarneqarsinnaavutit.

Tamatuma saniatigut Allorfiup Katsorsaavik suleqatigaa, taamaammat sumiiffigisanniiginnarlutit Katsorsaavimmiit angalasunit najugarisarni katsorsartissinnaassallutit imaluunniit Katsorsaavimmi Nuummiittumi katsorsartinneq ingerlanneqarsinnaavoq.

Katsorsaaneq akeqanngilaq, aamma tassunga ilaapput katsorsartinnermut atatillugu angalaneq ineqarnerlu.

Uani paasisaqarnerugit.


AANNGAJAARN­IUTINIK ATUISANNGINNEQ

Aanngajaarniutit tassaapput akuutissat suulluunniit tarnikkut qanoq issutsimut sunniuteqartartut. Aanngajaarniutit nuannaarniutaasut inerteqqutaanngitsut tassaasinnaapput imigassaq nikotinilu, nakorsaatit soorlu morfini, inerteqqutaasullu tassaasinnaallutik hashi. Aanngajaarniutit pinngitsoorneqarsinnaajunnaarsin|naapput.

Uani atuaruk

Imigassaq pillugu siunnersuutit

Imigassaq aanngajaarniutaavoq, Paarisa-millu kaammattuutigineqarpoq kaammattuutit pisortatigoortut maleruassagitit. Imigassamik atuisarnerup annikillisinnera unitsinneraluunniit peqqissutsikkut iluaqutissartaqarpoq.

Uani atuaruk

Imerpallaarpit?

Qanoq imigassamik imertarnerit annertutiginersoq nalornigukku ukua apeqqutit qulit immersorsinnaavatit, pisariaqartikkukkit ikiorneqarsinnaallutillu ilitsersuunneqarsinnaavutit.

Uani atuaruk