airplanebooksbriefcase business cogs cross election entertainment fish house law lockmedicalpeopleselfservices socialtax
AANNGAJAARNIUTINIK ATUISANNGINNEQ

Ujaruk

Annerpaamik sisamat tassa!

Ilisimatuussuseq ineriartormat ilisimatuussutsikkullu paasisagut annertusiartortillugit imigassartortarneq pillugu innersuussutit allanngortinneqartarput. Ilisimatusarnerit takutippaat imigassaq, annikitsumik pineqaraluaruniluunniit, kikkunnut tamanut ajoqutaasinnaasoq, ukiut, suiaassuseq, inuiaassuseq aamma inooriaaseq apeqqutaatinnagit. Imigassaq suungaluarpalluunniit apeqqutaanngilaq – viinni, immiaaraq, cideri imaluunniit imigassaq.

Paarisa malinnaaf­figiuk

... peqqissuunissamillu qinersineq ajornanngitsu­mik qinersininngortiguk.

Imigassaq Ikiaroornar­tullu pillugit Siunnersuiso­qatigiit kaam­mattuutaat maleruakkit 

  • Imernikinneruneq pitsaaneruvoq. Imigassartortoqanngippat isumaqarpoq aarlerinartoqanngitsoq
  • Imerujoornermi ataatsimi sisamat sinnernagit (Najoqqagassap ataatsip assigaa immiaaraq ataaseq imaluunnit viinnisorfimmut viinni ataaseq)
  • Inuusuttut 18-it ataallugit ukiullit imigassaq pinngilluinnartariaqarpaat
  • Inuusuttut 18-it 25-llu akornanni ukiullit imertarnertik mianersuuttariaqarpaat
  • Naartuniaruit, naartuguit milutsitsiguilluunniit imigassartortarnak

Imigassap napparsimalersinnaanerit aarlerinarnerulersittarpaa. Imerujoornermi ataatsimi sisamat sinnerneqarpata imminut allanullu ajoquusinissaq aarlerinarnerulersarpoq.

Imigassaq Ikiaroornartorlu pillugit Siunnersuisoqatigiit

PAASISSUTISSAT 

Imigassamik atuinerup annikillisinnera unitsinneraluunniit peqqissutsikkut iluaqutissartaqarpoq.

Katsorsarneqarsinnaanngitsumik nappaateqaruit isumatsaqqarujussuaruilluunniit imigassamillu atuisarninnik annikillisitsiguit unitsitsiguilluunniit peqqinnerulipallannissat ilimanarnerussaaq.


Imigassaq pillugu siunnersuutit­sialaat amerlanerusut 

  • Meeqqanik najuuttoqartillugu imigassaq pinagu
  • Unnussiuaartuni imigassat imigassartaqanngitsunik taarseruk
  • Naartulernissat pilersaarutigigukku, naartuguit imaluunniit milutsitsiguit imigassaq pinagu
  • Meeqqat imigassaq pillugu oqaloqatigisaruk aamma killilertaruk – inuusuttut 18-it ataallugit ukiullit imigassaq pinngilluinnartariaqarpaat
  • Meeqqat imigassartaqanngitsumik inuusuttuunissaanut tapersersoruk
  • Aliasukkuit imaluunniit nanertisimaguit imigassaq pinaveersaaruk. Imigassap misigissutsititit sakkortulisittarpai.
  • Imigassartalinnik imernissinni immissinnut paarisaritsi
  • Unnummi qanoq imertiginiarnerlutit imilertinnak aalajangertarit, taamaalillutit imerpallaarnissat pinaveersaartissinnaavat
  • Imernikinneruguit ilinnut allanullu iluaqutaassaaq. Imernikinnerunerpit ajoqusernissat, persuttaanerit aamma peqqissutsikkut ajornartorsiutit inuunermik sivikillisitsisinnaasut nalaassinnaasatit annikillisissavai
  • Imigassartalinnik imertillutit aalajangersimasuinnaat imertakkit, soorlu immiaaraannaat imaluunniit viinniinnaat. Immiaaraq imigassamik kimittuumik akullugu imerneq tamatigungajak sakkortunerulersittarmagu

Atuarsinnaasatit allat

AANNGAJAARN­IUTINIK ATUISANNGINNEQ

Aanngajaarniutit tassaapput akuutissat suulluunniit tarnikkut qanoq issutsimut sunniuteqartartut. Aanngajaarniutit nuannaarniutaasut inerteqqutaanngitsut tassaasinnaapput imigassaq nikotinilu, nakorsaatit soorlu morfini, inerteqqutaasullu tassaasinnaallutik hashi. Aanngajaarniutit pinngitsoorneqarsinnaajunnaarsinnaapput.

Uani atuaruk

Imigassamik ajornartor­siuteqarneq

Imigassamik atuinerit qanigisavilluunniit atuinerat annertuallaalersimanersoq ernumassutigigukku ikiorneqarsinnaavutit.

Uani atuaruk

Hashimik ikiaroornar­tunillu allanik ajornartorsiu­teqarneq

Hashimik ikiaroornartunilluunniit allanik ajornartorsiuteqaruit ikiorneqarsinnaavutit.

Uani atuaruk

Imigassamik ajornartorsiuteqarpit?

Imigassamik ajornartorsiuteqarnerlutit nalornigukku uku apeqqutit qulit akillugit misiliisinnaavutit, pisariaqartissagukkulu ikiorneqarsinnaallutillu ilitsersuunneqarsinnaavutit.

Uani atuaruk

Ikiaroornartumik ajornartorsiuteqarpit?

Aangajaarniutinik ajornartorsiuteqarnerlutit nalornigukku uku apeqqutit aqqanillit akillugit misiliisinnaavutit, pisariaqartissagukkulu ikiorneqarsinnaallutillu ilitsersorneqarsinnaavutit.

Uani atuaruk
Qarasaasianni paasissutissat ilaat atoqqissinnaajumallugit quppernermi matumani cookie't atorneqartarput.Akueriuk annertunerusumilluunniit uani paasisaqarit.