airplanebooksbriefcase business cogs cross election entertainment fish house law lockmedicalpeopleselfservices socialtax

Ujaruk

Pujortartarun­naarnissamut iluaqutissaq

Pujortartarunnaarneq pujortartannginnerlu amerlasuutigut iluaqutissartaqarpoq. Timi peqqinnerulertarpoq sulilluarnerulerlunilu inuunermut nukissaqarnerulernermik misigititsisarluni.

Pujortartarun­naarnissat aallartiguk

Pujortarunnaar­nissat aallartiguk!



Pujortartarun­naarnissamut ikiorneqarit 

Ikiorneqarnermi tapersersorneqarnermilu pujortartarunnaarnissaq ajornannginneruvoq. Taamaattumik Paarisap akeqanngitsumik sms-ikkut sullissisarneranut ilanngugit, tassani pujortartartut qassinilluunniit ukiullit pujortartarunnaarnissamut kajumissusininnartumik tapersersorneqarlutik ikiorneqartarput. SMS-ikkut sullissineq sapaatip-akunnerani arfineq-pingasuni ingerlanneqartarpoq tamatumanilu pujortartarunnaarniarninni tapersersorneqarlutillu pitsaasunik siunnersorneqassaatit.

Una tooruk pujortartarunnaarniarnerillu aallartillugu!


Anersaartuutit minguinnerusutut misiginarput. Quersussaarpunga anersaartoraangamalu silaannarmik tigoqqaanerusinnaasutut misigisarlunga.

Johan Davidsen, pujortartartuusimasoq

Pujortartarun­naarnerup iluaqutissartai 

Sukkanerusumik pujortartarunnaaruit timivit pilertornerusumik pujortartarnerup kingunerisaanik innarliinerit aaqqissulissavai.
Pujortartarunnaarnerup kingorna minutsit 20-t ingerlanerinnaani peqqissutsikkut iluaqutissat takuneqarsinnaalertarput. Allat kingusinnerusukkut takuneqarsinnaalertarput.

Pujortartarunnaarnissamut kingusinaartoqarsinnaanngilaq. Allaat ukiorpassuarni pujortartarsimaguit massakkut pujortartarunnaarnikkut ukiut inuuffigisatit sivitsussavatit.
Pujortartarunnaarnikkut peqqinnerulissallutillu assersuutigalugu kræftilernissat, sukkulernissat, puakkut akornutaasumik katsorsarneqarsinnaanngitsumillu aamma uummativit taqarsuisigut nappaateqalernissat ilimanannginnerussaaq.

Pujortartarunnaarneq peqqissutsimut iluaqutaaginnarnani aamma allatigut iluaqutissartaqarpoq. Pujortartartut amerlasuut pujortarneq pitsaasumik inuuneqarnermut atassusertaraluaraat amerlasuut pujortartarunnaaraangamik misigisarput pitsaanerusumik inuuneqalersutut, nuannaarnerulersutut uippakajaannginnerulersutullu.

Naartuneq pujortartarunnaarnerlu
Naartunermi pujortartarneq meeqqannut naartunermullu ajoqutaasinnaammat naartusutut pujortartarunnaarnissat pingaaruteqarluinnarpoq. Pujortartarunnaarnikkut illit meeqqallu inuuneq pitsaanerpaamik aallartissinnaavarsi.

Tupa peqqissuserlu – sooq pujortartarun­naassavit? 

Tupap pujua peqqissutsimut ajoqutaasunik toqunartulinnik kræfteqalernartunillu amerlasuunik akoqarpoq.

Taamaattumik pujortartarunnaarnikkut puakkut kræfteqalernissat kræftilllu allat 15-init amerlanerusut atugarilernissaat ilimanannginnerulersittarpat. Tamatuma saniatigut puakkut akornutaasumik katsorsarneqarsinnaanngitsumillu nappaateqalernissat, taqqamik milittoornissat, astmalernissat isikkullu nappaateqalernissat ilimanannginnerulersittarpat.


Nikotinimik pinngitsuuisin­naannginnerit atugariun­naaruk 

Sikaritsit tupamillu nioqqutissiat allat soorlu sunoorsit e-sikaritsillu ilaatigut nikotinimik, tassa akuutissamik pujortaraangavit pinngitsuuisinnaajunnaarsitsisar­tumik, akoqarput.

Nikotinimik pinngitsuuisinnaanngikkaangavit qaratsap akissarsisitsisarfiit, ilinnik nalerisimaalersitsisartut nuannaalersitsisartullu, aallartinniarlugit nikotini pisariaqartittarpaa.

Pujortartarunnaaruit sapaatip-akunnialuit ingerlaneranni, timivit nikotinimik pinngikkaluarlutit ilorrisimaarneq nuannaalernerlu namminneq ineritsissinnaalissavai.


Inuunerinneq pujortarfiun­ngitsoq

Pujortartarnak inuuneqarnissannik toqqaanerit illit pillutit, peqqinnissat pillugu pitsaasumillu inuuneqarnissat pillugu iliuuserisinnaasavit pitsaanersaraat. Pujortartarnak inuuneqarnissannik toqqaanikkut aamma meeqqat pujortarfiunngitsumik inuuneqarnissaanut tapersersussavat.

Uani atuaruk

"World No Tobacco Day"

WHO tupa akiorniarlugu ullorisitaa tassaavoq majip 31-iat, World No Tobacco Day – imillu taaguserneqarsimavoq.

Uani atuaruk