airplanebooksbriefcase business cogs cross election entertainment fish house law lockmedicalpeopleselfservices socialtax

Ujaruk

Sapaatip akunneranut 18-imut aningaasaliissutit

’Sapaatip-akunnerani 18-imi’ sammisassaqartitsinissannut aningaasanik Paarisamut qinnuteqarsinnaavutit. ’Sapaatip-akunnerani 18-imi’ siunertaavoq imigassartortarnermik imertariaatsimillu ukkatarinninissaq oqallitsitsinissarlu.

Piviusoq 

Sapaatip akunnera 18-imi siunertaapput:

  • Aalakoornartulimmik imernermi ileqqut imeriaatsillu isiginiarneqarnissaat
  • Aalakoornartulimmik imernermi ileqqut imeriaatsillu oqallisigineqarnissaat

Innuttaasut, peqatigiiffiit, atuarfiit, pitsaaliuinermi ataatsimiititaliat kommunillu tamarmik kaammattorneqarput Sapaatip akunnerani 18-imi najukkaminni aaqqissueqqullugit, soorlu pisoqartitsinikkut imaluunniit unnuit ilaanni oqallitsitsinikkut.

Makkununnga tapiissuteqartoqartanngilaq: 

  • Aningaasartuutaareersimasunut
  • Angalanermut aningaasartuutinut
  • Aningaasannanniutigalugu aaqqissuussinernut
  • Nutaanik pisianut
  • Peqatigiiffinnut il.il. Aningaasanut inatsisikkut tapiiffigineqartartunut

QINNUTEQAATIT 

Sapaatip akunneranut 18-imut Aningaasaateqarfik ukiumut ataasiarluni agguaassisarpoq.

Ukiut tamaasa qinnuteqarfissap killingaa 1. april.

Qinnuteqaat nittartagakkut uani immersoruk.

Nutaarsiassatut nittartakkakkut qinnuteqaat immersorneqarsinnaalerpoq, kisiannili aamma aniseriarlugu immersugaq uunga faximik imaluunniit mailikkut allakkatigulluunniit nassiunneqassaaq:

Pitsaaliuinermut Isumaginninnermullu Aqutsisoqarfik
Att: Paarisa
Postboks 1755
3900 Nuuk

Email: paarisa@nanoq.gl

Nalunaarusiorneq 

Siunissami sap. ak. 18-imut tapiissutinik pissarsissangaanni, ingerlatamut nalunaarut aamma aningaasartuutinut nalunaarusiaq tunniunneqarsimasussaapput.

Qinnuteqartup nalunaarusiaq siunissami sap. ak. 18-mut tapiiffigineqarsinnaasut akornanniikkusukkuni nassiuttariaqarpaa.

Attaveqatigiinneq taamatut uagutsinnut pingaaruteqarpoq, susoqarneranik misilittakkanillu tusarfiginissassinnik periarfissiimmat, kingornalu pitsaanerusunik aaqqissuussisinnaanermik aqqutissiuisinnaammat.

Nalunaarusiut 15. juni nallertinnagu uunga nassiunneqassaaq: paarisa@nanoq.gl