Atuarsinnaasatit allat
MANU sisamanik ukiullit tikillugit meeralinnut, meeravissiaqartunut meerarsiaqartunullu tamanut neqeroorutaavoq. MANU-mi kikkut tamarmik inissaqartinneqarput.
MANU
Tassaavoq ataatsimoortumik isiginneriaaseqarluni najoqqutassiaq, angajoqqaanik malinnaaffiusoq, naartunermik misissuilluni atortumi titarnernit siullernit marlunniit 3-4-nik ukiulimmik meeraqarluni ulluinnarisaq ilanngullugu.
Taava MANU ilinnorpiaq tulluartuuvoq!
Angajoqqaajoriaatsissinnik toqqaanissamut MANU-mit ikiorneqarsinnaavusi. MANU pillugu uani atuarsinnaavutit.
Paasiuminaatsillugulu upperiuminaatsippara. Ataatanngulerpunga, eqqumiik. Misigileriataarpunga sorpassuit pillugit aalajangigassaqarlunga. Tulluusimaarneq, imminut naammagisimaarneq eqqissiveerunnerlu tamaasa ataatsikkut atugaraakka.
MANU tassaavoq ataatanngungajalersut anaananngungajalersulluunniit angajoqqaanngornissamut piareersarfiat. Aamma illit sisamat tikillugit ukiulimmik meeraqaruit MANU-mut ilaasinnaavutit.
MANU angajoqqaanut neqeroorutaavoq sakkussamik tunisisartoq angajoqqaajoriaatsimillu toqqaanissamut ikiuisartoq. Aatsaavissuaq tallimassaanilluunniit meerartaarussi, aamma avannaani, kujataani, kitaani tunumiluunniit najugaqarnersi apeqqutaatinnagu, MANU-mut ilaasinnaavusi.
MANU-mik neqeroorummi ilinniarsimasunit assigiinngitsunit ikiorneqartassaasi. Taakku tassaasinnaapput ernisussiortut, meeraaqqerisut, perorsaasut imaluunniit tarnip pissusiinik ilisimasallit.
Siunnersorneqarumallusi ilitsersorneqarumallusilu najukkassinni ilinniartitsisut attavigiuaannarsinnaavasi. MANU-mik ilinniartitsineq amerlanertigut eqimattakkaarluni ilinniartitsinertut ingerlanneqartassaaq, kisianni aamma illoqarfinni minnerni nunaqarfinnilu kisimiilluni ilinniartinneqarnissamut periarfissaqartarpoq.
Ernisussiortoq, meeraaqqerisoq, kommuni imaluunniit MANU-mi sulisut attavigikkit paasiniarlugulu angajoqqaajoriaatsimik qanoq toqqaasinnaanerlutit.
Ullukkut paaqqinnittarfimmiittartumik imaluunniit meeqqerivimmittartumik meeraqaruit sulisunut saaffiginnittuaannarsinnaavutit, taakku paasissutissanik atortussanillu tunisinnaavaatsit. Meeqqavit paaqqinnittarfia taamaaliorsinnaanngippat imaluunniit meeqqat angerlarsimaffimmi paaritittarpat MANU-mut saaffiginniittuaannarsinnaavutit.
Attaveqarnissamut paasissutissat uani takusinnaavatit: www.manu.gl.
Atuarsinnaasatit allat
Angajoqqaajuneq
Meeqqat toqqissisimanartunik avatangiiseqarnissartik aamma pisariaqartumik isumassuisunik asannittunillu angajoqqaaqarnissartik pisariaqartippaat.
Uani atuaruk