airplanebooksbriefcase business cogs cross election entertainment fish house law lockmedicalpeopleselfservices socialtax
Killiliisa

Ujaruk

Killiliisa filmi piviusulersaarut

Piviusulersaarut ”Pilluarneq Ersigiunnaarpara” , Naalakkersuisut kinguaassiuutitigut atornerluisarnermut periusissiaminni "Killiliisa"-mi  
siunertaraat ilorraap tungaanut allannguinernik pilersitsinissaq kinguaassiuutitigullu atornerluisarnernik ikilisaanissaq.

TUSAANNGA

Ajornartorsiutit nammineq aaqqissinnaanngitsutut misigisatit pillugit oqaloqateqarnissamik pisariaqartitsiguit Tusaannga attavigiuaannarsinnaavat.
Attaveqarneq akeqanngilaq kinaassutsimillu isertuussisuulluni.

Ammarsarfiit:
ataas. - sisa. 9:00 – 00:00
tall. - arf. 09:00 - 04:00
sap. 9:00 – 00:00

SMS

1899

Oqarasuaat

80 11 80

80 11 80

Filmi piviusulersaarut ugguuna takuuk.

 

Naak ”Pilluarneq Ersigiunnaarpara”-mi sammisaq sakkortugaluaqisoq filmi inuunermut kajumilersitsinarpoq, inuttaasummi Gukki Nukap Korneliallu meeraanerminni sakkortuumik misigisaqarsimagaluarlutik ajunngitsumik toqqissisimanartumillu inuunissartik qineraat isiginnaarneqarsinnaammat.

Isumaginninnermut Aqutsisoqarfik

Filmi piviusulersaarut pillugu 

Filmi piviusulersaarut ''Pilluarneq Ersigiunnaarpara'' Isumaginninnermut Aqutsisoqarfimmi Paarisa sinnerlugu Nivaara Filmsimit suliarineqarpoq.

Piviusulersaarummi inuttaasut marluk meeraanerminni kinguaassiutitigut atornerlugaasimapput. Gukki Nuka (53-inik ukiulik) eqqumiitsuliortuusoq meeraanermini illoqarfigisimasaminut atornerlugaaffigisimasaminullu Uummannamut uterpoq. Korneliap (24-nik ukiulik) ullumikkut annilaangasarneq atorpaa, ajornartorsiutilli kingornuttagaasut qaangersimavai meeraanerminiillu inuunererusutani, tassa kiffaanngissuseqarneq inuunerilerniarsaralugu.

Namminersorlutik Oqartussani tarnip pissusaanik ilisimasallit angalasartut apersuinerinit sulianillu paasisimasallit isiginnittariaasiat tunngavigalugu Gukki Nukap Korneliallu oqaluttuaat saqqummiunneqarput. Taamaaliornikkut kinguaassiutitigut atornerlugaanermik sammisaq paasinarnerusumik tigussaanerusumillu saqqummiunneqarpoq.

Filmi piviusulersaarut Nuummi 2019-imi novembarimi saqqummersinneqaaarneqareermat Ilulissani, Aasianni, Maniitsumi, Narsami Tasiilamilu aamma takutinneqarpoq.

Filmi KNR TV-kkut 2020-mi februaarimi aamma takutinneqarpoq.

Maleruagassat 

Filmi piviusulersaarut ”Pilluarneq Ersigiunnaarpara”
taamaallaat nammineq atugassaavoq. Assilineqaqqusaanngilaq, tuniniaqqeqqusaanani agguaateqqeqqusaananilu. Ilinniartitsinermut atatillugu aamma atorneqarsinnaavoq.

Filmiliaq sakkortuunik imaqarmat 15-inik ukioqalereersimanngitsunut innersuunnanngilaq. 15-it 18-illu akornanni ukiulinnut innersuussaavoq.
Filmi takuniarunikku inersimasumik inimeeqateqartariaqarpoq.

Atuarsinnaasatit allat

Killiliisa podcast

Meeraanerminni kinguaassiuutitigut atornerlunneqarsimasut pillugit Podcasti nangeqattaartuliaq qulinik immikkoortortalik.

Uani atuaruk

Killiliisa

Paarisa.gl-imi Killiliisap silarsuaanut tikilluarit

Uani atuaruk

Kinguaassiuu­titigut innarliinerit

Kinguaassiuutitigut innarliinerit tassaapput iliuutsit kinguaassiuutinut tunngasut inuup killissaanik qaangiisut.

Uani atuaruk
Qarasaasianni paasissutissat ilaat atoqqissinnaajumallugit quppernermi matumani cookie't atorneqartarput.Akueriuk annertunerusumilluunniit uani paasisaqarit.