Aningaasanoorajunnermik ajornartorsiuteqaruit ikiorneqarsinnaavutit.
ALLORFIK
Imigassamik, hashimik aningaasanoornermilluunniit ajornartorsiuteqaruit Allorfimmi katsorsartissinnaavutit.
Imminut misiligit
Aningaasanoorneq pinngitsoorsinnaanngiliuk? Aningaasanoorneq ajornartorsiutiginerlugu immersuillutit paasiniaruk.
Allorfimmut ikiortissarsiorit
Allorfimmi ikiorneqarsinnaallutillu katsorsarneqarsinnaavutit. Aamma aningaasanoorajunnermik ajornartorsiutilimmut ilaqutaasut Allorfimmi ikiorneqarsinnaapput.
Aningaasanoorajunneq nappaataavoq inuup inuuneranik aqutsisoq tamannalu inooqataaneq, suliffeqarneq ilaqutserisarnerlu pillugit naleqartitanut pisussaaffinnullu sunniutipiloqartarpoq.
Aningaasanoorneq, soorlu inugarneq bingornerluunniit, amerlasuut aliikkutatut nuannisarnertullu isigisarpaat, allalli pissanganartorserusullutik imaluunniit inuttut ajornartorsiutitik puiulaarusullugit pinnguaatinik aallutaqartarput.
Ilaasa aningaasanoorneq pinngitsoorsinnaajunnaartarpaat. Aningaasanoornermik pinngitsuuisinnaannginneq aningaasanoorajunnermik taaneqartarpoq.
Allorfik, Pinngitsuuisinnaajunnaarnermik Paasisimasaqarfik, kommunini tamani illoqarfinni anginerpaani katsorsaaveqarpoq. Tassa pinngitsuuisinnaannginnerit pillugu Allorfiup Aasianni, Ilulissani, Nuummi, Qaqortumi Sisimiunilu katsorsaaviini katsorsarneqarsinnaavutit.
Tamatuma saniatigut Allorfiup Katsorsaavik suleqatigaa, taamaammat sumiiffigisanniiginnarlutit Katsorsaavimmiit angalasunit najugarisarni katsorsartissinnaassallutit imaluunniit Katsorsaavimmi Nuummiittumi katsorsartinneq ingerlanneqarsinnaavoq.
Katsorsaaneq akeqanngilaq, aamma tassunga ilaapput katsorsartinnermut atatillugu angalaneq ineqarnerlu.
Uani paasisaqarnerugit.
Atuarsinnaasatit allat
Aningaasanoornermik ajornartorsiuteqarpit?
Aningaasanik atuillutit pinnguaatinik sammisaqartarnerit ajornartorsiutiginerlugu nalornigukku uku apeqqutit qulit akillugit misiliisinnaavutit, pisariaqartissagukkulu ikiorneqarsinnaallutillu ilitsersorneqarsinnaavutit.
Imigassamik ajornartorsiuteqarneq
Imigassamik atuinerit qanigisavilluunniit atuinerat annertuallaalersimanersoq ernumassutigigukku ikiorneqarsinnaavutit.
Uani atuarukHashimik ikiaroornartunillu allanik ajornartorsiuteqarneq
Hashimik ikiaroornartunilluunniit allanik ajornartorsiuteqaruit ikiorneqarsinnaavutit.
Uani atuaruk