Nunaqarfinnutisumaqatigiissut
Nunaqarfiit isumaqatigiissutaat pillugit atortut uku Qeqqata-modelia ilanngullugu ineriartortinneqarsimapput. Qeqqata-modelia Qeqqata Kommuniata, Paarisap aamma Kalaallit Nunaanni Innuttaasut Peqqissusiannik Ilisimatusarfiup akornanni suleqatigiinnermit aallaaveqarpoq. Periuseq taanna Islandimi pinaveersaartitsinermik peqqissutsimillu siuarsaalluni suliaqarnermit isumassarsiorfiuvoq, tassani meeqqat inuusuttuaqqallu inuulluataarnerisa peqqissusaasalu siuarsarneqarnissaat kiisalu aanngajaarniutinik tupanillu atuinerup apparsarneqarnissaa anguniagaalluni.
Qeqqata Kommuniata meeqqat inuusuttullu peqqissusaasa inuulluataarnerisalu siuarsarneqarnissaanut innuttaasunik ammasumik oqaloqateqarnissaq qanimullu suleqateqarnissaq kissaatigivaa. Innuttaasut akornanni ataatsimut isumaqatigiissusiorneq pingaaruteqatorujussuuvoq, ulluinnarni meeqqat atugaannut pitsaasumik toqqissisimanartumillu sinaakkusiinissamut qulakkeerinnisinnaammat.
Innuttaasut akornanni suleqatigiilluarneq ilaatigut qinngasaaruttarnermut aammalu aanngajaarniutinik atuinissamut pinaveersaartitsisuusinnaavoq, aammalu ulluinnarni meeqqat inersimasullu toqqissisimanartumik atugarissaartumillu inuuneqarnissaannut peqataasinnaalluni.
Ingerlariaasissaq:
Sapaatit akunneri sisamat sioqqullugit
1. Piareersarneq
- Isumaliutigisiuk kia, qaqugu, suut pisussat innuttaasunut ataatsimiisitsinermi isumagissanerai immersugassarlu immersorlugu. Una tooruk:
Nunaqarfimmi ataatsimiinnisamut drejebogi.
- Nunaqarfinni isumaqatigiissutit pillugit innuttaasunik ataatsimiisitsinermut ilitsersuut qimerlooruk. Una tooruk:
Nunaqarfimmi isumaqatigiissutit pillugit innuttaasunik ataatsimiisitsinermut ilitsersuut.
- Atortussat misissoqqissaakkit, atortussat suuneri Nunaqarfinni isumaqatigiissutit pillugit innuttaasunik ataatsimiisitsinermut ilitsuummi takuneqarsinnaapput.
- HBSC-kisitsisit kingulliit aammalu Nakooqqutigut naleqartitagullu qimerluukkit.
3. Nunaqarfimmut mappi piareersaruk
- Atortussat tamarmik anisinneqassapput mappimullu ilineqarlutik. Nunaqarfimmut mappip imarisassai Nunaqarfinni isumaqatigiissutit pillugit innuttaasunik ataatsimiisitsinermut ilitsersuummi takuneqarsinnaapput. Una tooruk:
Nunaqarfimmi isumaqatigiissutit pillugit innuttaasunik ataatsimiisitsinermut ilitsersuut.
Sapaatit akunneri marluk sioqqullugit
4. Innuttaasunik soqutiginnilersitsineq
- Nittartartakkat, inuit attaveqaqatigiittarfii allagarsiiviillu aqqutigalugit innuttaasunik ataatsimiitsitsinissaq pillugu nunaqarfimmi innuttaasunut piffissaalluartillugu qaaqqusinermut plakati atorlugu paasissutissiigitsi. Qaaqqusinermut plakati aniseriarlugu assammik immersorneqassaaq. Una tooruk:
Qaaqqusinermut plakati.
- Nunaqarfinni isumaqatigiissutit pillugit paasissutissiinermi Innuttaasunut quppersagaq atorneqarsinnaavoq. Una tooruk:
Innuttaasunut quppersagaq.
Innuttaasunik ataatsimiisitsinerup ingerlanissaa
5. Nunaqarfimmi isumaqatigiissut pillugu ataatsimiinnissamut saqqummiussassaq
- Nunaqarfimmi isumaqatigiissut pillugu ataatsimiinnissamut saqqummiussassaq piareersarsiuk. Nunaqarfimmi isumaqatigiissut pillugu ataatsimiinnermi Power Pointimik saqqummiussassaq qitiuvoq, saqqummiussallu immikkoortui malillugit ingerlanneqassalluni. Una tooruk:
Powerpointi atorlugu saqqummiussassaq.
- Saqqummiussassap immikkoortui: Aallartinneq, tunuliaqutaq, Nakooqqutigut naleqartitagullu pillugit saqqummiineq, HBSC-kisitsisit kingulliit pillugit saqqummiineq, Nunaqarfimmi isumaqatigiissummik saqqummiineq eqimattanngorlunilu sulineq.
- Nerrivinniittussanik plakatinik paasissutissanillu anisitsigit. Una tooruk:
Nakooqqutigut naleqartitagullu pillugit plakati.
6. Skabelonit pillugit paasissutissiineq
- Skabeloni Nunaqarfimmi isumaqatigiissummut malitseqartitsinissamut, naapeqqaarnissamut nunaqarfinnilu ataatsimiinnissanut aallartisaataassaaq. Una tooruk:
Nunaqarfimmi isumaqatigiissummut malitseqartitsinissamut naapeqqaarnissaq.
- Skabeloni Sammisassatut pilersaarutit Nunaqarfimmi isumaqatigiissummi suliassat naammassinissaanut sillimassissutaasinnaavoq. Una tooruk:
Sammisassatut pilersaarutit.
7. Eqimattakkaarluni sulineq
- Innuttaasut eqimattakkaarlutik sulineq pillugu immersugassaq immersussavaat. Una tooruk:
Sulineq pillugu immersugassaq.
- Eqimattani sammineqartussatut siunnersuutinik eqqartuissapput allattuillutillu. Sammisat pingasuniit tallimat tikillugit amerlassusillit taasissutigineqassapput. Sammisassat taaneqartut Isumaqatigiissutitut allakkamut allanneqassapput innuttaasullu peqataasut atsiussapput. Una tooruk:
Isumaqatigiissutinut allagaq.
- Nunaqarfimmi isumaqatigiissut pillugu siunissami sulinissaq ingerlatiinnarniarlugu innuttaasut akornani isumaginnittussanik eqimattaliortoqassaaq, skabelonit Nunaqarfimmi isumaqatigiissummut malitseqartitsinissamut naapeqqaarnissaq, Sammisanut pilersaarut aammalu Sammisanut nalunaarsuiffik immersorneqassapput. Uku tuukkit:
8. Mappi nunaqarfimmiittussaq
- Ataatsimiinnerup kingorna mappi nunaqarfimmiittussaq nunaqarfimmi akisussaasumut tunniunneqassaaq. Innuttaasunik ataatsimiisitsinermi atortussat atorneqatut imarissavai; isumaqatigiissutinut allagaq, skabelonit nunaqarfimmilu sulinissap ingerlanissaanut ilanngullugu.
Malitseqartitsineq
9. Angalaneq pillugu nalunaarusiaq
- Innuttaasunut ataatsimiisitsisimaneq suullu isumaqatigiissutigineqarsimanersut uppernarsarniarlugit takussuserniarlugillu nunaqarfimmut angalanermut akisussaasup Angalaneq pillugu nalunaarusiaq immersussavaa. Una tooruk:
Angalaneq pillugu nalunaarusiaq.