airplanebooksbriefcase business cogs cross election entertainment fish house law lockmedicalpeopleselfservices socialtax
Filmit saqqummersitallu

Ujaruk

Angajoqqaat isumaqatigiis­sutaat

Atortut

Angajoqqaat isumaqatigiissutaat pillugit atortut uku Qeqqata-modelia ilanngullugu ineriartortinneqarsimapput. Qeqqata-modelia Qeqqata Kommuniata, Paarisap aamma Kalaallit Nunaanni Innuttaasut Peqqissusiannik Ilisimatusarfiup akornanni suleqatigiinnermit aallaaveqarpoq. Periuseq taanna Islandimi pinaveersaartitsinermik peqqissutsimillu siuarsaalluni suliaqarnermit isumassarsiorfiuvoq, tassani meeqqat inuusuttuaqqallu inuulluataarnerisa peqqissusaasalu siuarsarneqarnissaat kiisalu aanngajaarniutinik tupanillu atuinerup apparsarneqarnissaa anguniagaalluni.


Angajoqqaat isumaqatigiissutaanni siunertarineqartut

Qeqqata Kommuniata meeqqat inuusuttullu peqqissusaasa inuulluataarnerisalu siuarsarneqarnissaanut angajoqqaanik ammasumik oqaloqateqarnissaq qanimullu suleqateqarnissaq kissaatigivaa. Angajoqqaat akornanni ataatsimut isumaqatigiissusiorneq pingaaruteqatorujussuuvoq, ulluinnarni meeqqat atugaannut pitsaasumik toqqissisimanartumillu sinaakkusiinissamut qulakkeerinnisinnaammat. 
Angajoqqaat akornanni suleqatigiilluarneq ilaatigut qinngasaaruttarnermut aammalu aanngajaarniutinik atuinissamut pinaveersaartitsisuusinnaavoq, aammalu ulluinnarni meeqqat inersimasullu toqqissisimanartumik atugarissaartumillu inuuneqarnissaannut peqataasinnaalluni.

 

Ingerlariaaseq:

Sapaatip akunneri pingasut sioqqullugu

1. Atortut ilisimasaqarfigikkit

Atortussat atuarluakkit. Angajoqqaat isumaqatigiissutaat pillugit ataatsimiinnginnermi aallaaviussaaq HBSC-imit inernerit nutaajunerpaat aamma illersuutinut pissutaasut aarlerinaataasinnaasunullu tunngasut.

Una tooruk: Ilinniartitsisup ilitsersuutaa

 

2. Piareersarneq 
Ataatsimiinnissamut piareersarneq aallartiaarsiuk. 

  • Ataatsimiinnissamut ullorititaq piffissarlu. 

  • Angajoqqaat trin-ikkaarlugit agguataarneqassappat imaluunniit angajooqqaat tamarmik ataatsikkut qaaqquneqassappat? 

  • Atuarfimmi qatanngutinik nukarliunerusunik paarsisoqarnissaa aamma unnukkorsiutinik neqeroortoqarnissaa pisariaqartinneqarnersut eqqarsaatigisiuk, taamaalilluni angajoqqaat ataatsimiinneranni peqataasussat amerlanerussammata.

  • Ataatsimut saqqummiinerit atuarfiup sortaani ingerlanneqassappat? 

  • Angajooqqaat eqimattakkaarlutik sulinissaat sumi ingerlanneqassava? 

  • Nutserisoqassava imaluunniit nutserinermut atortorissaarutinik peqassava? 

  • Attaveqarniarnermut atortorissaarutit sorliit ataatsimiinnermi atugassaappat?

Sapaatip akunneri marlut sioqqullugu

3. Angajoqqaat isumaqataaffigisaat/ tapersersuinerat 

Angajoqqaat isumaqatigiissutaat pillugu ataatsimiinnissaq sioqqutingaatsiarlugu tamanna angajoqqaanut attaveqaatikkut, inuit attaveqaataasigut aamma illoqarfimmi allagarsiinikkut paasissutissiissutigisiuk. Piffissaalluarallartillugu angajoqqaat ataatsimiinnissaannut ataatsimiigiaqqusissut aamma pissutsit illersorneqarnissamut aarlerinartorsiorsinnaanermullu tunngasut nassiussigit.

Una tooruk: Angajoqqaanut qaaqqusissut, malitassaq.
Una tooruk: Plakati – qaaqqussut.
Una tooruk: Angajoqqaanut quppersagaq. 

 

Angajoqqaat ataatsimiinneranni ingerlanissaq

4. Angajoqqaat isumaqatigiissutaat pillugu ataatsimiinnissamut saqqummiussaq
Katillugu piffissarititaq: Minutsit 30-it. 

Angajoqqaanut ataatsimiitsinermut saqqummiussannut piareersarit. Angajoqqaat isumaqatigiissutaat pillugu ataatsimiinnermi PowerPointimik saqqummiussaq pingaarnersaavoq taannalu iluaqutigalugu saqqummiussani tamani ilitsersorneqassaasi.

Una tooruk: Angajoqqaat isumaqatigiissutaat pillugu ataatsimiinnermi saqqummiussineq. PowerPointimik saqqummiussat aammalu filmeq.
Una tooruk: Pissutsit illersorneqarnissamut aarlerinaataasinnaasunullu tunngasut.
Una tooruk: Paasissutissat; HBSC-imit misissuinermit kisitsisit nutaanerpaat klassimi atugassaq.


5. Angajoqqaanik ataatsimiititsineq suleqatigiisitsineq
Piffissaq tamakkiisoq: Minutsit 75-it.

  1. Ilisarititsineq aamma angajoqqaat sisamanik - arfinilinnik peqataaffigisaannut suleqatigiinnut agguataarneqarnerat – takkuttut amerlassusiat apeqqutaalluni (minutsit tallimat missaat) 
  2. Immersugassaq allaatisallu angajoqqaanut tunniutikkit.
  3. Angajoqqaat suleqatigiit tamarmik immikkut pingasunik sammisaqassapput, suleqatigiinni meeqqat peqqissusiannut atugarissaarnerannullu siuarsaataasinnaasut pillugit isumaqatigiissusiornissamut pingaarutilittut suleqatigiinnit isigineqartut. (30 minutsit missaat) 
  4. Angajoqqaat suleqatigiit tamarmik immikkut ataatsimoortumik isumaqatigiissutissanut siunnersuutinik pingasunik allattuissapput. (10 minutsit missaat) 
  5. Angajoqqaat suleqatigiit tamarmik immikkut ataatsimoortumik isumaqatigiissutissat pillugit oqallinnermi naatsumik saqqummiissapput. (15 minutsit missaat) 
  6. Ilinniartitsisup isumaqatigiissutit ingerlaavartumik allattarfissuarmut allattussavai, qulequttanut immikkoortillugit. 
  7. Suleqatigiit tamarmik immikkut saqqummiussereerpata isumaqatigiissutit pingasut - tallimat taasissutigineqassapput isumaqatigiissutillu taakku angajoqqaat isumaqatigiissutaat pillugu ilisserummut allanneqassapput. (10 minutsit missaat).
Qarasaasianni paasissutissat ilaat atoqqissinnaajumallugit quppernermi matumani cookie't atorneqartarput.Akueriuk annertunerusumilluunniit uani paasisaqarit.