IGASA

Ukiut tamaasa nuna tamakkerlugu atuarfinni IGASA ulloqartinneqartarpoq. IGASA tassaavoq meeqqat akullerni atuartut iganermik, ataatsimoornermik, peqqissusermik aamma meeqqat pisinnaatitaaffiinik sammisaqarneranni nuannersumik, isumassarsinartumik pissarsiaqarnartumillu ulloqartitsineq.

Uani takujuk IGASA pillugu aalasuliaq:

IGASA workshop

Meeqqat ullormi isumassarsinartumik arlalinnik sammisassaqassapput, nerisassiorneq pillugu, meeqqat pisinnaatitaaffii pillugit kiisalu ataatsimoorneq nuannersoq pillugu ilikkagaqarlutillu.

IGASA Paarisamit Kalaallit Nunnaanilu Unicefimit ineriartortinneqarnikuuvoq.

IGASA-p siunertaa

IGASA-p siunertaa tassaavoq, meeqqat akullerni atuartut ullormik nuannersumik ilikkagaqarfiusumillu ulloqartinnissaat. Ullormi tassani meeqqat ilikkassavaat nerisassiorneq, nerisat aamma nerinerup peqqissutsimut pingaaruteqarnerat, ilorrisimaarneqataatsimooqatigiinnerlu.

Meeqqat IGASA-mut peqataasut, makkuninnga misigisaqassapput:

Ataatsimooqatigiinnut peqqissunut akuutitsisunullu ilaallutik
Nerisassiorneq, nerisat aamma nerinerup inuttut atukkanut, ataatsimooqatigiinnermut peqqissutsimullu siunniuteqartarnerat
Nerisassiornermi aallussisumik peqataanissamut kajumissuseqalerneq
Aalisakkanik naatitanillu mamartunik nerisassiorsinnaallutik taassumalu nuannersuunera
Meeqqat tamarmik suugaluartumik iliuuseqarsinnaasut aamma meeqqat tamarmik pisinnaatitaaffeqartut

IGASA-mut atortussat

IGASA-mut ulloqartitsinermi atortussanik pilersitsinikuuvugut, atortussat ataatsimoortillugit isumassarsiassatut atorneqarsinnaasut:
• Atuagassiaq ilitsersuut, atuartunut IGASA-mik pikkorissartinneqarnissaanut tulleriiaartumik ilitsersuutinik ilaqartoq
• Iganermut ilitsersuut atuagaq AALISA-IGASA-NERISA
• Nerisaqarnermut innersuussutit qulit

Apeqqutissaqarpit?

Apeqqutissaqaruit Paarisa attavigisinnaavat uunga: paarisa@nanoq.gl

Filmit

Uani atuaruk

Saqqummersitallu

Uani atuaruk