airplanebooksbriefcase business cogs cross election entertainment fish house law lockmedicalpeopleselfservices socialtax

Ujaruk

4. november 2020

Workshopi Qeqqata-model-ia (Qeqqata ilusiligaanera pillugu)

Workshoppini katillugit arfineq marluusuni ilaatigut peqataapput innuttaasut, peqatigiiffiit, kommunimi sulisut kiisalu Nakuusaaqqat.

Workshop

Workshoppit ingerlanneqarnerannut anguniagaq tassaavoq innuttaasunik, peqatigiiffinnik kiisalu kommunerisami sulisunik oqaloqateqarnissaq naleqartitallu nukittorsarlugit. Oqaloqatigiinnerit tamakkua tunngavilersuisuussapput siumut isigisumik suliaqarnissami peqqissutsip kiisalu atugarissaarnissap siuarsarnissaanut.

Kirsten Fencker, Paarisa

Paarisa, Kalaallit Nunaani Innuttaasut Peqqissusaannik Ilisimatusarfik kiisalu Qeqqata kommuniani workshoppinik ingerlataqaqqammerpoq Sisimiuni, Maniitsumi kiisalu nunaqarfinni Sarfannguit, Itilleq, Kangaamiut, Napasoq aamma Atammik. Peqataasunik oqaloqateqarnerit pingaarutilinnik ilisimasanik pissarsiaqarfiupput, inuunerissaarneq najugarisami qanoq paasineqassanersoq,
qanorlu naleqartitanik nukissanillu peqqinnerulernissamik suliaqarnermi Qeqqata Kommuniata siunissami qanoq ilusilersussanerai. Workshoppimik assingusumik Kangerlussuarmi aamma ingerlatsisoqassaaq ulloq 5. november.

Workshoppini katillugit arfineq marluusuni ilaatigut peqataapput innuttaasut, peqatigiiffiit, kommunimi sulisut kiisalu Nakuusaaqqat. Peqataasut peqquneqarput akissuteqaqqullugit, suut nuannaalersittarneraatsik, illoqarfigisaminnilu nuqarfimminniluunniit immikkut suut ajunngitsutut isigineritik, suut nukissaqalersittarneraatik, suullu illoqarfigisaminni nuqarfigisaminniluunniit
pikkoriffigineqarnersut. Workshoppit ingerlanneqarnerani allattoqartarpoq titartaasoqartarlunilu, piffinnilu tamani peqataasut annertuumik pimoorussilluartarput.

Ataqatigiinneq, suliassanik ataatsimoorluni kivitseqatigiinneq, pinngortitaq, piffissamik ataatsimoorluni atuineq, ataqqeqatigiinneq, piorsarsimassuseq meeqqanut inuusuttunullu ingerlateqqillugu, ikioqatigiinneq, pimoorussilluarneq, pinngortitap tunniussinnaasaanik inuussuteqarneq, kalaaliminertortarneq aammalu toqqissisimaneq pingaarnertut sammineqarput, workshoppini tamani
ingerlanneqartuni. Nakuusaaqqakkut ilaatigut eqqaavaat asasatik, atuarfik aamma Internetikkut attaveqartarfiit (sociale medier) inuunerminni pitsaasumik pingaaruteqartutut.

Suliami paasisimasalittut aqutsisuusoq Paarisami, Kirsten Fencker oqarpoq:

"Workshoppit ingerlanneqarnerannut anguniagaq tassaavoq innuttaasunik, peqatigiiffinnik kiisalu kommunerisami sulisunik oqaloqateqarnissaq naleqartitallu nukittorsarlugit. Oqaloqatigiinnerit tamakkua tunngavilersuisuussapput siumut isigisumik suliaqarnissami peqqissutsip kiisalu atugarissaarnissap siuarsarnissaanut. Ilumoortumik pingaaruteqarpoq periarfissanik takunninnissaq aammalu najugarisami suulluunniit pingaaruteqarsinnaasut pitsaasumik inuuneqarnissaq anguniarlugu."

"Qularutiginngilluinnarparput, innuttaasut naleqartitaat pinaveersaartitsitinermi aallaavigineqassasut najugaqarfinnilu nukittunerulersitsillutik, peqqissutsimut qinigassat isumaqarnerulissappata. Ilaatigut tamanna puigortarparput, suliniutit pilersaarutilluunnit avataaniit ilanngunneqaraangata. Innuttaasunit ilanngussat, peqatigiiffiit kiisalu kommunimi atorfillit pingaarutilerujussuupput peqqissutsip siuarsarnissaanut siunissami imminnut suleqatigiinnissaannut, qujamasuutigisorujussuuarpullu taamatut tapersersuisoqarnera,” Ingelise Olesen oqarpoq, Kalaallit Nunaani Innuttaasut Peqqissusaannik Ilisimatusarfimmi ilisimatusarnermi ataqatigiissaarisoq.

Islandi isiginiarsimavarput kiisalu isumassarsiorfigalugu pingaartitaat, meeqqat inuusuttullu atugarissaarnerat peqqissusaallu qanoq pilersinneqarsimanersoq. Qeqqata Kommunianilu nuannaarutigaarput suliassani aggersuni innuttaasut akuulluarnerat. Nammineerluta iluarsiissutissagut nassaarissavagut, taamaalilluta qulakkiissavarput, meeqqat inuusuttuaqqallu Qeqqata Kommuniani pitsaasumik peqqinnartumillu inuuneqarnissaat.” kommunimi pisortaaneq Juliane Henningsen, oqarpoq.

Qeqqata Kommunia, Kalaallit Nunaanni Innuttaasut Peqqissusaannik Ilisimatusarfik septemberi 2020 suleqatigiinnissamik isumaqatigiissimapput. Suleqatigiinnissap siunertarivaa, Kalaallit Nunaannut tunngasumik ataatsimut suliniuteqarneq, suliniummi ukiuni 20-ni kingullerni Islandip pinaveersaartitsinermut suliniuteqarnikkut misilittagai isumassarsiorfigineqassapput, taamatullu aamma Qeqqata Kommuniani meeqqat inuusuttullu akornanni inuulluataarnerup peqqinnissallu siuarsarneqarnissaa anguniarneqassalluni. Periusissiaq taaguuserneqarpoq:
Qeqqata-modeli.

Annertunerusumik paasisaqarusukkuit uku attavigikkit:

Johanne Bladt Vammen, Qeqqata Kommunia suliniummik aqutsisoq
jova@qeqqata.gl, +299 86 73 13

Christina Viskum Lytken Larsen, Kalaallit Nunaani Innuttaasut Peqqissusaannik
Ilisimatusarfimmi aqutsisoq
chly@sdu.dk, + 45 25 32 84 86, +45 65 50 77 22

Kirsten Fencker, paasisimasalittut aqutsisoq Paarisa
kfen@nanoq.gl, +299 34 69 06, +299 48 75 97