airplanebooksbriefcase business cogs cross election entertainment fish house law lockmedicalpeopleselfservices socialtax

Ujaruk

9. februar 2021

Sapaatip akunnera SEX


Sapaatip akunnera SEX-imi, ukiup sapaatit akunnerisa arfernganni pisartoq, Paarisap tamatta kinguaassiutitigut peqqissutsitsinnik ukkatarinneqqulluta kajumissaarpaatigut. Paarisap aamma Sapaatip akunnera SEX atorlugu inuusuttut atoqatigiinneq suiaassuserlu pillugit isiginnittaasiannik qanimut eqqartueqatigissavai taamaalillunilu kinguaassiutitigut peqqissutsimik siuarsaalluni sulinermut tunngaviusussamik pilersitsilluni.

UgeSex

Sapaatip akunnera SEX Inuuneritta III-mik, meeqqat inuusuttullu tamarmik inuunerinnissaannik anguniagaqarfiusumik, aallaaveqarpoq. Sapaatip akunnera kinguaassiuutitigut peqqissutsimik siuarsaaqataallunilu kinguaassiuutitigut tunillatsinnernik kissaatiginngisamillu naartulernernik pitsaaliueqataassaaq.

Paarisa

Kinguaassiutitigut peqqissuseq inuunitta pitsaassusaanut atugarissaarnitsinnullu pingaaruteqarluinnarpoq. Taamaattumik pitsaaliuilluni peqqinnerulersitsiniarlunilu sulineq pingaaruteqangaarpoq. Sapaatip akunnera SEX atorlugu Paarisa kinguaassiutitigut peqqissutsimik malunnartitserusuppoq inuusuttunillu ammasumik oqaloqateqarusulluni.

Sapaatip akunnera SEX-imi aamma kinguaassiutitigut nappaatinik tunillatsittartut inuusuttullu kissaatiginngisamik naartulertartut amerlanerujussuat eqqumaffigeqquneqassaaq. Paarisap neriuutigaa angajoqqaat, inuusuttut meeqqallu sapinngisamik amerlanerpaat qaammarsarneqassasut.

Sapaatip akunnerata ingerlanerani Paarisa suiaassuseq atoqatigiinnerlu pillugit isiginnittaatsit Peqqissaanermik Ilinniarfimmi ilinniartitsissutigissavaat. Inuusat atorlugit suliniutip ilaatut aamma meeqqat atuarfianni ilinniartitsisoqassaaq. Tamatuma saniatigut GUX Nuummi sammisassaqartitsisoqassaaq, Nuuk Centerimi usuup puuinik agguaasoqassaaq KNR-ikkullu paasissutissanik aallakaatitassiortoqassalluni. Sammisassaqartitsinerit assigiinngitsut inuusuttunut nutaanik ilisimasaqalersitsiinnarnatik aamma inuiaqatigiinni tamani kinguaassiuutitigut peqqissuseq pillugu ammasumik eqqartueqatigiinnissamut tunngaviliissapput.

Sapaatip akunnera SEX Inuuneritta III-mik, meeqqat inuusuttullu tamarmik inuunerinnissaannik anguniagaqarfiusumik, aallaaveqarpoq. Sapaatip akunnera kinguaassiuutitigut peqqissutsimik siuarsaaqataallunilu kinguaassiuutitigut tunillatsinnernik kissaatiginngisamillu naartulernernik pitsaaliueqataassaaq. Sapaatip akunnerani suiaassuseq atoqatigiinnerlu pillugit isiginnittaatsit isumakkut peqqissutsitsinnut qanoq pingaaruteqartigisut ukkatarineqassaaq. Paarisap neriuutigaa Sapaatip akunnera SEX atorlugu eqqumaffigineqarnerulissasoq suiaassuseq atoqatigiinnerlu pillugit isiginnittaatsit inuunerinnermik eqqartuinermi sammisassaasut pingaarutillit.

Paarisap aamma pitsaaliuinermik siunnersortit arlallit attavigai, taakkulu sinerissami assigiinngitsunik soqutiginartunik sammisassaqartitsissapput. Sammisassaqartitsinerit taakku kinguaassiuutitigut peqqissutsimik eqqartuinermik eqqarsaatersornermillu ammaassapput. Paarisap neriuutigaa Sapaatip akunnera SEX iluaqutigalugu kikkut tamarmik kinguaassiuutitigut peqqissuseq pillugu isiginnittaatsitik eqqarsaatigalugilllu paasissutissarsiussasut.

Nuummi sammisassaqartitsinerit assigiinngitsut GUX-imi inuusuttut piumassuseqarluartut, kinguaassiuutitigut peqqissutsimik siuarsaaqataarusuttut, suleqatigalugit Paarisami peqqissuseq pillugu siunnersortinit ingerlanneqassapput. Inuusuttut akuutinnerisigut avatangiisit inuusuttut sammisat paquminartut pillugit eqqartueqatigiinnissamut paasissutissarsiornissamullu toqqissisimaffigisaasa pilersinnissaannut periarfissaqalissaaq. Inuusuttut kinguaassiuutitigut peqqissutsimik siuarsaaqataasinnaasumik oqaaseqarnissamut periarfissinneqassapput. Tamanna kinguaassiuutitigut peqqissuseq pillugu ilisimasanik siammarterinissamut inuiaqatigiinnilu ileqquusut pillugit eqqartueqatigiinnernik eqqarsaatersuuteqarnissamut periarfissiilluassaaq.

Attaveqarfissaq
Paasisaqarnerujumallutit attavigiuk Paarisami Suliaqarnermik Aqutsisoq Karo Thomsen Fleischer e-mailikkut katf@nanoq.gl oqarasuaatikkulluunniit 346613