23. november 2022
Periusissiaq Killiliisa atorunnaalerpoq – sulinerli ingerlaannassaaq
Killiliisa – Kinguaassiutitigut atornerluisarneq akiorniarlugu Naalakkersuisut periusissiaat 2018 – 2022 naaleruttorpoq nalilersorneqareerlunilu. Kinguaassiutitigulli atornerluisarneq pillugu pitsaaliuinermi sulineq ingerlaannassaaq.
Kinguaassiutitigut atornerluisarneq pillugu pitsaaliuineq ataavartumik iliuusiuvoq, tamannalu ukiut tamaasa ingerlanneqassaaq. Killiliisa – Kinguaassiutitigut atornerluisarneq akiorniarlugu Naalakkersuisut periusissiaanni 2018 – 2022-mi anguniakkanik aallaaviusunik inerneqarput.
Killiliisa, 2018-imiilli saqqummiunneqarmat pilersaaruterpassuit aallartinneqarsimapput. Kinguaassiutitigut atornerluisarnerup paquminartikkunnaarnissaanut sulianik ilisimasalinnut najoqqutassialiortoqarnikuuvoq, piviusulersaarusiortoqarluni, tusarnaagassiortoqarlunilu isiginnaagassiortoqarsimavoq. Tamatuma saniatigut inuit nukittuut, namminneq oqaluttuatik atorlugit saqqummernikut, suleqatigineqarput.
“Maligassiuisutut peqataasimasunut periusissiamiillu inernernut pitsaalluinnartunut ilapittuuteqarsimasunut tamanut annertuumik qujassuteqarusuppunga,” Meeqqanut, Inuusuttunut, Ilaqutariinnut Peqqissutsimullu Naalakkersuisoq, Mimi Karlsen, taama oqarpoq.
Ukioq manna Klinik Killiliisa inunnut kinguaassiutitigut kannguttaatsuliornermik pissusilersortartunut katsorsaavik pilersinneqarpoq. Neqeroorut ajunngitsumik atorluarneqarpoq, naatsorsuutigisamiit innuttaasut amerlanerujussuit neqeroorummik ujartuillutillu atuimmata.
Kinguaassiutitigullu atornerluisarneq pitsaaliorniarlugu sulinermi pingaarutillit ilagisaat tassaapput iliuutsit paquminartitsiunnaartunik sunniutillit, tamanna Killiliisap nalilersorneqarnerani erserpoq. Tamanna tunngavigalugu Killiliisami pitsaaliuinermik suliaqaannarnermi suli paasissutissanik ilisimasanillu avitseqatigiinnernik imaqassaaq.
“Taamaammat isumaginninnermut aqutsisoqarfimmi Innuttaasunut immikkoortortaqarfiup Paarisa peqatigalugu atuakkiortoq Laila Andrésip atuakkiaa pikkunartorujussuaq “Bag smilet”, sapaatip akunnera una saqqummertussaq pillugu suleqatigilersimammassuk uannut assut nuannaarutissaavoq,“ Meeqqanut, Inuusuttunut, Ilaqutariinnut Peqqissutsimullu Naalakkersuisoq, Mimi Karlsen, taama oqarpoq.
Piviusulersaarut ”Pilluarneq Ersigiunnaarpara”, tusarnaagassiaq Killiliisa kiisalu meeqqanik kinguaassiutitigut atornerluisarnerup akiornissaa il.il. pillugit sulianik ilisimasalinnut najoqqutassiat suli uani nanineqarsinnaapput www.paarisa.gl
Attavissaq
Annertunerusumik paasisaqarusukkuit naalakkersuisup allattaa Tuperna Kristensen attavigiuk: e-mail: tukr@nanoq.gl imaluunniit tlf: +299 34 55 83.
Killiliisa, 2018-imiilli saqqummiunneqarmat pilersaaruterpassuit aallartinneqarsimapput. Kinguaassiutitigut atornerluisarnerup paquminartikkunnaarnissaanut sulianik ilisimasalinnut najoqqutassialiortoqarnikuuvoq, piviusulersaarusiortoqarluni, tusarnaagassiortoqarlunilu isiginnaagassiortoqarsimavoq. Tamatuma saniatigut inuit nukittuut, namminneq oqaluttuatik atorlugit saqqummernikut, suleqatigineqarput.
“Maligassiuisutut peqataasimasunut periusissiamiillu inernernut pitsaalluinnartunut ilapittuuteqarsimasunut tamanut annertuumik qujassuteqarusuppunga,” Meeqqanut, Inuusuttunut, Ilaqutariinnut Peqqissutsimullu Naalakkersuisoq, Mimi Karlsen, taama oqarpoq.
Ukioq manna Klinik Killiliisa inunnut kinguaassiutitigut kannguttaatsuliornermik pissusilersortartunut katsorsaavik pilersinneqarpoq. Neqeroorut ajunngitsumik atorluarneqarpoq, naatsorsuutigisamiit innuttaasut amerlanerujussuit neqeroorummik ujartuillutillu atuimmata.
Kinguaassiutitigullu atornerluisarneq pitsaaliorniarlugu sulinermi pingaarutillit ilagisaat tassaapput iliuutsit paquminartitsiunnaartunik sunniutillit, tamanna Killiliisap nalilersorneqarnerani erserpoq. Tamanna tunngavigalugu Killiliisami pitsaaliuinermik suliaqaannarnermi suli paasissutissanik ilisimasanillu avitseqatigiinnernik imaqassaaq.
“Taamaammat isumaginninnermut aqutsisoqarfimmi Innuttaasunut immikkoortortaqarfiup Paarisa peqatigalugu atuakkiortoq Laila Andrésip atuakkiaa pikkunartorujussuaq “Bag smilet”, sapaatip akunnera una saqqummertussaq pillugu suleqatigilersimammassuk uannut assut nuannaarutissaavoq,“ Meeqqanut, Inuusuttunut, Ilaqutariinnut Peqqissutsimullu Naalakkersuisoq, Mimi Karlsen, taama oqarpoq.
Piviusulersaarut ”Pilluarneq Ersigiunnaarpara”, tusarnaagassiaq Killiliisa kiisalu meeqqanik kinguaassiutitigut atornerluisarnerup akiornissaa il.il. pillugit sulianik ilisimasalinnut najoqqutassiat suli uani nanineqarsinnaapput www.paarisa.gl
Attavissaq
Annertunerusumik paasisaqarusukkuit naalakkersuisup allattaa Tuperna Kristensen attavigiuk: e-mail: tukr@nanoq.gl imaluunniit tlf: +299 34 55 83.