Nuummi peqatigiiffiit kajungissusertik naapertorlugu inunnik sullissisartut pikkorissartinneqarput

Suliniut 4-rap siunertaraa meeqqat inuusuttullu pillugit kajumissutsiminik sullissisartut sinaakkusersorneqarnerisa nukittorsaavigineqarnissaat. Taamaattumik peqatigiiffiit kajumissusertik naapertorlugu inunnik sullissisartut attaveqaataannik ataatsimiisitsisarpugut, taamaalillutik kajumissusertik naapertorlugu suliaqartartut imminnut oqaloqatigiissinnaasarput aamma misilittakkaminnik paarlaasseqatigiissinnaasarput. Ataatsimiinnerit taakkua nalaanni kajungissutsiminnik suliaqartartut siulersuisuni sulinermi, sulisussarsiornermi, kajungissaanermi aamma kajungissutsiminnik suliaqartartunik sulisorinniinnarnissamik suliaqarnerit pillugit piginnaasanik inerisaasoqarsinnaanera apeqqutiginikuuaat. Taamaattumik Suliniut 4 qulequttat taakkorpiaat pillugit Center for Frivilligt Socialt Arbejde (CFSA) suleqatigalugu pikkorissaavoq. Kajumissutsiminnik suliaqartartut peqataalluarput aamma aqqutaani apeqqarissaarput.

Peqataasut ilaatigut makkunanngaanneersuupput: Unnuarissat, Kalaallit Røde Korsiat, Red Barnet, Nanu Børn, Kræftens Bekæmpelse aamma innarluutillit peqatigiiffii.

Kajungissusetik naapertorlugu sulisut inuiaqatigiinni meeqqanut inuusuttunullu assut suliniartarput. Taamaattumik suliniut 4-rap kajumissutsiminnik suliaqartartut isumassarsiaat, ilisimasaat aamma pisariaqartitaat maluginiartarpai - suliniut 4-rap sulinerani anguniagassanik aamma tikkuussisuuseqataasarput.

Pikkorissartitsinissaq sioqqullugu suliniut 4-rap aamma CFSA-p inuit pisortat suliffeqarfiutaanni, namminersorlutik inuussutissarsiortut aamma peqatigiiffiit/suliniaqatigiiffiit arlaannaanulluunniit atanngitsut (NGO-t) inuiaqatigiinni suleqatigisartakkamik pingaarutaat pillugu angerlariartuutaa eqqartuisinneqarput – sooq tamanna pingaaruteqarpa? Tamannalu qanoq suliarineqarsinnaava?
Suliaqartartut assigiinngitsut akornanni tamanna eqqarsaatinik oqaloqatigiinnernillu pilersitsisimagunarpoq.

Aammattaaq sulisut arlallit Kalaallit Nunaanni "kajumissuseq" eqqartorneqartorneqartillugu taaguutinik erseqqissaasoqarnissaa ujartorsimavaat. Taamaattumik kommunimit, Timersoqatigiit kattuffiannit, Oqaasileriffik, Paarisa aamma suliniaqatigiiffiit arlaannaanulluunniit atanngitsuniit sinniisut tamassumarpiaap sammineqarnissaanut isumasioqatigiinnissamut aggersarneqarput. Kajumissutsimik sulisarnermut atatillugu ataatsimoorluni kalaallisut oqaatsit oqariartaatsillu pillugit itinerusumik eqqartuinissamut ataatsimiigiaqquseqqittoqarumaarpoq.