Sapaatit akunnerat 18-imut aningaasaliissutit
’Sapaatit akunnerani 18-imi’ sammisassaqartitsinissannut aningaasanik Paarisamut qinnuteqarsinnaavutit. ’Sapaatit akunnerani 18-imi’ siunertaavoq imigassartortarnermik imertariaatsimillu ukkatarisaqarnissaq, ataatsimoorfiit peqqinnartut akuutitsisullu anguniarlugit.
Paasissutissat
Innuttaasut, peqatigiiffiit, atuarfiit, pitsaaliuinermi ataatsimiititaliat kommunillu tamarmik kaammattorneqarput Sapaatit akunnerani 18-imi najukkaminni aaqqissueqqullugit, soorlu pisoqartitsinikkut imaluunniit unnuit ilaanni oqallitsitsinikkut.
Sapaatit akunnerani 18-imi sammisassaqartitsinissannut aningaasanik Paarisamut qinnuteqarsinnaanngorputit nunaqarfinnut 1000kr illoqarfinnullu 5000kr qinnutigineqarsinnaapput.
Sammisaq
Meeqqat kikkulluunniit imigassamit aalakoornartortalimmit ajoquserneqannginnissaat peqatigiilluta qulakkiissavarput
Matumuuna ukiumi matumani Sapaatit akunnera 18-ip qulequtaraa:
”Meeqqat kikkulluunniit imigassamit aalakoornartortalimmit ajoquserneqannginnissaat peqatigiilluta qulakkiissavarput”.
Meeqqat ilaqutariillu najukkaminni ataatsimoorfinnut sammisaqarfiusartunut isumaqarluartunullu akuunerat isumakkut peqqinnerulernissaannut iluaqutaasarpoq. Ataatsimoorfiit sammisassallu, kulturimik naleqartitanillu, tunngaveqartut amerlasuut inuunermi nuannaarnermut atassuteqarluinnartittarpaat. Taakku tassaasinnaapput pinngortitami ataatsimoorluni sammisaqarneq, piniaqatigiillunilu aalisaqatigiinneq, qimatulineq, pinngortitami nerisassiorneq aamma illoqarfimmit nunaqarfimmiilluunniit qimagulluni illuaqqami tupermiluunniit unnuineq.
Makkununnga tapiissuteqartoqarsinnaanngilaq
- Aningaasartuutaareersimasunut
- Angalanermut aningaasartuutinut
- Aningaasannanniutigalugu aaqqissuussinernut
- Nutaanik pisianut
- Peqatigiiffinnut il.il. Aningaasanut inatsisikkut tapiiffigineqartartunut
Qinnuteqaatit
Sapaatit akunneranut 18-imut Aningaasaateqarfik ukiumut ataasiarluni agguaassisarpoq.
Qinnuteqarnissamut killigitaasoq 7. martsi 2025 qaangiutereerpoq.
Nalunaarusiorneq
Siunissami sap. ak. 18-imut tapiissutinik pissarsissangaanni, aningaasartuutinut nalunaarusiaq tunniunneqarsimasussaapput aammattaaq allagaqaat sapaatit akunnerani sammisaqartitsisimanermut assitalimmik.
Attaveqatigiinneq taamatut uagutsinnut pingaaruteqarpoq, susoqarneranik misilittakkanillu tusarfiginissassinnik periarfissiimmat, kingornalu pitsaanerusunik aaqqissuussisinnaanermik aqqutissiuisinnaammat.
Nalunaarusiut 2. juuni nallertinnagu uunga nassiunneqassaaq: paarisa@nanoq.gl