airplanebooksbriefcase business cogs cross election entertainment fish house law lockmedicalpeopleselfservices socialtax

Ujaruk

Kinguaassiuuti­tigut peqqissuseq

Kinguaassiuutitigut peqqissuseq tassaavoq seksualitetimut tunngatillugu timikkut, misigissutsikkut inooqatigiinnikkullu imminut iluarisimaarneq. Seksualitetit inuunerit tamaat ineriartortarpoq, imminullu iluarisimaarninnut pitsaasumillu inuuneqarninnut attuumassuteqarluinnarluni.

Paarisa malinnaaf­figiuk

... peqqissuunissamillu qinersineq ajornanngitsu­mik qinersininngortiguk.

Atoqateqartar­nerit nuan­naarutigiuk - aamma imminut atoqatigisar­takkallu paarilluaruk 

Naartunaveersaatit atukkit
Kissaatiginngisamik naartulinnginniassagavit kinguaassiuutitigullu nappaateqalinnginniassagavit naartunaveersaatinik atuinissamut pisinnaatitaaffeqarnerit pitsaasumik atoqateqartarnermut pingaaruteqarpoq. Naartunaveersaatit akeqanngillat peqqinnissaqarfimmillu tunniunneqartarlutik.

Nammineq allallu killii eqqumaffigikkit
Pitsaasunik nuannersunillu atoqatigiinnermi misigisaqarnissat qulakkeerniarlugu pingaaruteqarluinnarpoq misigissutsinnik oqaasinnguinissat killissannillu maluginiaanissat. Tamatuma saniatigut atoqatigisartakkavit killissai eqqumaffiginissai pingaaruteqarpoq.


Kinguaassiuutitigut peqqissuseq tassaavoq seksualitetimut tunngatillugu timikkut, misigissutsikkut inooqatigiinnikkullu atugarissaarneq. Kinguaassiuutitigut peqqissuussagutta atoqatigiinnermut atoqateqartarnermullu tunngatillugu nuannersumik ataqqinnittumillu isiginnittaaseqartaria­qarpugut, taamatuttaaq isumannaatsunik, pinngitsaalisaaner­taqanngitsumik, immikkoortitsinertaqan­ngitsumik nakuusernertaqanngit­sumillu atoqatigiinnikkut misigisaqarnissamut periarfissaqartariaqar­pugut.

World Health Organization

Piviusoq 

Kinguaassiuutitigut peqqissuseq atoqatigiinnermut tunngaannanngilaq. Inuup naalungiarsuunerminiit utoqqalinissami tungaanut timikkut misigissutsitigullu attorneqarnissani qanilaarfigineqarnissanilu pisariaqartippai.

Inuusuttuunitsinniit inuunitta sinnera seksualiteterput inuunitsinni isumaqarluartutut pissarsiaqarluarnartutullu misigineqartariaqarpoq. Seksualiteti asanninnermik, soqutigineqarnermik qanilaarnermillu ujartuerusulissutigisarparput.


Naartunaveer­saatit 

Atoqateqarninni imminut atoqatigisannillu paarsinissat aamma kissaatiginngisamik naartulernissamut kinguaassiuutitigullu nappaateqalernissamut imminut illersornissarsi pingaaruteqarpoq.

Naartunaveersaatit akeqanngillat peqqinnissaqarfillu aqqutigalugu tunniunneqartarlutik. Peqqinnissaqarfiup naartunaveersaatinik ilinnut pitsaanerpaanik toqqaanissannut siunnersorsinnaavaatit.

Usuup-puua naartunaveersaatini kisiartaalluni kinguaassiuutitigut nappaateqalernissamut kissaatiginngisamillu naartulernissamut illersuutaasarpoq.


Atoqateqarsin­naasut ukiumikkut killissarititaat 

Atoqateqarsinnaasut ukiumikkut killissarititaat atuutilersinneqarpoq meeqqat inuusuttullu inersimasut atornerluinerannut illersorniarlugit.

Atoqateqarsinnaasut ukiumikkut killissarititaat pillaasarnermut inatsimmi allat atoqatigissappatsit qassinik ukioqartariaqarnerit pillugu aalajangersagaavoq. Nunatsinni 15-it inorlugit ukiulimmik atoqateqarneq allatigulluunniit atoqateqarneq inerteqqutaavoq.

Illersuute­qarani atoqateqarneq

Illersuuteqarnak atoqateqaruit naartulersinnaallutilluunniit kinguaassiuutitigut nappaateqalersinnaavutit. Illersuuteqarani atoqateqarneq tassaavoq naartunaveersaatinik, soorlu usuup-puuanik p-pillenilluunniit, atugaqarnani atoqateqarneq, imaluunniit usuup-puuanik sipisoorneq p-pilletornissamilluunniit puiuisimaneq.

Uani atuaruk