airplanebooksbriefcase business cogs cross election entertainment fish house law lockmedicalpeopleselfservices socialtax
Kinguaassiuutitigut peqqissuseq

Ujaruk

Seksualiteti

Seksualiteti inuit inuunerannut ilaapput. Inuunitta pitsaassusaa atugarissaarnerlu kinguaassiuutinut tunngasunut, suiaassutsimut timimullu qanimut atassuteqarput.

Paarisa malinnaaf­figiuk

... peqqissuunissamillu qinersineq ajornanngitsu­mik qinersininngortiguk.

NAMMINEQ QANOQ ILIUUSEQARSIN­NAAVUNGA 

Seksualitetimut kinguaassiutitigullu pissutsinut nuannersumik ataqqinnittumillu isiginnittaaseqaruit illit aappavillu kinguaassiuutitigut peqqissutsissinnut siuarsaassaatit.

Uani seksualitetimut kinguaassiuutinullu tunngasut assigiinngitsut ilaat nassaassaasut pillugit atuarsinnaavatit.


Piviusoq 

Sooq kimullu asannilissanerlutit nammineerlutit aalajangersinnaajuaannanngilat. Taamatuttaaq suiaassusermut sorlermut asannilissanerlutit kajungissanerlutilluunniit nammineerlutit aqunneq ajorpat.

Seksualiteti 

Nunarsuarmi peqqinnissaq pillugu suliniaqatigiiffiup WHO-p kinguaassiutinut tunngasut ima nassuiarsimavaa:

”Seksualiteti inuup kinaassusaanut akuliusimareertuuvoq. Taanna tunngaviusumik pisariaqartinneqarpoq aammalu inuttut isiginnittaaseqarnermi inuunermi isiginnittaatsinit allanit immikkoortinneqarsinnaanngilaq.

Atoqateqarnerup seksualitetilu isummamigut assiginngilaa. Qanoq inertiginerluta qanorlu inertiginnginnerluta apeqqutaanngilaq tiinganerullu silarsuaanut tunngasuinnaanani. Tamanna seksualiteti ilaaginnarsinnaavoq kisiannili taamaattariaqarnani. Seksualiteti assigiinngitsorpassuit pineqartarput. Asanninnermik, kissalaarnermik qaninniarnermillu ujartuisittarpaatigut.

Misigissutsikkut, aalanitsigut, attugaqarnikkut attorneqarnikkullu ersersinneqartarpoq. Pilerissuseqarnermut kinguaassiuutitigullu soqutiginninnermut tunngassuteqarpoq. Seksualiteti eqqarsaatitsinnut, misigissutsitsinnut, iliuutsitsinnut iliuseqaqataanermullu sunniuteqartarput, taamaaliornikkullu isumaliortaatsitsinnut timillu peqqissusaanut sunniuteqartarlutik. Peqqinnerlu inuup pisinnaatitaaffianut pingaaruteqarluinnarmat, taava aamma kinguaassiuutinut tunngasutigut peqqinnermi tunngaviusumik pisariaqartitat inuup pisinnaatitaaffianut ilaasimassapput.

Suiaaqatigiminoorneq

Suiaaqatiminoorneq isumaqarpoq suiaassuseqatiminik timikkut aamma/imaluunniit romantiskimik kajuminneq.

Suiaaqatimut kajumilluni misigisimagaanni alapernaannermut takorluuinermullu tunngasinnaavoq. Suiaaqatigisamik atoqateqarnermut takorluuisarneq nalinginnaanerpaanut ilaavoq.

Misigisimaguit suiaaqatigisannut kajumillutit immaqaluunniit suiaaqatigisannut atoqateqarsimaguit isumaqartariaqanngilaq suiaaqatinnoortuusutit immaqaluunniit suiaaqatinnoortutut taaneqarusuttutit.

Suiaassuseqatiminoortuunngitsoq

Suiaassuseqatiminoortuunnginneq isumaqarpoq timikkut misigissutsikkullu suiaassuseqatiminoortuunngitsumut kajumissuseqarneq. Amerlasuut suiaassuseqatiminoortuunngitsut "nalinginnaanerpaatut" isigisarpaat. Taamaammat seksualitetimut eqqarsaateqartartut tamarmik suiaaqatiminoortanngitsutut imminnut taarusunneq ajorput. Suiaassuseqatiminoortuunngitsut arlallit eqqarsaatersuuteqarfiginikuunngilaat "taamaattussaannartullu" imminnut isigisarlutik.

Tamanoortuuneq

Tamanoortuuneq isumaqarpoq timikkut misigissutsikkullu suiaaqatimut kajumissuseqarneq. Akulikitsumik arnat angutillu eqqarsaatigikkajuttarpaat kisiannilu suiaassutsimi kinaassutsit allat pilerissuseqarfigisinnaasarpaat. Imaanngilarli suiaaqatiminut arlalinnut ataatsikkut assigiimmillu kajumissasoq. Tamanoortuuneq aalajangersimasumik nassuiaatitaqanngilaq. Taamaammat illit nammineerlutit aalajangissavat suaassutsinut tamanoortuunerlutit immaqaluunniit tamanoortuunnginnerlutit.

Queer

Seksualitetimut tunngasariaqanngilaq, allatulli kinaassuseqartumut - inunnut tunngatillugu taaguutinut ileqqunullu - apeqqusiisartutut nassuiaataalluni. Taamaammat allakkajaaq suiaassutsit, seksualitetimut aamma/imaluunniit inooriaatsit avaqqullugit kinaasusseqarnerartarpoq. Taamaammat iluamik oqartoqarsinnaanngilaq queer suiaassutsimut sorlermut kajuminnersoq.

Atuarsinnaasatit allat

Kinguaassiuutitigut peqqissuseq

Kinguaassiuutitigut peqqissuseq tassaavoq seksualitetimut tunngatillugu timikkut, misigissutsikkut inooqatigiinnikkullu imminut iluarisimaarneq. Seksualitetit inuunerit tamaat ineriartortarpoq, imminullu iluarisimaarninnut pitsaasumillu inuuneqarninnut attuumassuteqarluinnarluni.

Uani atuaruk
Qarasaasianni paasissutissat ilaat atoqqissinnaajumallugit quppernermi matumani cookie't atorneqartarput.Akueriuk annertunerusumilluunniit uani paasisaqarit.