Kinguaassiuutitigut peqqissuseq tassaavoq seksualitetimut tunngatillugu timikkut, misigissutsikkut inooqatigiinnikkullu imminut iluarisimaarneq. Seksualitetit inuunerit tamaat ineriartortarpoq, imminullu iluarisimaarninnut pitsaasumillu inuuneqarninnut attuumassuteqarluinnarluni.
Paarisa malinnaaffigiuk
... peqqissuunissamillu qinersineq ajornanngitsumik qinersininngortiguk.
Naartunaveersaatit atukkit
Kissaatiginngisamik naartulinnginniassagavit kinguaassiuutitigullu nappaateqalinnginniassagavit naartunaveersaatinik atuinissamut pisinnaatitaaffeqarnerit pitsaasumik atoqateqartarnermut pingaaruteqarpoq. Naartunaveersaatit akeqanngillat peqqinnissaqarfimmillu tunniunneqartarlutik.
Nammineq allallu killii eqqumaffigikkit
Pitsaasunik nuannersunillu atoqatigiinnermi misigisaqarnissat qulakkeerniarlugu pingaaruteqarluinnarpoq misigissutsinnik oqaasinnguinissat killissannillu maluginiaanissat. Tamatuma saniatigut atoqatigisartakkavit killissai eqqumaffiginissai pingaaruteqarpoq.
Kinguaassiuutitigut peqqissuseq tassaavoq seksualitetimut tunngatillugu timikkut, misigissutsikkut inooqatigiinnikkullu atugarissaarneq. Kinguaassiuutitigut peqqissuussagutta atoqatigiinnermut atoqateqartarnermullu tunngatillugu nuannersumik ataqqinnittumillu isiginnittaaseqartariaqarpugut, taamatuttaaq isumannaatsunik, pinngitsaalisaanertaqanngitsumik, immikkoortitsinertaqanngitsumik nakuusernertaqanngitsumillu atoqatigiinnikkut misigisaqarnissamut periarfissaqartariaqarpugut.
Kinguaassiuutitigut peqqissuseq atoqatigiinnermut tunngaannanngilaq. Inuup naalungiarsuunerminiit utoqqalinissami tungaanut timikkut misigissutsitigullu attorneqarnissani qanilaarfigineqarnissanilu pisariaqartippai.
Inuusuttuunitsinniit inuunitta sinnera seksualiteterput inuunitsinni isumaqarluartutut pissarsiaqarluarnartutullu misigineqartariaqarpoq. Seksualiteti asanninnermik, soqutigineqarnermik qanilaarnermillu ujartuerusulissutigisarparput.
Atoqateqarninni imminut atoqatigisannillu paarsinissat aamma kissaatiginngisamik naartulernissamut kinguaassiuutitigullu nappaateqalernissamut imminut illersornissarsi pingaaruteqarpoq.
Naartunaveersaatit akeqanngillat peqqinnissaqarfillu aqqutigalugu tunniunneqartarlutik. Peqqinnissaqarfiup naartunaveersaatinik ilinnut pitsaanerpaanik toqqaanissannut siunnersorsinnaavaatit.
Usuup-puua naartunaveersaatini kisiartaalluni kinguaassiuutitigut nappaateqalernissamut kissaatiginngisamillu naartulernissamut illersuutaasarpoq.
Atoqateqarsinnaasut ukiumikkut killissarititaat atuutilersinneqarpoq meeqqat inuusuttullu inersimasut atornerluinerannut illersorniarlugit.
Atoqateqarsinnaasut ukiumikkut killissarititaat pillaasarnermut inatsimmi allat atoqatigissappatsit qassinik ukioqartariaqarnerit pillugu aalajangersagaavoq. Nunatsinni 15-ileereersimagaanni 15-it inorlugit ukiulimmik atoqateqarneq inerteqqutaavoq.
Atuarsinnaasatit allat
Seksualiteti
Seksualiteti inuit inuunerannut ilaapput. Inuunitta pitsaassusaa atugarissaarnerlu kinguaassiuutinut tunngasunut, suiaassutsimut timimullu qanimut atassuteqarput.
Uani atuarukIllersuuteqarani atoqateqarneq
Illersuuteqarnak atoqateqaruit naartulersinnaallutilluunniit kinguaassiuutitigut nappaateqalersinnaavutit. Illersuuteqarani atoqateqarneq tassaavoq naartunaveersaatinik, soorlu usuup-puuanik p-pillenilluunniit, atugaqarnani atoqateqarneq, imaluunniit usuup-puuanik sipisoorneq p-pilletornissamilluunniit puiuisimaneq.
Uani atuarukPeqqinneq atoqatigiinnerlu Podcast
Atoqatigiinneq peqqinnartoq, naartunaveersaatit kinguaassiuutitigullu nappaatit pillugit podcastit.
Uani atuaruk