airplanebooksbriefcase business cogs cross election entertainment fish house law lockmedicalpeopleselfservices socialtax

Ujaruk

Kinguaassiuu­titigut innarliinerit

Kinguaassiuutitigut innarliinerit tassaapput iliuutsit kinguaassiuutinut tunngasut inuup killissaanik qaangiisut.

TUSAANNGA

Ajornartorsiutit nammineq aaqqissinnaanngitsutut misigisatit pillugit oqaloqateqarnissamik pisariaqartitsiguit Tusaannga attavigiuaannarsinnaavat.

SMS

1899

80 11 80

80 11 80

Ikiorneqarit 

Kialuunniit kinguaassiuutitigut innarleqqusaanngilaatit. Kinguaassiuutitigut innarliinerit politiinut nalunaarutigineqassapput.

Meeqqanik inuusuttunilluunniit kinguaassiuutitigut innarligaasimasumik nalunngisaqarpit?
Kinguaassiuutitigut innarligaasoqarsimaneranik pasitsaassaqaruit ilisimasaqaruilluunniit kommunimut, politiinut peqqinnissaqarfimmulluunniit nalunaartussaatitaavutit.

Kinguaassiuutitigut innarlerneqarnikuuit?
Qanoq iliussanerlutit nalornissutigigukku Tusaannga-mi ikiorneqartuaannarsinnaavutit.

Sianerit: 80 11 80 Allagit: 1899


Kissaatigigaluarpara taamanikkut ajornartorsiut inuiaqatigiinni paasisaqarnartumik oqallisigineqartarsimassasoq. Taamaalillungami uanga eqqunngitsumik pineqarsimanera paasisimasinnaassagaluarakku. Ajoraluartumik pisoq assut kanngusuutigilerpara inuuninnilu isertugaatima annerpaartarilerpaat.

Henrik, meeraalluni innarlerneqartoq

Piviusoq 

Inuiaqatigiinni atugarissaartuni atugarliortunilu kinguaassiuutitigut innarliisoqarsinnaasarpoq.

Kinguaassiuutitigut innarliisarnerit pitsaaliornissaat tamatta ataatsimut akisussaaffigaarput.

Nalunaarute­qarneq suua? 

Meeqqamik 18-it inorlugit ukiulimmik isumakuluuteqarneq pillugu kommunimut saaffiginninneq nalunaaruteqarneruvoq.

Qaqugukkut nalunaartoqassava?

Assersuutigalugu uku isumakuluutitigaanni:

  • Meeraq kinguaassiuutitigut innarlerneqarsimasoralugu
  • Meeraq annersarneqartartoq
  • Meeraq paarinerlutaasoq

Nalunaarut sunik imaqassava?
Takusatit, tusakkatit maluginiakkatillu erseqqissumik allaaserikkit. Aamma meeqqap atugaanut tunngasunik paasissutissiisinnaavutit.
Tamatuma saniatigut meeraq qanoq nalunnginnerlugu allaaserisinnaavat. Meeraq angajoqqaajusullu pillugit paasissutissiineq pitsaassaaq (soorlu atii, ukiui najugaallu).

Nalunaarut sumut nassiunneqassava?
Kommunimut nalunaaruteqarsinnaavutit oqarasuaatikkut, ilisimasatit ornigullutit oqaluttuarisinnaavatit, imaluunniit illoqarfigisanni/nunaqarfigisanni kommunimut isumaginnittoqarfimmulluunniit e-mailikkut allassinnaallutilluunniit allakkiorsinnaavutit. Nalunaaruteqarnermi kinaassutsit isertuussinnaavat.

MIO-p nittartagaani attaveqarnissamut paasissutissat takukkit.

Nalunaaruteqarnissaq sooq pingaaruteqarpa?
Meeraq isumaalugigukku nalunaaruteqarnissat pingaaruteqarpoq. Kommuni taamaalilluni meeqqap atugarissaarnerulernissaanut ikiuinissamut periarfissaqalissaaq.

Kinguaassiuuti­tigut peqqissuseq

Kinguaassiuutitigut peqqissuseq tassaavoq seksualitetimut tunngatillugu timikkut, misigissutsikkut inooqatigiinnikkullu imminut iluarisimaarneq. Seksualitetit inuunerit tamaat ineriartortarpoq, imminullu iluarisimaarninnut pitsaasumillu inuuneqarninnut attuumassuteqarluinnarluni.

Uani atuaruk