Atuarsinnaasatit allat
Nuna tamakkerlugu IGASA-p 1. novembari 2024-mi ulluanut peqataagit
Akullerni atuartuni ilinniartitsisuuvit aamma atuartitatit ullormi ataatsimi nuannersumik isumassarsinartumillu iganermik, ataatsimoornermik meeqqallu pisinnaatitaaffiinik sammisaqartinneranni peqataarusullutit? Atuartuutivit 1. novembari IGASA 2024-mut peqataanissaannut allatsikkit.Meeqqat isumassarsiorfiulluartussamut nuannersunik sammisassarpassualimmut kiisalu meeqqat pisinnaatitaaffiinut ataatsimoornissamullu qilanaarutissaqarluarput
Kikkut aallartitsisuuppat?
IGASA Paarisamit aamma Kalaallit Nunaanni UNICEF-imit inerisarneqarnikuuvoq.
IGASA Royal Greenland, Pisiffik, Brugseni aamma Pilersuisoq, IGASA 2023-mut nioqqutissanik suliarineqanngitsunik tamanik aningaasaliisuusut suleqatigalugit pissaaq.
IGASA tassaavoq Naalakkersuisut pitsaasumik meeraaneq pillugu 2020-2030-imi suleqatigiinnissamik periusissiaata, Inuuneritta II-p ataani Kattulluta Inuunerittap, suliniaqatigiiffimmik suleqateqarluni sammineqartitsisarnera.
IGASA-mut peqataagussi, suut pissarsiarissavisigit?
IGASA-mut peqataaniarluni nalunaarussi, tigussavasi tulliuttut:
• Atuagassiaq ilitsersuut ilnniartitsisup atugassaa, atuartunut IGASA-mik pikkorissartitsineqarnissaanut alloriarnikkaartumik ilitsersuutinik ilaqartoq
• Atortussat IGASA-mik ingerlatsinermi atugassat, matumani iganermut ilitsersuut atuagaq AALISA-IGASA-NERISA aamma nerisaqarnermut innersuussutit qulit pillugit atortussat
• IGASA-p pikkorissartitsinissaanut nioqqutissanik suliarineqanngitsunik pisiniarnissamut pisissutissaq, Royal Greenlandimit, Brugsenimit, Pilersuisumit aamma Pisiffimmit aningaasalersorneqartoq
Atuaqatigiit ilinniartitsisuata IGASA-p ulluata piviusunngortinneqarnissaa akisussaaffigaa.Atuaqatigiit qulinit amerlaneruppata ilinniartitsisut arlallit IGASA-mik ingerlatseqataassanersut nammineq aalajangerumaarparsi. IGASA-mik ulloqartitsineq piareerpat ilinniartitsisup nalilersuinermut immersugassaq emailikkut nassiunneqartussaq immersussavaa. Atuartut inimik igaffissaqarnissaat iganerminnilu atortussaat atuarfiup nammineq isumagissavai.
IGASA-p siunertaa
IGASA 2024-p siunertaa tassaavoq, meeqqat akullerni atuartut nuannersumik ilikkagaqarfiusumillu ulloqartinnissaat. Ullormi tassani nerisassiornermik, nerisassanik aamma nerisarnerit peqqissutsimut, inuttut atukkanut ataatsimooqatigiinnerullu sunniutigisartagaannik ilinniartissapput.
Meeqqat IGASA-mut peqaanikuusut, misigisaqassapput makkuninnga:
• Ataatsimooqatigiinnut peqqissunut akuutitsisunullu ilaasimallutik
• Nerisassiorneq, nerisassat aamma nerisarnerit inuttut atukkanut, ataatsimooqatigiinnermut peqqissutsimullu sunniuteqartartut
• Nerisassiornermi aallussisumik peqataanissamut kajumissuseqalerneq
• Aalisakkanik naatitanillu nerisassiorsinnaallutik tamannalu nuannersuusoq illigusutsitsisartorlu
• Meeqqat tamarmik suugaluartumik iliuuseqarsinnaasut aamma meeqqat tamarmik pisinnaatitaaffeqartut
Peqataaniarluni nalunaarneq
Peqataaniarluni ulloq nalunaarfissaq kingulleq tassaavoq 1. maaji 2024
Qarasaasiakkut nalunaarfissaq uunga iserlutit immersoruk:
IGASA 2024-imut peqataanissamut nalunaarfissaq.
Apeqqutissaqarpit?
Apeqqutissaqarussi Paarisa attavigisinnaavarsi uunga allallusi: paarisa@nanoq.gl