airplanebooksbriefcase business cogs cross election entertainment fish house law lockmedicalpeopleselfservices socialtax

Ujaruk

Kattulluta inuuneritta

Kattulluta inuuneritta – Sammen om det gode liv Paarisap, Brugsenip, Pilersuisup aamma Pisiffiup peqatigiilluni suleqatigiinnerat. Inuussutissanik peqqinnartunik tunisaqarnerulernikkut peqqinnerup atugarissaarnerullu siuarsarnissaa suleqatigiissutigaarput.

Paarisa malinnaaf­figiuk

... peqqissuunissamillu qinersineq ajornanngitsu­mik qinersininngortiguk.

Niuerniaraangavit ilisarnaat maliguk  

Kattulluta inuunerittap ilisarnaataata neqeroorutinut quppersakkani pisiniarfinnilu nioqqutissanut peqqinnartunut aqqutissiussavaatit. Ilisarnaat malikkukku pisiniarnermi peqqinnartumik toqqaanissaq ajornannginnerulersissavaa. 

Kattulluta inuunerittap ilisarnaatigaa niuerniarnermi koori nioqqutissanik peqqinnartunik imalik allassimallunilu: Kattulluta inuuneritta – Sammen om det gode liv. 



Ajornartorsiutit pisariusut soorlu innuttaasut peqqissusaannik siuarsaaniarneq, suliaqartumit ataatsimit taamaallaat aaqqinneqarsinnaannginnera, suliassaqarfiilli akornanni siammasissumik suleqatigiittoqartariaqarnera, peqatigiilluni suleqatigiinnermi aallaaviuvoq. Peqqinnartumik aalajangiinerup ajornanngitsuunissaa toqqagassaqqissuunissaalu, tassuunakkullu inuunerissaarnermik siuarsaaneq ataatsimoorutissavarput.

Paarisa

Piviusoq 

Paarisa, Brugseni, Pilersuisoq aamma Pisiffik peqatigiilluni suleqatigiinneq Kattulluta inuuneritta – Sammen om det gode liv ataatsimoorfigaat. 

Peqatigiilluni suleqatigiinneq 2030-p tungaanut ingerlassaaq Naalagaaffiillu Peqatigiit nunarsuarmi anguniagaat pingaartumik anguniagaq 3: Peqqissuseq  
Atugarissaarnerlu aamma nunarsuarmi anguniagaq 17: Suleqatigiinnikkut Anguniagaqarneq, aallaavigineqarlutik.

Nioqqutissanik peqqinnartunik tunisaqarnerup annertusarnissaa ataatsimoorluta sulissutigaarput. Taamaaliorpugut nerisagut imikkagullu nerisassanullu tunngatillugit ataatsimoorneq peqqinnissatsinnut atugarissaarnitsinnullu isumalerujussuummata.  

Suliniutit aallartitagut peqatigiilluni suleqatigiinnermi uuttortartassavagut. Iliuutsitta ilumut iluaqutaanissaa qulakkeerniarlugu taamaaliorpugut. Ukiut tamaasa taamaammat innuttaasut peqqissusaannik inuunerannillu siuarsaaqataasunik anguniakkanik aalajangersimasunik uuttortarneqarsinnaasunillu toqqaasassaagut.

 

 

Takorluugaq sulissutigisarlu

Peqatigiilluni suleqatigiinnermi takorluugaq:
Siunissaq peqqinnerusoq atugarissaarfiunerusorlu, pingaartumik kinguaariinnut maanna peroriartortunut

Peqatigiilluni suleqatigiinnitsinni:
• Peqqinnartumik ileqqoqarnissaq pillugu ilisimasanik isumassarsiorfissanillu innuttaasunut siammarterineq
• Toqqagassaq peqqinnartoq oqinnerusumik pissusissamisoortumillu toqqagassanngortinnissaa Nerisaqarnermullu innersuussutinik qulinik atuisut amerlinissaat
• Peqqinnartumik nerisaqarnerup naleqquttumillu imigassartortarnerup siuarsarneqarnissaa

Anguniagaq

Peqatigiilluni Suleqatigiinneq 2020-2030-mi tamakkiisumik anguniakkat:
• Nioqqutissani peqqinnartut nioqqutigineqartut amerlanerpaanngornissaat

2022-mi anguniakkat:
• Paarnanik naatitanillu qerisunik tuniniaanerup siuarsarnissaa

2023-mi anguniakkat:
• Paarnanik naatitanillu qerisunik tunisinerup annertusarneqarnissaanik 2022-mi anguniakkap nangeqqinneqarnissaa
• Paarnanik naatitanillu nutaanik tunisinerup annertusinissaa
• Nioqqutissanik matuersaaserfimmik ilisarnaatillit tunisinerup annertusinissaa
• Top 15-t allattorsimaffianni nioqqutissat peqqinnartut amerlinissaat
• Peqatigiilluni suleqatigiinneq suleqatigiinnerullu ilisarnaataa pillugu ilisimasat annertusinissaat Ilisarnaat pillugu qanorlu isumaqarneranik ilisimannittut 75 %-inngornissaat siunertaavoq.

Peqatigiilluni suleqatigiinnermi inernit

• 2022-mi paarnanik naatitanillu qerisunik tunisaqarnerup 5%-imik qaffariaateqarnera
• 2022-mi atuisartunik misissuinermi atuisartut 38%-ii oqarput peqatigiilluni suleqatigiinnermut ilisarnaat takusimallugu qanorlu isumaqarnera ilisimallugu
• Atuisartut 30 %-ii akipput ilisarnaatip pisiniarfimmi pisiniarnerannut sunniuteqarsimasut peqqinnartunik, naatitanik niuerniarnermilu ileqqut eqqarsaatiginissaannut piumassuseqalersitsisumik (2022)

Ukiumoortumik nalunaarusiaq 2022 uani atuarsinnaavat.


Atuarsinnaasatit allat

Nerisaqarneq

Nerisassat peqqinnartut assigiinngissitaartuupput sivisuumillu qaarsilaartitsisarlutik. Peqqinnartunik nerisaqaruit timivit sapinngisamik pitsaanerpaamik ingerlalluarnissaa ilimanarnerussaaq, taamaalillutillu ulloq naallugu nukissaqarluassallutillu peqqissuussaatit.

Uani atuaruk

65-it sinnerlugit ukiullit nerisassaat

Nerisassat peqqinnartut tassaapput allanngortut oqimaaqatigiissullu. Utoqqartut peqqinnartunik allanngortartunillu nerisaruit tamatumalu saniatigut ulluinnarni timik aalatittarukku peqqissuunissannut, aalassarissuunissannut ulluinnarnilu isumagisassanik suliaqarsinnaanissannut periarfissagissaarnerpaassaatit.

Uani atuaruk

Naartusut milutsitsisul­luunniit neri­sartagassaat

Naartunerup milutsitsinerullu nalaani peqqinnartunik nerisaqartarneq pitsaanerpaamik atugaqarluni pitsaasumik naartunissamik meeqqavillu inuunerminik pitsaanerpaamik aallartitsinissaanik qulakkeerinneqataasinnaavoq.

Uani atuaruk

Oqinneruler­nissaq pillugu siunnersuutit

Iluatsittumik oqinnerulerusukkuit peqqinnartunik nerisaqassaatit, nerisarnermut tunngatillugu isumatusaassaatit akulikitsumillu timersortarlutit. Oqinnerulerusukkuit timivit arrortissinnaasaanit annikinnerusumik nerissaatit. Oqimaappallaarneq ataatsimut isigalugu tassaavoq timimik aalatitsinerminngarnit annerusumik nerisarneq.

Uani atuaruk

Naalungissat meeqqallu mikisut nerisassaat

Naalungissap inuussutissanik pisarnera alliartorneranut, ilorrisimaarneranut peqqissusaanullu pingaaruteqarluinnarpoq. Naalungissat meeqqallu mikisut pitsaanerpaamik inuunertik aallartissinnaaniassammassuk inuussutissanik tunisarnissaannut kaammattuutit malinnissaat pingaaruteqarpoq.

Uani atuaruk

Peqqinnartumik nereriaaseqarneq

Peqqinnartumik nereriaaseqarneq tassaavoq timip kalerrisaarutaanut tusarnaarnermik ilinniarneq. Qaqugu nerissanersugut qanorlu neritigissanersugut timip oqaluttuuttarpaatigut.

Uani atuaruk