airplanebooksbriefcase business cogs cross election entertainment fish house law lockmedicalpeopleselfservices socialtax

Ujaruk

65-it sinnerlugit ukiullit nerisassaat

Nerisassat peqqinnartut tassaapput allanngortut oqimaaqatigiissullu. Utoqqartut peqqinnartunik allanngortartunillu nerisaruit tamatumalu saniatigut ulluinnarni timik aalatittarukku peqqissuunissannut, aalassarissuunissannut ulluinnarnilu isumagisassanik suliaqarsinnaanissannut periarfissagissaarnerpaassaatit.

Paarisa malinnaaf­figiuk

... peqqissuunissamillu qinersineq ajornanngitsu­mik qinersininngortiguk.

Nerisaqarner­mut innersuussutit qulit malikkit - aamma utoqqaliguit 

Peqqinnartunik allanngortartunillu nerisarit nerisaqarnermullu innersuussutit qulit malillugit. Naammattunik proteininik, D-vitamininik, calciumimik imerpalasunillu pissarsilluartarnissat utoqqartut immikkut eqqumaffigissavat.


Nutaanik anguniagaqarnissamut imaluunniit nutaanik takorluugaqalernissamut utoqqalivallaartoqar­sinnaanngilaq.

C.S. Lewis

Piviusoq 

Peqqinnartunik allanngorartunillu nerinikkut timi pisariaqartitaminik vitamininik, mineralinik inuussutissanillu pissarsisarpoq. Taamaalillutit peqqinnerulissallutillu saarngitit nukitillu nukittussapput. Nukittuunik saaneqarneq nukeqarnerlu aamma peqqissuuneq illit utoqqartut ulluinnarni isumagisassanik suliaqartuarsinnaaninnut pingaaruteqarput.

Nukissat – qanoq neritigissavit 

Ukioqqortusiartornermi nukissanik pisariaqartitsineq annikilliartortarpoq. Tassa utoqqaliguit nerinikinnerulissaatit. Kisianni naammattunik vitamininik mineralinillu pissarsinissat suli isumagissavat. Taamaaliussaatit peqqinnartunik nerillutit qaarsillartarnikkut Nerisaqarnermullu innersuussutinik qulinik maleruaanikkut.

Utoqqartut immikkut kaammattuutit 

Nukittussutsit attatiinnaruk – proteinitorluartarit
Utoqqartut proteini pisariaqartinnerulertarpat. Taamaattumik kaammattuutigineqarpoq proteineqarluartunik tamatigut nerisassasutit. Taamaalillutit timivit pisariaqartitai ajornannginnerpaamik matussusissavatit. Nerpik, neqi, mannik, eertaasat immummillu nioqqutissiat proteineqarluartutut assersuutigineqarsinnaapput.

Proteinitortarnerit nukittujuarnissannut pingaaruteqarpoq.

Saarnitit mattusuutikkit – D-vitaminimik kalkimillu pissarsilluartarnikkut
Kaammattuutigineqarpoq utoqqaat 65-it sinnerlugit ukiullit ullut tamaasa D-vitaminimik taperneqartarnissaat.
Kaammattuutigineqarpoq 70-it sinnerlugit ukiullit ullut tamaasa D-vitaminimik aamma calciumimik (kalkimik) taperneqartarnissaat.

D-vitamin aamma kalk saarngit mattutinnissaannut nukittujuarnissamullu pingaaruteqarput.

Panertoornaveersaarlutillu uissanngunaveersaarit – imerluartarit!
Utoqqartut panertoorumanak uissanngulerumanallu imerluartarnissat isumagissavat. Ullormut 1½ liiteri miss. imertariaqarpat.

Imermik imertarit. Kaffe aamma te iluaqutaasinnaapput.


Nerineq nuannersoq 

Utoqqaat ilaat nererusuppallaarunnaartarlutillu nererusukkunnaartarput. Nererusussuseqalerumallutit nerinerlu nuannaarutiginerulerumallugu:

  • Kusanartumik nerriviliorsinnaavutit – nerrivik qalilerlugu, saviatsimik naneruummillu kusassaruk, aamma kisimiillutit nerisussaagaluarlutit. Nuannersunik avatangiiseqarneq nererusunnerulersitsisarpoq.
  • Malugisaatitit tamaasa atorluarsinnaavatit – tunngaviusumik mamassutsit, issorsimassutsit qalipaatillu assigiinngitsut atorlugit nerisassat allanngortartittakkit. Tamanna nerisassanik mamarunarnerulersitsisarpoq.
  • Allat nereqatigisinnaavatit – nereqatigiinnernut ilaasarit imaluunniit ilaquttatit, ikinngutigilluakkat sanililluunniit aalajangersimasumik nereqatigiittarnissamik isumaqatigiissuteqarfigalugu. Allat nereqatiginerat nerinermik nuannernerulersitsisarpoq.

Nerisaqarneq

Nerisassat peqqinnartut assigiinngissitaartuupput sivisuumillu qaalersisimatitsisarlutik. Peqqinnartunik nerisaqaruit timivit sapinngisamik pitsaanerpaamik ingerlalluarnissaa ilimanarnerussaaq, taamaalillutillu ulloq naallugu nukissaqarluassallutillu peqqissuussaatit.

Uani atuaruk

Naartusut milutsitsisul­luunniit neri­sartagassaat

Naartunerup milutsitsinerullu nalaani peqqinnartunik nerisaqartarneq pitsaanerpaamik atugaqarluni pitsaasumik naartunissamik meeqqavillu inuunerminik pitsaanerpaamik aallartitsinissaanik qulakkeerinneqataasinnaavoq.

Uani atuaruk

Oqinneruler­nissaq pillugu siunnersuutit

Iluatsittumik oqinnerulerusukkuit peqqinnartunik nerisaqassaatit, nerisarnermut tunngatillugu isumatusaassaatit akulikitsumillu timersortarlutit. Oqinnerulerusukkuit timivit arrortissinnaasaanit annikinnerusumik nerissaatit. Oqimaappallaarneq ataatsimut isigalugu tassaavoq timimik aalatitsinerminngarnit annerusumik nerisarneq.

Uani atuaruk

Naalungissat meeqqallu mikisut nerisassaat

Naalungissap inuussutissanik pisarnera alliartorneranut, ilorrisimaarneranut peqqissusaanullu pingaaruteqarluinnarpoq. Naalungissat meeqqallu mikisut pitsaanerpaamik inuunertik aallartissinnaaniassammassuk inuussutissanik tunisarnissaannut kaammattuutit malinnissaat pingaaruteqarpoq.

Uani atuaruk