airplanebooksbriefcase business cogs cross election entertainment fish house law lockmedicalpeopleselfservices socialtax

Ujaruk

Peqqinnartumik nereriaaseqarneq

Peqqinnartumik nereriaaseqarneq tassaavoq timip kalerrisaarutaanut tusarnaarnermik ilinniarneq. Qaqugu nerissanersugut qanorlu neritigissanersugut timip oqaluttuuttarpaatigut.

Paarisa malinnaaf­figiuk

... peqqissuunissamillu qinersineq ajornanngitsu­mik qinersininngortiguk.

NAMMINEQ QANOQ ILIUUSEQARSIN­NAAVUNGA 

Meeqqatit peqqinnartumik nereriaaseqarnissaannut ilinniartikkit 
Meeqqavit peqqinnartunik nerisaqarnissaat eqqarsaatigalugu meeqqavit timimi pisariaqartitaannik tusarnaarnissaannut pisariaqartitaasalu ilinniarnissaannut angajoqqaatut ilinniartissinnaavatit.

Meeqqat ilagalugu apeqqutit uaniittut akikkit qanorlu nereriaaseqarnersoq takullugu.

Piviusoq 

Timi tupinnartuliaavoq!

Qaqugukkut nerisassanik pisariaqartitsisarnersugut qaqugukkullu naammatsittarnersugut timip oqaluttuuttarpaatigut.

Taamaaliortarpoq kaannermik qaarsillannermillu kalerrisaarinikkut.

Qanoq neritiginissatsinnut tunngatillugu mamarsarnikkullu timip oqaluttuuttarpaatigut. Ima isumaqarpoq timi pisariaqartitsiunnaaraangat nerisassat qanoq mamartiginerinik annikillisitsisarpoq. Nerisassanut tamanut atuuppoq – aamma naatsiiat panertunut mamakujuttunullu.

Taamaasilluni timip oqaluttuuttarpaatigut qaqugukkut naammatsittarnersugut qaqugukkullu neriunnaassanersugut.

Timip tusarnaarneratigut timillu pisariaqartitai malillugit nerisarnikut allanngorartunik oqimaaqatigiissumillu nerisoqartarpoq taamaaliornikkullu nerivallaarnissaq pinngitsoorneqartarluni.

Timi tusarnaaruk

Eqqortumik apeqquteqartarnikkut meeqqavit timiminnik tusarnaarsinnaalernissaannut ilinniartissavatit.

Taamaaliornikkut qanoq neritigissanerlutik iluartumillu qaarsillakkunik neriunnaarnissartik ilikkassavaat.

Nerilinnginnermi apeqqutigisinnaasatit:
- Massakkut qanoq neritigisinnaasorivit?
- Naavit iluani, suaasat qanoq annertutigisut inissaqarsorivigit?
- Kisitsisitalerlugu 1-imiit 10-mut qanoq kaatsigivit?

Nerereernerup kingorna apeqqutigisinnaasatit:
- Kisitsisitalerlugu 1-imiit 10-mut qanoq qaarsillatsigivit?
- Neriunnaartinnak maluginiarsinnaaviuk qaarsillalluarsimanersutit immaqaluunniit nereqqilaarsinnaanersutit?
- Takusinnaavara massakkut arriinnerusumik nerisutit. Qaarsillassimasutut misigisimaguit nerisatit nungunngikkaluarukkit ajunngilluinnarpoq.
- Qaarsillannerit qanoq malugisarpiuk?

Ilorrisimaarnerit malugiuk

Meeqqatit ilitsersuussinnaavatit nerisassat annertussusaat apeqqutaatinnagit qaarsillannermi neriunnaarnikkut kaannermilu nerinikkut ilorrisimaartoqartartoq.

Meeqqatit peqatigalugit misilillugu nerinerunikkut nerisassat qanoq mamaarukkaluttuinnartigisarnerannik maluginiaagitsi:
- Qaqugukkut nererusussuseq annerpaaffissaminiittarpa? Kaakkaangavit immaqaluunniit qaarsillaqqagaangavit?
- Kiisinermi sorleq mamarnerpaasarpa? Siulleq immaqaluunniit kingulleq?
- Tulliani mamakujuttutulerussi maluginiarsiuk mamakujuttut siulliit qanoq mamartiginersut mamakujuttutornerulernermilu mamarsarneq qanoq innersoq maluginiarlugu.
- Qaqugukkut mamarsarneq appariartulerpa?
- Mamarsarneq apparaangat neriinnarusussuseq susarpa?

Nammineq nerisatit nakkutigikkit

Nerinermi meeqqavit qanoq neritiginerannut akuliunnaveersaarit.

Qanoq neritiginissaminnik maluginnissinnaanerat tatigiuk. Taamaaliorsinnaavutit akisussaaffimmik agguaanikkut:

Angajoqqaatut aalajangertassavarsi:
- Suna sassaalliutigineqassanersoq
- Qaqugukkut sassaalliutigineqassanersoq
- Sumi sassaalliutigineqarnersoq
- Nerrivimmiinnermi nuannisarnissaq ilorrisimaarnissarlu pingaartikkit.

Meeqqassi aalajangissavaat:
- Sassaalliutigineqartuni suut nerissanerlugit
- Qanoq annertutigisumik nerissanerlutik
- Nerisassat puuguttamiittut qanoq tulleriiaarlugit nerissanerlugit


Atuarsinnaasatit allat

Nerisaqarneq

Nerisassat peqqinnartut assigiinngissitaartuupput sivisuumillu qaarsilaartitsisarlutik. Peqqinnartunik nerisaqaruit timivit sapinngisamik pitsaanerpaamik ingerlalluarnissaa ilimanarnerussaaq, taamaalillutillu ulloq naallugu nukissaqarluassallutillu peqqissuussaatit.

Uani atuaruk

65-it sinnerlugit ukiullit nerisassaat

Nerisassat peqqinnartut tassaapput allanngortut oqimaaqatigiissullu. Utoqqartut peqqinnartunik allanngortartunillu nerisaruit tamatumalu saniatigut ulluinnarni timik aalatittarukku peqqissuunissannut, aalassarissuunissannut ulluinnarnilu isumagisassanik suliaqarsinnaanissannut periarfissagissaarnerpaassaatit.

Uani atuaruk

Naartusut milutsitsisul­luunniit neri­sartagassaat

Naartunerup milutsitsinerullu nalaani peqqinnartunik nerisaqartarneq pitsaanerpaamik atugaqarluni pitsaasumik naartunissamik meeqqavillu inuunerminik pitsaanerpaamik aallartitsinissaanik qulakkeerinneqataasinnaavoq.

Uani atuaruk

Oqinneruler­nissaq pillugu siunnersuutit

Iluatsittumik oqinnerulerusukkuit peqqinnartunik nerisaqassaatit, nerisarnermut tunngatillugu isumatusaassaatit akulikitsumillu timersortarlutit. Oqinnerulerusukkuit timivit arrortissinnaasaanit annikinnerusumik nerissaatit. Oqimaappallaarneq ataatsimut isigalugu tassaavoq timimik aalatitsinerminngarnit annerusumik nerisarneq.

Uani atuaruk

Naalungissat meeqqallu mikisut nerisassaat

Naalungissap inuussutissanik pisarnera alliartorneranut, ilorrisimaarneranut peqqissusaanullu pingaaruteqarluinnarpoq. Naalungissat meeqqallu mikisut pitsaanerpaamik inuunertik aallartissinnaaniassammassuk inuussutissanik tunisarnissaannut kaammattuutit malinnissaat pingaaruteqarpoq.

Uani atuaruk