Atuarsinnaasatit allat
Unnukkorsiorneq ilaqutariittut ataatsimoorfigisarsiuk. Sapaatip akunnerata ataatsip ingerlanerani nerisassanut pilersaarut atorlugu sapaatipakunnerata ingerlanerani neriffissat oqinnerusumik takuneqarsinnaalertarput aamma sapaatip akunnerata ingerlanerani mamartunik assigiinngiiaartunillu nerisaqarnissarsi qulakkeerneqartarpoq.
Paarisa malinnaaffigiuk
... peqqissuunissamillu qinersineq ajornanngitsumik qinersininngortiguk.
Ilaquttatit peqatigalugit sapaatip akunnerata ingerlanerani nerisassasi pilersaarusiorsigit. Ilutigalugu pisiassat allattorsimaffianik suliaqaritsi, taamaalilluni nerisassiornissaq oqinnerulissaaq aamma pisariaqartitasi tamarmik ataatsikkut pisiarineqarsinnaaneri paasiuminarnerulissapput.
Paarisap nerisassanut pilersaarutitut immersugassartaa uani aajuk
Paarisap nerisassanut pilersaarutaa peqqinnartumik assiginngiiaartumillu neriffissamut aqqutaavoq.
Iganeq, nerisassat aamma neriffissat ilaqutariit ilorrisimaarnerannut, ataatsimoornerannut peqqissusaannullu pingaaruteqarput.
Nerisassat pilersaarutaat atorlugu sapaatip akunnerata ingerlanerani neriffissat pilersaarusiornissaat oqinnerulertarpoq, taamaalillutit pisiniarfimmi nalunaaqutaq 16 sunik unnukkorsiussanerlutit nalornissutigissanngilat.
Ilaquttatit piffissaqarfiginerulerlugit nerisassioqatigisalissavatit nereqatigalugillu.
Sapaatip akunnerata ingerlanerani nerisassat pilersaarusiulerussigit meeqqat kissaataat eqqarsaatigikkit aamma eqqaamajuk taakkua mamarisaannik ilaanni sassaalliuteqartarnissaq.
Meeqqat assigiinngitsunik toqqagassaqartarnissaat neqeroorutigisinnaavat; ima aperinerannut "Suut illigaasigit?" atornagu toqqaasisinnaavatit. Taamaalillutit sapaatip akunnerata ingerlanerani peqqinnartunik assigiinngiiaartunillu nerinissarsi qulakkeersinnaavat, aamma meeqqavit sunik nerinissarsi toqqaaqataaffigissavaat.
Iganermut atuakkami Aalisa – Igasa - Nerisa aalisakkat qanoq meeqqat mamarisaannik iganeqarsinnaanerinut isumassarsiorsinnaavusi. Atuagaq ugguuna aasinnaavat.
Meeqqatit iganermi peqataatikkit. Meeqqatit imaassinnaavoq ulloq aalajangersimasoq atorlugu nerisassiorusuttassapput, ullormi tassani iggavimmi nerisassiorlutik imaluunniit ikiuullutik?
Meeqqat amerlasuut nerisassat namminneq suliarisimasatik nerissallugit nuannarisarpaat. Taamaattumik meeqqatit unnukkorsiutissanik iganerni peqatigisakkit Ilaqutariittut ataatsimoorneq nuannersunngortillugu.
Atuarsinnaasatit allat
Nerisaqarneq
Nerisassat peqqinnartut assigiinngissitaartuupput sivisuumillu qaarsilaartitsisarlutik. Peqqinnartunik nerisaqaruit timivit sapinngisamik pitsaanerpaamik ingerlalluarnissaa ilimanarnerussaaq, taamaalillutillu ulloq naallugu nukissaqarluassallutillu peqqissuussaatit.
Uani atuarukPeqqinnartumik nereriaaseqarneq
Peqqinnartumik nereriaaseqarneq tassaavoq timip kalerrisaarutaanut tusarnaarnermik ilinniarneq. Qaqugu nerissanersugut qanorlu neritigissanersugut timip oqaluttuuttarpaatigut.
Uani atuaruk